Danieli 2:21 - Tshwa Bible

²¹ Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 2:21 Mawu Ofanana

1 Tihosi 10:24

Vontlhe vanhu va misava va wa lava ku wona Solomoni, ni kuzwa hi wutlhari legi Nungungulu a nga wa gi vekile mbilwini yakwe;

1 Tihosi 3:28

Zonake vontlhe va ka Israeli va lozwa hi malamulela ya hosi, va hlamala, hakuva va lo wona lezaku a wutlhari ga Nungungulu gi na yena kuxuxeni ka timhaka.

1 Tihosi 4:29

Nungungulu i lo nyika Solomoni a Wutlhari ni kupima ka hombe nguvu, ni wutivi ginyingi go fanana ni seke ga bimbi.

1 Kronekele 22:12

Ntsena Jehova a ku nyike a wutlhari ni malanga, a ku nyikela ku fumela hehla ka va ka Israeli, a ku nyika a ku hlayisa a milayo ya Jehova Nungungulu wa wena.

1 Kronekele 29:30

Ku tsalilwe ni matimu ya kufuma kakwe kontlhe, ni wunhenha gakwe ga hombe, ni lezi zi nga humelela xikhatini xakwe, ni za lomu tikweni ga ka Israeli, ni za matiko wontihe.

Estere 1:13

Zonake a hosi yi lo wutisa a titlhari leti ti nga wa tiva zikhati, hakuva a hosi yi wa xuxa tontlhe timhaka zinwe ni lava va nga wa tiva nayo ni nongameto.

Joba 12:18

Wa hangalasa a wukosi ga tihosi, A ti boha ziwunu hi mangenje.

Eksodusi 31:3

Nzi mu chelile a Moya wa Nungungulu, ni wutlhari, ni ku tiva yontlhe mitiro;

Eksodusi 31:6

Kambe nzi yimisile Oholiaba nʼwana Ahisamaka, wa lixaka la ka Dani, a kuva muvuni wakwe; kambe nzi enghenisile wutlhari timbilwini ta vameseri vontlhe va nwina kasi va tira zontlhe lezi nzi ku leleteleko.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Danieli 10:1

Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Danieli 11:6

Anzhako ka malembe va ta akelana wuxaka, a nhanyana wa hosi ya le Dzongeni i tata ka hosi ya le Nwalungu a ku vuxa kuzwanana. Kanilezi a woko gakwe gi nga ta tiya, na yenawu a nga ta tiya, ge hambu ni woko gakwe; kanilezi a nhanyana loyi i ta nyikelwa, yena ni lava a tileko navo, ni loyi a mu belekileko ni loyi a nga mu seketela zikhatini lezo.

Danieli 2:20

aku: A gi khesiwe a vito ga Nungungulu kala kupinzuka, hakuva a wutlhari ni ntamu zi hi zakwe.

Danieli 2:23

Nza ku bonga, nzi ku dumisa wena Nungungulu wa vadadani va mina, hilezi u nzi nyikileko wutlhari ni ntamu, u nzi vululele lexi hi nga ku kombela ha xona; hakuva u hi tivisile a mhaka ya hosi.

Danieli 2:9

Kanilezi loku mu nga nzi byeli a noro, i nayo munwe wu mu yimeleko; hakuva mu polile mawunwa ni timhaka ta hava kasi ku nzi byela zona, na mu tsumba lezaku a zikhati zi ta hunzuka. Hikwalaho nzi hlawuteleni a noro, zonake nzi ta zi tiva lezaku ma zi kota ku wula a tlhamuselo wa kona.

Danieli 4:14

Yi lo kanyuluka aku: Singani a sinya, mu fungela a maravi ya yona, mu tlhatlha a matluka ya yona, mu hangalasa a mihanzu ya kona. A zihari a zi hume nzhutini wa yona, ni tinyanyani ti huma maravini ya yona. 1 Sam. 16:1, 12; 1 Tih. 22:19; Lu. 1:52

Danieli 4:17

A tsanziselo leyi yita hi le hubyeni ya tingelosi, a mhaka yi leletelwe hi vabasileko, kasi lava va hanyako va ta zi tiva lezaku Loyi a Hunzeleleko Kutlakuka wa fumela a mifumo ya vanhu, ni lezaku i yi nyika ka wihi a mu ranzako, a yimisa hehla ka yona a munhu a nga wa nyalidede nguvu.

Danieli 4:22

ku wuliwa wena hosi, u kulileko uva ni ntamu; hakuva a wukulu ga wena gi tlakukile gi chikela tilweni, a kufuma ka wena ku navalata kala magemetamusi ya misava.

Danieli 4:32

U ta hlongolwa xikari ka vanhu, u ya tshama ni zihari za khwati; u taga byanyi ku fanana ni tihomu kala ku hunza a ntlhanu wa zikhati ni zimbiri; kala u zi tiva lezaku Loyi a Hunzeleleko Kutlakuka i fumela a mifumo ya vanhu, a yi nyika ni wihi a mu ranzako.

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Va le Roma 13:1

Ngha na munwe ni munwani a ingisa a mufumo; hakuva a ku na mufumo wu nga yimiswangiko hi Nungungulu; a wuhosi legi gi nga kona gi yimisilwe hi Nungungulu. Dan. 2:21; Joh. 19:11; 1 Kor. 7:21

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

Jakobe 1:17

Zontlhe zinyikiwo zo saseka ni zinyikiwo zontlhe zi mbheleleko zita hi le hehla, zi relela hi ka Dadani wa kuwonekela, loyi a nga hiko na kuhunzuluka, a ka yena a ku na kuhunzuka-hunzuka kuva kuwonekela ni munyama. Mitse. 23:19; Mal. 3:6; Joh. 3:27

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4