Danieli 1:20 - Tshwa Bible

²⁰ Ni xihi xikhati a hosi yi nga va wutisa hi timhaka ta wutlhari ni wutivi, yi lo va kuma lezaku va hunza hi ka khume a tinʼanga tontlhe ni vangoma lava va nga wa hi mufunweni wakwe wontihe.

Danieli 1:20 Mawu Ofanana

Genesisi 31:7

Kanilezi a raru wa nwina i nzi khohlisile khume ga zikhati a hunzulusa a hakhelo ya mina; kanilezi Nungungulu a nga vumelangi a kuva a nzi mahela kubiha.

Genesisi 41:8

Na gi cile laha mixweni, Faro i lo karateka nguvu lomu mbilwini yakwe; hikwalaho i lo rumela lezaku ku vitanwa zitumbe zontlhe za le Gipite, ni titlhari ta kona. I lo va hlawutela miloro yakwe, kanilezi i wa nga hi kona loyi a nga wa tiva ku tlhamusela miloro leyo ya Faro.

Nehemia 4:12

Laha a vaJuda lava va nga wa akile kusuhani kabye va ngata, va ta hi tivisa khume ga zikhati mahungu lawo, na vata hi matlhelo wontihe, vaku: Mu fanele ku wuya ka hina!

Joba 19:3

Mu nzi rukile khume ga zikhati, A mu na tingana a ku nzi ruka.

Tisimu 119:99

Nzi na ni kupimisisa ku hunza vagonzisi va mina vontlhe, Hakuva nzi ehleketa a zikhumbuxeto za wena.

Eksodusi 7:22

A tinʼanga ta Gipite ti lo mahawu lezo hi wutlhari ga tona. A mbilu ya Faro yi lo sihalala. Cima a nga ingisangi, khwatsi hi lezi Jehova a wulileko.

Eksodusi 8:19

Zonake a tinʼanga tiku ka Faro: Leli litiho la Nungungulu! Hambu lezo a mbilu ya Faro yi lo sihalala; a nga va ingisangi, khwatsi hi lezi Jehova a wulileko.

Eksodusi 8:7

Ni tinʼanga ti lo maha lezo hi wutlhari ga tona, ti humesa makhele lomu tikweni ga Gipite.

Isaya 19:3

A moya wa Gipite wu ta titivala nzeni kabye, Nzi ta hangalasa makungo yabye, Va ta tsutsumela zifananisweni ni ka vangoma, Ni lava va humesako mimoya ya vafileko ni vavumbi.

Ezekieli 28:3

Kunene, u tlharihile ku hunza Danieli; a ku na fihlakalo wu fihlilweko ka wena.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Danieli 2:13

Laha ku nga biwa nyiwo lezaku a titlhari a ti dawe, va lo lava na Danieli ni vanghana vakwe a kuva va dawa.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 5:17

Danieli a hlamula aku ka hosi: Tshama ni zinyikiwo za wena, u nyika michachazelo ya wena ka munwani. Hambulezo, nzi ta gonzela hosi a mutsalo, nzi mu tivisa a tlhamuselo wa wona.

Mitsengo 14:22

Hakuva vontlhe lava vanhu va wonileko kungangamela ka mina ni zihlamaliso lezi nzi mahileko le Gipite, ni lomu xiwuleni, va nzi ringileko khume ga zikhati, kanilezi a va ingisi gezu ga mina.