Danieli 11:2 - Tshwa Bible

² Makunu nzi ta ku byela a zinene. Ka ha ta huma tihosi tinharu le Persia; a ya wumune yi tava ni kufuma ku hunza tona tontlhe. Loku a titshomba takwe ti mu nyikile a ntamu, i ta vuxa vontlhe a ku yalwa ni tiko ga maGreki.

Danieli 11:2 Mawu Ofanana

Ezra 4:24

Zonake va lo kaketa a ntiro wa yindlu ya Nungungulu le Jerusalema; va lo tsika kala lembe ga wumbiri ga kufuma ka Dariusi a hosi ya le Persia.

Ezra 4:7

Kanilezi xikhatini xa Artaxerxesi, Bishlamu na Mitredate na Tabeeli ni vanwani vanakulobye, va lo tsalela Artaxerxesi a hosi ya le Persia a papilo hi maletela ya xiAsiria gi tlhamuselwa hi xiAsiria.

Estere 1:1

Masikwini ya Ahasuerusi, loyi a nga wa fumele 127 wa matiko kusukela India kala Etiopia,

Mavingu 22:21

Kasi ku ku gonzisa a zinene za timhaka ta lisine; ezaku u ta tiva ku hlamula a timhaka ta lisine ka lava va ku rumileko ke?

Danieli 10:1

Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Danieli 11:25

I ta ti tiyiseta a tiyisa mbilu yakwe a ku yalwa ni hosi ya le Dzongeni hi yimpi ya hombe. A hosi ya le Dzongeni na yonawu yi ta hloma yimpi ya hombe nguvu yi talwa nayo; kanilezi yi nga ta humelela hakuva va ta mu mahela gujeguje.

Danieli 7:5

Nzi lo wona a xihari xa wumbiri xo fanana ni urso na xi yimile hi tlhelo ginwe, na xi hi ni timbambo tinharu nonwini wa xona xi ti lumile hi meno ya xona. Vaku ka xona: Suka u khadamula a nyama yo tala.

Danieli 8:21

A mhongo hi hosi ya maGreki. A limhonzo leli li nga xikari ka mahlo ya yona hi hasi yo sangula.

Danieli 8:26

A muwoniso lowu wu wulilweko wa mixo ni gambo ngwa lisine; kanilezi wu hlayise, hakuva ngwa masiku ma ha tako.

Danieli 8:4

Nzi lo wona a hamba leyi na yi dumela tlhelo go Muhlwa-gambo ni le Nwalungu ni le Dzongeni. Ku wa hi hava xihari xi nga yi tiyela, ge hambu munhu loyi a nga zi kota ku ponisa ntanwini wa yona. Kanilezi yi wa maha ni xihi hi kuranza ka yona, yi ti kulisa.

Amosi 3:7

Futsi Hosi Jehova a nga zi koti ku maha nchumu na a nga se ku tivisa a malanza yakwe, va nga vaprofeti.

Johani 10:35

Loku a va vitanile aku vanungungulu, vona lava a mhaka ya Nungungulu yi nga tile kabye (ni mitsalo a yi na ku fuva), Rom. 13:1

Kuvululelwa 21:5

Loyi a tshamileko xitshanwini xa wuhosi aku: Langutani nzi maha zilo zontlhe ziva ziswa. Zonake aku: Tsala, hakuva leti timhaka ti tsumbekile ti nene. Isa. 43:19; 2 Kor. 5:17; Xip. 19:9