Danieli 2:12 - Tshwa Bible

¹² Kwalaho a hosi yi lo zangara nguvu, yi ruma lezaku ti dawa tontlhe a titlhari ta le Babuloni.

Danieli 2:12 Mawu Ofanana

Joba 5:2

Hakuva a xipumbu xi dawa hi zanga ya xona, Ni wuxezi gi daya mupanzi wa gona.

Tisimu 76:10

Hizinene, a zanga ya munhu yi ta ku dumisa; A xipanze xa zanga yakwe u ta xi ambala. Ekso. 9:16; Rom. 9:17

Mavingu 16:14

A zanga ya hosi yi khwatsi i ntsumi wa lufo; anilezi a tlhari yi ta yi rengisa.

Mavingu 19:12

A zanga ya hosi yi khwatsi i nghonyamo yi dzumadzumako; anilezi a liranzo lakwe li fanana ni nzhokati yi welako byanyini,

Mavingu 20:2

A kutshisa ka hosi ku khwatsi kudzumadzuma ka nghonyamo; i wihi loyi a yi zangarisako wa vukela muhefemulo wakwe.

Mavingu 29:22

A munhu wa xizangazangani i vuxa mazunga; i munhu wa timholova i tala ku hambunyeta.

Danieli 2:24

Zonake Danieli i loya ka Arioki, loyi a hosi yi nga mu rumile ku ya daya a titlhari ta Babuloni, a yaku kakwe: U nga dzuki u daya a titlhari ta Babuloni! Nzi yise hosini, nzi ta ya yi tlhamusela a noro.

Danieli 2:5

A hosi yi lo hlamula yiku ka titlhari: Nzi tiyisile ku ngalo: Loku mu nga nzi byeli a noro lowo ni tlhamuselo wa kona, mu ta phaphulelwa, a tiyindlu ta nwina ti mahiwa matala.

Danieli 3:13

Nebukadnezzare i lo vunjukelana hi zanga, a vitanisa Xadrake, na Mexake, na Abed-nego. Laha a vavanuna lava va nga tiswa mahlweni ka hosi,

Danieli 3:19

Zonake Nebukadnezzare i lo zangara nguvu, a nghohe yakwe yi visukela Xadrake na Mexake na Abed-nego. I lo rumisa lezaku a nzhimbo va wu hisisa ku hunza tolovelo ya wona hi ntlhanu wa zikhati ni zimbiri.

Danieli 5:19

Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.

Mateu 2:16

Zonake Herodi laha na a wonile lezaku i kanganyisilwe hi titlhari, i lo zangara nguvu; i lo rumela ku ya daya a zihlangana zontlhe za vavanuna za lomu Betlehema ni tiko ga kona, a ku sukela ka va malembe mambiri nf kuya hasi, hi ku pima xikhati lexi a nga wutisisa ha xona a titlhari.

Mateu 5:22

Kanilezi mina nziku ka nwina: Kani hi mani a zangarelako makabye wakwe i yimelwe hi ku lamulwa hi hubye; kani hi wihi a ta nga wula ka makabye wakwe, aku: Xipumbu, i yimelwe hi ku lamulwa hi hlengeletano; kani hi wihi a wulako aku: Wena u phuphulu, i yimelwe hi ku hoxiwa Gehena ga nzilo. Jak. 2:20; 1 Joh. 3:15