Danieli 12:1 - Tshwa Bible

¹ Xikhatini lexo ku ta huma Mikaeli, a hosana leʼya hombe yi yimelako a vana va tiko ga wena; ku tava ni zikhati za zikarato lezi zi kalako zi nga se huma kusukela a kusanguleni ka mifumo kala xikhatini lexo. Xikhatini xwalexo a vanhu va wena va ta tlhatlhiswa, vontlhe lava va ta nga kunwa na va tsalilwe bhukwini. Mat. 24:1; Mar. 13:19

Danieli 12:1 Mawu Ofanana

Tisimu 56:8

U hlayile a masiku ya kunzulanzula ka mina; Chela a mihloti ya mina lomu ka nghotso ya wena; A yi tsaliwangi lomu bhukwini ga wena ke?

Tisimu 69:28

Ngha va vinyiwa bhukwini ga wutomi, Va nga tsaliwi zinwe ni valulamileko. Ekso. 32:32; Fil. 4:3

Isaya 4:3

Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Ezekieli 13:9

A canja ga: mina gi ta vukela a vaprofeti lava va wonako miwoniso ya hava, ni lava va vumbako mawunwa. Va nga ta hlayiwa hubyeni ya vanhu va mina, va nga ta tsaliwa bhukwini ga yindlu ya ka Israeli, ge hambu ku enghena tikweni ga ka Israeli; zonake mu ta zi tiva lezaku hi mina Hosi Jehova.

Ezekieli 34:24

Mina Jehova nzi tava Nungungulu wa tona, a nanza ga mina Davida i tava hosi xikari ka tona, ku wulile mina Jehova.

Ezekieli 5:9

Nzi ta maha ka wena lezi nzi kalako nzi nga se ku zi maha, ni lezi nzi to kala nzi nga ha zi mahi kambe, hi kota ya wontihe a manyalataniso ya wena.

Danieli 10:13

Kanilezi a hosana ya mufumo wa Persia yi lo nzi tsimbeta 21 wa masiku, kanilezi Mikaeli, a yinwe ya tihosana ta hombe, ata a ta nzi vuna; nzi wa nga ha laveki laho zinwe ni tihosi ta Persia. Juda 9; Kuv. 12:7

Danieli 10:21

Kanilezi nzi ta ku byela lezi zi tsalilweko bhukwini ga zinene. A nga kona a nzi vunako kulwa ni lavaya, ahandle ka Mikaeli a hosana ya nwina.

Danieli 11:45

I ta gwimba matenda yakwe ya wuhosi xikari ka bimbi ni xitsunga xa kubasa leʼxo saseka nguvu. Kanilezi i taya gumelwa, a nga kona a to mu vunetela.

Danieli 7:10

Ku lo huma a congo wa nzilo hi le mahlweni kakwe, a mazana ya mazana ma lo mu khozela, ni 10,000 ma wuyetilweko hi 10,000 ma lo yima mahlweni kakwe. Ku wa hi ni hubye yo lamula, ku vululiwa mabhuku. Kuv. 5:11; 20:12

Danieli 9:12

I tiyisile a timhaka leti a nga ti wula ka hina, ni ka Valamuli va hina lava va nga hi lamula ni ku hi wisela a khombo ga hombe; hakuva lahasi ka tilo gontlhe a zi na nga maheka zo ringana ni lezi zi nga mahiwa ka Jerusalema.

Joeli 2:2

I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.

Malaki 3:16

Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Mateu 24:21

hakuva hi xikhati lexo ku tava kona a kuxaniseka ka hombe, loku ku nga ngha ku nga hi kona hi kusanguleni ka misava kala makunu, cima ku nga ta ku va kona kambe. Dan. 9:26; Joeli 2:2

Marku 13:19

hakuva lawo masiku ma tava ni kuxaniseka, loku ku nga ngha ku nga hi kona hi kusanguleni ka tiko legi Nungungulu a nga gi vanga kala lezi, cima ku nga tava kona. Dan. 9:26; Mat. 24:21

Luka 10:20

Ahemba-lokoke, mu nga tsaki hi lezi a mimoya yi mu ingisako; kanilezi tsakani hakuva a mavito ya nwina ma tsalilwe le tilweni. Ekso. 32:32; Tis. 89:28; Dan. 12:1

Va le Roma 11:15

Hakuva loku a kuhoxiwa kabye ku hunzukile kuva a kutlhanganyiswa ka misava, xana a kuamukelwa kabye ku tava yini? ku tava kuhanya ka kuvuxiwa hi ka vafileko.

Va le Roma 11:26

zonake a vaIsraeli vontlhe va ta hanyiswa, kota lezi ku tsalilweko, ku ngalo: Ku ta huma a Mutlhatlhisi hi le Zioni, I ta susa a zivi zontlhe ka Jakobe. Tis. 14:7; Isa. 60:15; Jer. 3:18

Va le Efesusi 1:21

a hehla ka mifumo, ni mintamu, ni wukulu, ni wuhosi, ni mavito wontihe ma vitanwako, na ku nga hi ka xikhati lexi ntsena, kanilezi ni ka xikhati xi tako. Fil. 2:9

Va le Filipi 4:3

Ina, nza ku khongotela na wenawu xitiri-kulori, vunetela a vavasati lava, hakuva va tirile na mina ivangelini, zinwe na Klemente, ni zinwani zitiri-kulori, lava a mavito yabye ma tsalilweko bhukwini ga wutomi. Rom. 16:3; Ekso. 32:32; Lu. 10:20; Xip. 1:27

Juda 1:9

Kanilezi Mikaeli, a ngelosi ya hombe, laha a nga kanetana na Satani hi xirumbi xa Mosi, i lo chava ku mu lamula hi nzhukano, kanilezi i te ngalo: A Hosi a yi ku kawuke. Dan. 12:1; Zak. 3:2; 2 Ped. 2:11

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Kuvululelwa 12:7

Ku wa hi kona kulwa le tilweni; Mikaeli ni tingelosi takwe va yalwa na drako, na drako alwa na hi ni tingelosi takwe; Dan. 12:1; Xip. 20:2

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Kuvululelwa 20:15

Ni wihi loyi ku nga tsaliwangiko a vito gakwe lomu bhukwini ga wutomi, i lo hoxwa tiveni ga nzilo.

Kuvululelwa 3:5

Loyi a hlulako i ta ambexwa tinguwo to basa; cima nzi nga ta vinya a vito gakwe bhukwini ga wutomi, nzi ta vumela vito gakwe mahlweni ka Dadani wa mina, ni mahlweni ka tingelosi takwe, Ekso. 32:32; Mat. 10:32; Fil. 4:3

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9