Danieli 11:37 - Tshwa Bible

³⁷ A nga ta khatalela a vanungungulu va vararu vakwe, hambu ni loyi a tsakelwako hi vavasati, ge hambu ku khatalela ni wihi nungungulu, hakuva i ta ti tlakusa hehla ka vona vontlhe.

Danieli 11:37 Mawu Ofanana

Genesisi 3:16

Ni ka wasati aku ngalo: Nzi ta ku engetela nguvu a kubayiseka ka wena laha u ta ngava ni rumbu; u ta beleka vanana hi kubayiseka; a kunavela ka wena ku taya ka nuna wa wena, na yena i ta ku fumela.

Genesisi 3:5

hi lezaku Nungungulu wa zi tiva lezaku, a siku lego mu gako yona, a mahlo ya nwina ma ta vululeka, mu kota Nungungulu, mu tiva kusasa ni kubiha.

Xizimba xa ka Solomoni 7:10

Nzi wa muranziwa wa mina, Ni kuxuva kakwe ku nzi kongoma.

Isaya 14:13

Hakuva a mbilwini ya wena u waku: Nzi ta kanziha tilweni, Nzi ta tlakusa xitshamu xa mina xa wuhosi hehla ka tinyeleti ta Nungungulu; Nzi ta tshama xitsungeni xa hlengeletano hi tlhelo ga Nwalungu.

Isaya 14:14

Nzi ta kanziha hehla ka marefu, Nzi ti maha nzi fanana ni loyi a Hunzeleleko-kutlakuka.

Ezekieli 24:16

Nʼwana wa munhu, Languta, hi xitshuketi nzi ta ku tekela lexi xi ranziwako hi mahlo ya wena; kanilezi u nga ta rila, hambu kuba nkosi, ni mihloti ya wena yi nga ta xilila.

Ezekieli 28:2

Nʼwana wa munhu, byela a hosana ya Tire, uku: Hosi Jehova i ngalo: Hakuva a mbilu ya wena yi ti tlakusile, u wuya uku: Mina nzi nungungulu, nzi tshamile xitshanwini xa nungungulu xikari ka mabimbi; kasilezo u munhu, a ku nungungulu, hambu lezi u yimisileko a mbilu ya wena ku fanana ni mbilu ya nungungulu. Isa. 31:3; Dan. 5:20; Miti. 12:22

Danieli 11:36

A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 11:38

Kanilezi i ta khozela a nungungulu wa makhokhola; i ta dzunza a nungungulu loyi a nga tibyiwangiko hi vadadani vakwe, hi nzalama ni siliva ni maribye ya tsengo ni zilo za lisima.

Danieli 8:11

Ina, li lo ti kulisa ni mahlweni ka Nduna ya yimpi leyo, li yi tekela a munyikelo wa kuhiswa wa simasima, ni wutshamu ga yona ga kubasa gi lo khungumulwa. Mitse. 28:3

Deuteronome 21:11

loku a hi kona wasati xikari ka tihloko leto u mu wonako na sasekile, ni loku u mu ranza u alakanya ku mu maha sati wa wena,

Deuteronome 5:21

U nga naveli sati wa muakelane wa wena, u nga naveli a yindlu ya muakelane wa wena, hambu ni simu gakwe, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xihi xilo xa muakelane wa wena.

2 Va le Tesalonika 2:4

loyi a vukelako ni ku ti kulisa hehla ka zontlhe zi vitwako mingungulu, ni zontlhe lezi zi khozelwako; a kala a ya tshama tempeleni ya Nungungulu, a ti wula lezaku i Nungungulu. Isa. 14:13; Ezek. 28:2; Dan. 11:36; 1 Kor. 8:5

1 Timote 4:3

Va tsimbetela a ku tekana, va laya ku kala ku nga giwi zakuga lezi Nungungulu a zi vangeleko lava va kholwako ni lava va tivako zinene, lezaku zi amukelwa hi kubonga. Gen. 9:3; Mav. 18:22; 1 Kor. 8:8; Maheb. 13:4