Danieli 10:8 - Tshwa Bible

⁸ Nzi wa sele nzoce nzi wona a muwoniso lowu wa hombe, nzi lo mbhela ntamu, a nghohe ya mina yi lo hunzuka hi kudzuka, nzi nga ha hi na ntamu.

Danieli 10:8 Mawu Ofanana

Genesisi 32:31

Na a ha tlhatuka Penueli a gambo gi lo tsuwuka, na yena i wo khwita hi nyonga yakwe.

Eksodusi 3:3

Mosi aku: Nza ha nga hambuka nziya wona a xihlamaliso lexi xa hombe, lezaku hiyini a xihlahla xi swako xi nga mbheli!

Danieli 10:16

Languta a wo kari a fananako ni vana va vanhu i lo khumba a milomu ya mina; zonake nzi lo vulula a nomu wa mina nzi wulawula ka loyi a nga yimile mahlweni ka mina, nziku: Hosi yanga, a muwoniso lowu wu nzi bayisile, laha kaku a nza ha hi na ntamu.

Danieli 10:17

Hakuva a nanza ga hosi ya mina gi nga wulawulisa kuyini ni hosi ya mina? Hakuva nzi mbhelile ntamu, a nzi zi koti ku hefemula.

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 8:27

Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Danieli 8:7

Nzi lo yi wona na yi tshinela ka hamba na yi zangarile nguvu, yi yi dlina, yi tshova a timhonzo ta yona ta timbiri, kasi a hamba yi nga hi na ntamu wo yimekelana nayo. Yi lo wisa a hamba lahasi yi yi kanzihelele; ku wa nga hi kona ni munwe a nga zi kota ku ponisa a hamba ntanwini wa yona.

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

Mateu 17:6

Laha a vapizani na va zi zwile, va lowa hi tinghohe tabye, va chava nguvu.

Marku 9:6

hakuva i wa nga zi tivi lezi a ta nga wulawula, hakuva va wa chava nguvu.

Johani 16:32

Mangabye, xa hata xikhati, xi chikele ni lezi, xa kuva mu hangalaka, munwe ni munwani a famba kaya kakwe, mu nzi siya nzoce; kanilezi a nzi nzoce, hakuva Dadani i na mina. Mat. 26:31; Xip. 8:29; 20:10

2 Va le Korinte 12:7

Hi kota ya ku kasi nzi nga ti kukumukisi hi kuvululelwa loku ka hombe, nzi lo nyikiwa a muzwa lomu nyameni, a ntsumi wa Satani wa ku nzi tshekulela lezaku nzi nga ti kukumukisi hi ku hunzeleta nzheko. Ezek. 28:24; Gal. 4:13

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10