Danieli 12:4 - Tshwa Bible

⁴ Kanilezi wena Danieli, hlayisa a timhaka leti, u lema a bhuku kala xikhatini xa magumo. Vanyingi va ta gi hlotisisa, kasi wutivi gi enzeleka.

Danieli 12:4 Mawu Ofanana

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 29:11

Yontlhe miwoniso yi mahile ka nwina kukotisa timhaka ta bhuku gi lemilweko, legi gi nyikiwako ka munhu loyi a tivako ku gonza, vaku: Maha wuxinji, u gonza bhuku legi; yena a hlamula, aku: A nzi zi koti hakuva gi lemilwe. Kuv. 5:1

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 32:3

A mahlo ya lava va wonako ma nga ta kuva xilutsu, Ni tindleve ta lava va zwako ti ta ingisela.

Isaya 8:16

Bohelela a wukustumunyu legi, u vala hi xifungo a nayo lowu xikari ka vapizani va mina.

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Danieli 10:1

Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Danieli 10:21

Kanilezi nzi ta ku byela lezi zi tsalilweko bhukwini ga zinene. A nga kona a nzi vunako kulwa ni lavaya, ahandle ka Mikaeli a hosana ya nwina.

Danieli 11:33

Lava va tlharihileko xikari ka tiko va ta gonzisa vanyingi; kanilezi va ta dawa hi supado, ni nzilo, ni wukhumbi ni kuphangiwa a masiku yo kari.

Danieli 11:40

A xikhatini xa magumo a hosi ya le Dzongeni yi talwa naye; a hosi ya le Nwalungu yi ta mu hlongolisa kota a xipupuri hi tikareta ta yimpi ni vakhileli va mahaxi ni mataru yo tala. I ta enghena lomu matikweni a kukuleta khwatsi i ntalo, a hunza.

Danieli 12:13

Kanilezi ti fambele u ya rinzela xikhati xa magumo, hakuva U ta humula, zonake u ta vuka u amukela a xiavelo xa wena a kumbheleni ka masiku.

Danieli 12:5

Laha mina Danieli nzi nga cuwuka nzi lo wona a vambiri vanwani va nga yimile laha Congweni, munwe hi tlhelo ga seno ni munwani hi tlhelo ga seniya.

Danieli 12:9

Yena aku: Famba Danieli, hakuva a timhaka leti ti hlayisilwe, ti lemiwa kala xikhatini xa kugumesa.

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.

Danieli 8:19

Aku: Nzi ta ku byela lezi zi ta nga humelela magumo ka xikhati xa zanga, hakuva a muwoniso wu xungeta a xikhati xa magumo.

Danieli 8:26

A muwoniso lowu wu wulilweko wa mixo ni gambo ngwa lisine; kanilezi wu hlayise, hakuva ngwa masiku ma ha tako.

Mateu 24:14

A ivangeli leyi ya mufumo yi ta kanetwa misaveni yontlhe, kasi yiva wukustumunyu ka matiko wontihe; hi kona ku ta nga chikela a kugumesa. Xip. 4:23; Rom. 10:18; Kol. 1:6, 23

Va le Roma 10:18

Kanilezi nzi ngalo: A va yi zwangi ke? Ina, va zwile. A kuwulawula kabye ku zwele misaveni yontlhe, Ni timhaka tabye ti chikele ni le magemetamusi. Tis. 19:4; Mat. 24:14

Kuvululelwa 10:4

Laha a ntlhanu wa kudzinza ni kumbiri na ku zwatile a magezu ya kona, mina nzi wa lava ku tsala. Kanilezi nzi lozwa a gezu ga le tilweni giku; Vala hi zifungo a timhaka leti ti kanelweko hi kudzinza ka ntlhanu ni kumbiri, u nga ti tsali. Dan. 8:26; 12:4, 9

Kuvululelwa 22:10

Yiku ka mina: U nga vali hi xifungo a timhaka ta kuprofeta ka bhuku legi; hakuva a xikhati xi tshinele. Dan. 8:26; 12:4, 9

Kuvululelwa 5:1

Nzi lo wona a bhuku canjeni ga xinene ga loyi a tshamileko xitshanwini xa wuhosi, legi gi tsalilweko nzeni ni laha handle, na gi valilwe hi ntlhanu wa zifungo ni zimbiri. Isa. 29:11; Ezek. 2:9, 10; Dan. 12:4