Danieli 10:16 - Tshwa Bible

¹⁶ Languta a wo kari a fananako ni vana va vanhu i lo khumba a milomu ya mina; zonake nzi lo vulula a nomu wa mina nzi wulawula ka loyi a nga yimile mahlweni ka mina, nziku: Hosi yanga, a muwoniso lowu wu nzi bayisile, laha kaku a nza ha hi na ntamu.

Danieli 10:16 Mawu Ofanana

Eksodusi 4:10

Zonake Mosi aku ka Jehova: Ehe! Wena Hosi, a nzi munhu wo zi kota ku wulawula khwatsi, hambu tolo, ne tolweni, hambu kusukela lezi u sanguleko ku wulawula ni nanza ga wena, cima a nzi zi koti ku wulawula khwatsi, hakuva nzi munhu wa manghakamela ni xirimiti.

Eksodusi 4:13

Mosi aku: Ha! Hosi, ruma hi canja ga munwani loyi u ranzako ku mu ruma.

Mutshawuteli 1:18

Hakuva laha wutlhari ga hombe gi nga kona, a zikarato zo tala zi kona; Loyi a anzisako wutivi gakwe i anzisa kubayiseka.

Isaya 6:7

Gi lo khumba a nomu wa mina ha gona, giku: Languta, a khala legi gi khumbile milomu ya wena, a zigoho za wena zi susilwe, ni kuonha ka wena ku tsetselelwe.

Jeremia 1:9

Zonake Jehova i lo nawuluta a canja gakwe, a khumba a nomu wa mina; na Jehova aku ka mina: Languta, nzi vekile a timhaka ta mina a nonwini wa wena.

Ezekieli 1:26

Le hehla ka mpfuka wu nga hi hehla ka tihloko ta zona, ku wa hi ni xo fanana ni xitshamu xa wuhosi xi nga ku khwatsi hi ribye ga safira; ni hehla ka lexi xi nga fanana ni xitshamu xa wuhosi ku wa hi ni xe fanana ni munhu. Ekso. 24:10; Dan. 7:9; Kuv. 4:2

Ezekieli 3:27

Kanilezi loku mina nzi wulawula na wena, nzi ta vulula a nomu wa wena, lezaku u zi kota kuva byela, uku: Hosi Jehova i wula lezi! Zonake loye a ranzako kuzwa ngha a ingisa, ni loye a nga ranziko kuzwa ngha a nga ingisi, hakuva va hi yindlu yi hluwukileko.

Ezekieli 33:22

Makunu a canja ga Jehova gi wa hi hehla ka mina ni gambo, hi mahlweni loyi wo pona na a nga se chikela; kanilezi ni mixo na a nga se ku chikela i lo vulula a nomu wa mina, nzi wa nga ha hi mbeveve kambe.

Danieli 12:8

Nzi lo zizwa, kanilezi a nzi zi pimangi. Zonake nziku: Hosi yanga, a zilo lezi zi ta gumesisa kuyini?

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 7:15

Mina Danieli, a moya wa mina wu lo xaniseka xikari ka mina, nzi karateka hi kota ya miwoniso ya mina.

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 8:15

Laha mina Danieli na nzi wonile muwoniso lowu, na nzi hlota ku wu pimisisa, nzi lo wona munwe wo fanana ni munhu na a yimile mahlweni ka mina.

Danieli 8:17

I lo tshinela laha nzi nga yimile, laha a ngata nzi lo chava, nziwa hi nghohe ya mina. Kanilezi aku ka mina: Xiyisisa, nʼwana wa munhu, hakuva a muwoniso wu xungeta a xikhati xa kugumesa.

Danieli 8:18

Laha a nga wulawula na mina, nzi lo titivala, a nghohe ya mina na yi hi lahasi. Kanilezi i lo nzi khumba a nzi yimisa.

Danieli 8:27

Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Danieli 9:21

ina, na nza ha wulawula mikombelweni, Gabrieli a wanuna loyi nzi nga mu wonile kuranga lomu muwonisweni, i lota na a puruma hi xihatla, a ta nzi khumba hi xikhati xa munyikelo wa laha gambyeni.

Luka 1:64

Zalezo wu lo vululeka a nomu wakwe, ni lirimi lakwe li tlhatlheka; i lo wulawula a bonga Nungungulu. vesi 20

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Johani 20:28

Tomasi i lo hlamula, aku kakwe: Hosi ya mina ni Nungungulu wa mina.

Joxua 5:14

Na yena i lo hlamula aku ngalo: Eye, nza ha kuta lokuloku; nzi nduna ya yimpi ya Jehova. Zonake Joxua i lo khizama hi nghohe ya yena a korama, aku ka yena: Xana u yini hosi yanga ka nanza ga yona ke? Tis. 148:2

Kuvululelwa 1:13

Laha xikari ka timeza ta tikandiya nzi lo wona wo kari wo fanana ni nʼwana wa munhu, na ambele a nguwo yo leha, yi bohilwe laha xifuveni hi bhandi ga nzalama. Ezek. 1:26; Dan. 7:13; 10:5

Valamuli 13:8

Makunu Manoa i lo kombela ka Jehova, aku: Hosi yanga, a munhu wa Nungungulu, loyi wena u mu rumileko, a engete kambe ata ka hina a ta hi gonzisa lezi hi faneleko ku zi maha hi nwanana loyi a ta nga pswalwa.

Valamuli 6:13

Gideoni aku ka yona: O, hosi yanga, loku Jehova a wa hi zinwe na hina, hi kuyini zontlhe lezi zi hi humeleleko? Zi kwihi zontlhe zihlamaliso zakwe lezi a vararu va hina va nga hi hlawutela zona, vaku: A hi yena Jehova a hi humesileko Gipite ke? Kanilezi makunu Jehova i hi hoxile, a hi nyikela mandleni ya vaMidiani.

Valamuli 6:15

Gideoni aku kakwe: Hosi yanga, nzi ta va hlangutisa kuyini vaIsraeli ke? Cuwuka ngango wa hina, hi wona wa lahasi ka lixaka la ka Manasa; mina nzi xisiva-marumbu xa kona ndlwini ya dadani.