Danieli 12:2 - Tshwa Bible

² Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Danieli 12:2 Mawu Ofanana

Mavingu 12:8

A munhu i ta dzunziwa maringano ni wutlhari gakwe; anilezi loyi wa mbilu yi bihileko i ta nyenyiwa.

Isaya 26:19

A vafileko va wena va ta tlhela va hanya, A zirumbi za vafi va mina a zi vuke! Vukani mu giya, nwina lava mu etleleko tshurini, Hakuva a nzhokati ya wena i nzhokati ya wuronga, Zonake a misava yi ta tlhela yi humesa a vafileko. Ezek. 37:3

Isaya 66:24

Zonake va ta huma, va wona a zirumbi za lava va hambunyetileko mahlweni ka mina; hakuva a xiwungwani xabye xi nga tafa, ge hambu a nzilo wabye wu nga ta timeka. Va ta maha xinyenyeko ka nyama yontlhe. Dan. 12:2; Mar. 9:48

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Ezekieli 37:12

Hikwalaho, profeta, uku ka vona: Hosi Jehova i ngalo: Nzi ta vulula a zilahla za nwina, nzi mu humesa lomu zilahleni za nwina, nwina vanhu va mina; nzi ta mu wuyisa tikweni ga ka Israeli.

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Mateu 25:46

Ni lava va taya kutsayisweni ka pinzukelwa; kanilezi a valulamileko va taya wutomini ga pinzukelwa, Dan. 12:2; Joh. 5:29

Mitiro 24:15

Nzi na ni kutsumba ka Nungungulu, loku va nga nako na vonawu, lezaku ku tava kona a kuvuka ka valulamileko ni va nga lulamangiko. Dan. 12:2; Mat. 22:31; Xip. 23:6

Mitiro 7:60

Zonake i lo khizama, aba huwa hi gezu ga hombe, aku: Hosi, u nga va hlayeli a xionho lexi. Laha na a wulile lezo i lo etlela. Lu. 23:34

Va le Roma 9:21

Xana a muwumbi a nga na ntamu hehla ka wumba, a kuva hi xipanze xinwe xa wumba a wumba a xibya xinwe xo khesiwa, ni xinwani xi nga khesiwiko ke? Jer. 18:6; 2 Tim. 2:20

1 Va le Tesalonika 4:14

Hakuva loku hi kholwa lezaku Jesu i lofa a tlhela a vuka, hizalezo ni lava va etleleko, Nungungulu i ta va vuxa ha Jesu, a va wuyisa zinwe naye. 1 Kor. 15:13

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10