Danieli 11:36 - Tshwa Bible

³⁶ A hosi yi ta maha kuranza ka yona; yi ta ti kukumukisa yi ti kulisa hehla ka vanungungulu vontlhe; yi ta wulawula tinzhukano ti hlamalisako hi Nungungulu wa vanungungulu. Yi ta humelela kala kugumeseni ka xikhati xa zanga, hakuva lexi xi yimisilweko xi ta maheka. 2 Tes. 2:4; Kuv. 13:5

Danieli 11:36 Mawu Ofanana

Tisimu 136:2

Dumisani a Nungungulu wa vanungungulu, Hakuva a wuxinji gakwe ga kala kupinzuka. Deut. 10:17; 1 Kor. 8:5

Tisimu 33:10

Jehova wa vinya a makungo ya vamatiko, A maha maalakanyo ya matiko ma nga vuni nchumu. Joba 5:12; Mav. 21:30

Mavingu 19:21

Ku na ni makungo manyingi mbilwini ya munhu; anilezi a wusungukati ga Jehova hi gona gi tiyileko.

Isaya 10:23

Ni kulobyiswa loku ku tiyisilweko hi Hosi Jehova wa tiyimpi, Ku ta mahiwa misaveni yontlhe.

Isaya 10:25

Hakuva ku tava xikhatanyana a tsayiselelo yi ta hunza, ni zanga ya mina yi ta va lovisa.

Isaya 10:5

Khombo ka Assiria, a limhika la zanga ya mina! Loyi a welelako khulo ga mina khwatsi i nhonga.

Isaya 14:13

Hakuva a mbilwini ya wena u waku: Nzi ta kanziha tilweni, Nzi ta tlakusa xitshamu xa mina xa wuhosi hehla ka tinyeleti ta Nungungulu; Nzi ta tshama xitsungeni xa hlengeletano hi tlhelo ga Nwalungu.

Isaya 14:14

Nzi ta kanziha hehla ka marefu, Nzi ti maha nzi fanana ni loyi a Hunzeleleko-kutlakuka.

Isaya 26:20

Yana, tiko ganga, enghena ti ndlwini ta wena, u ti valela; Fihlala xikhatanyana, kala a zanga yi hunza.

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 46:10

Nzi tlhatlhambutela a zilo na za hi ku sangula, Nzi vumba ni lezi zi kalako zi nga se ku maheka; Nziku: A makungu ya mina ma ta tatiseka, Nzi tira zontlhe lezi nzi zi ranzako.

Isaya 57:9

U yile le hosini ni mafura, U anzisa mafura ya wena yo nuhela; U rumile kule a mitsukano ya wena, U yi rumela ni le Xeoli.

Ezekieli 28:2

Nʼwana wa munhu, byela a hosana ya Tire, uku: Hosi Jehova i ngalo: Hakuva a mbilu ya wena yi ti tlakusile, u wuya uku: Mina nzi nungungulu, nzi tshamile xitshanwini xa nungungulu xikari ka mabimbi; kasilezo u munhu, a ku nungungulu, hambu lezi u yimisileko a mbilu ya wena ku fanana ni mbilu ya nungungulu. Isa. 31:3; Dan. 5:20; Miti. 12:22

Ezekieli 35:13

Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.

Danieli 11:16

Loyi a ta ngata ku talwa naye, i ta maha kota kuranza kakwe, a nga kona a to yima mahlweni kakwe. I ta yima lomu tikweni go saseka, i ta lovisa hi canja gakwe.

Danieli 11:3

Zonake ku ta huma a hosi ya wunhenha, yi ta nga fuma hi ntamu wa hombe, yi maha kuranza ka yona.

Danieli 11:37

A nga ta khatalela a vanungungulu va vararu vakwe, hambu ni loyi a tsakelwako hi vavasati, ge hambu ku khatalela ni wihi nungungulu, hakuva i ta ti tlakusa hehla ka vona vontlhe.

Danieli 12:7

Nzi lozwa a munhu loyi a nga ambele a tinguwo ta wukene, a nga yimile hehla ka mati ya congo, laha a nga tlakusa canja gakwe ga xinene ni ga xibhabha, a hlambanya hi loyi a hanyako kala kupinzuka, aku: Ku tava a xikhati ni zikhati ni khihlanya ga xikhati, ni loku va mhhetile ku tshova a ntamu wa tiko ga kubasa, zonake ku tava magumo ya zontlhe lezi zilo. Deut. 32:40; Kuv. 10:5; 12:14

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Danieli 4:35

Vontlhe vaaki va misava a hi nchumu ka yena. I maha kuranza kakwe hi tiyimpi ta tilo ni xikari ka vaaki va laha misaveni. A nga kona a nga tsanzekisako a canja gakwe, ge hambu ku wula kakwe aku; Xini u mahako?

Danieli 5:19

Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.

Danieli 5:20

Kanilezi laha a mbilu yakwe yi nga ti kulisa, a nonohisa moya wakwe ava ni matshanza, i lo suswa xitshanwini xakwe xa wuhosi, a tekelwa wukosi gakwe.

Danieli 7:8

Na nzi cuwuka timhonzo leto, nzi lo wona linwani la li tsongwani na li huma xikari ka leti tinwani, zonake li kunula a timhonzo tinharu leʼto ranga. A limhonzo leto li wa hi ni mahlo ya munhu, ni nomu wu nga wulawula magezu ya matshanza.

Danieli 8:19

Aku: Nzi ta ku byela lezi zi ta nga humelela magumo ka xikhati xa zanga, hakuva a muwoniso wu xungeta a xikhati xa magumo.

Danieli 8:4

Nzi lo wona a hamba leyi na yi dumela tlhelo go Muhlwa-gambo ni le Nwalungu ni le Dzongeni. Ku wa hi hava xihari xi nga yi tiyela, ge hambu munhu loyi a nga zi kota ku ponisa ntanwini wa yona. Kanilezi yi wa maha ni xihi hi kuranza ka yona, yi ti kulisa.

Zakaria 11:16

Hakuva nzi ta vuxa lomu tikweni a murisi loyi a to kala a nga hlayisi leti ti lahlekileko, ge hambu a ku famba a lava leti ti hangalakileko, ni ku chuma leti ti tshovekileko. A nga ta gisa leyi yi nga tomi, kanilezi i taga a nyama ya leti ti nonileko, a kala a panza ni makhanzo ya tona.

Johani 5:30

Mina a nzi zi koti ku maha nchumu ha nzoce. Nza lamula kota lezi nzi zi zwako; a kulamula ka mina ku lulamile, hakuva a nzi lavi kuranza ka mina, kanilezi a kuranza ka loyi a nzi rumileko. Mat. 26:39; Xip. 4:34; 6:38

Johani 6:38

Hakuva nzi relele hi le tilweni, na ku nga hi lezaku nzi maha kuranza ka mina, kanilezi ku maha kuranza ka loyi a nzi rumileko. Mat. 26:39; Xip. 4:34; 5:30

Mitiro 4:28

kasi va maha lexi u nga xi yimisile hi kale hi canja ga wena ni khungo ga wena, a kuva xi maheka. Xip. 2:23

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

2 Va le Tesalonika 2:3

Mu nga kanganyiswi hi munhu ha nchumu; hakuva a kuranga ku tava kona kutlhelela nzhako, ku wonekeliswa a Munhu wa kuonha, a nga nʼwana wa kulahleka, Dan. 7:23; Joh. 17:12; 1 Tim. 4:1; Kuv. 13:11

2 Va le Tesalonika 2:4

loyi a vukelako ni ku ti kulisa hehla ka zontlhe zi vitwako mingungulu, ni zontlhe lezi zi khozelwako; a kala a ya tshama tempeleni ya Nungungulu, a ti wula lezaku i Nungungulu. Isa. 14:13; Ezek. 28:2; Dan. 11:36; 1 Kor. 8:5

2 Va le Tesalonika 2:8

Zonake i ta wonekeliswa a xihunza-milayo, loyi Hosi Jesu a ta nga mu daya hi xikuhe xa nomu wakwe, a mu lovisa hi kuwonekeliswa ka kuwuya kakwe. Joba 4:9; Isa. 11:4; Dan. 7:10; Maheb. 10:27; Kuv. 2:16

Joxua 22:22

Nungungulu Nyamintamu, Nungungulu Jehova, wa zi tiva, na yenawu Israeli i ta zi tiva! Loku hina hi mahile lezo zilo hi kuhluwuka hi vukela Jehova ni ku mu onhela, u nga hi ponisi inyamutlha.

Kuvululelwa 10:7

Kanilezi a masikwini ya gezu ga ngelosi ya wuntlhanu ni timbiri, laha yi ta ngaba mpunzu, ku heteka a fihlakalo wa Nungungulu, khwatsi hi mahungu yo saseka lawa a nga ma byela a malanza yakwe a vaprofeti.

Kuvululelwa 12:14

Ni wasati i lo nyikiwa a tipapa timbiri ta gama ga hombe, lezaku a fela ku purumela xiwuleni, a ka wutshamu legi a ta nga wundliwa kona a xikhati, ni zikhati zimbiri, ni khihlanya ga xikhati, a hi kule ni nyoka. Ekso. 19:4; Dan. 7:25; Xip. 17:3

Kuvululelwa 13:1

Nzi lo yima sekeni ga bimbi, nzi wona a xihari xi huma bimbini, na xi hi ni khume ga timhonzo ni ntlhanu wa tihloko ni timbiri. Le timhonzweni ta xona xi wa hi ni khume ga zidlodlo, ni le tihlokweni ta xona ku wa tsalilwe a mavito ya tihlamba. Dan. 7:2, 7

Kuvululelwa 17:17

Hakuva Nungungulu i vekile timbilwini tabye a ku maha kuranza kakwe, va vumelana ku nyika xihari a kufuma kabye, ti karala ti tatiseka a timhaka ta Nungungulu. 2 Tes. 2:11; Xip. 10:7

Kuvululelwa 17:3

Yi lo nzi yisa xiwuleni hi Moya; nzi wona wasati na a khilele xihari xo pswhuka, lexi xi teleko hi mavito ya kurukatela, xi hi ni ntlhanu wa tihloko ni khume ga timhonzo. Xip. 12:3, 6; 13:1