Amosi 9:10 - Tshwa Bible

¹⁰ Vontlhe vaonhi va tiko ga mina va ta dawa hi supado, lava vange: A khombo gi nga ta hi tshinelela, ge hambu ku hi wela.

Amosi 9:10 Mawu Ofanana

Tisimu 10:11

I wula mbilwini yakwe, aku: Nungungulu i rivakelwe, I fihlile a nghohe yakwe, cima a nga ta zi wona.

Mutshawuteli 8:11

Hakuva a kulamulwa ka wakubiha a ku hatlisi kuta, a timbilu ta vanhu ti navela ku maha zo biha.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

Isaya 5:19

Lava vange: A hatlise, a hatlisise a ntiro wakwe, Kasi ha fela ku wu wona; Ngha a wusungukati ga Wa ku Basa wa ka Israeli gi tshinela, Kasi ha fela ku gi tiva!

Isaya 56:12

Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! 1 Kor. 15:32

Jeremia 18:18

Zonake vaku: Ngonani hi maba xikungo xo vukela Jeremia; hakuva a vapristi va nga ta tsanzeka ku hi nyika xiluleko, kutani tlhari ku hi nyika wusungukati, hi nyikwa magezu hi vaprofeti. Tanani, hi ya mu hika hi tirimi ta hina, hi nga khataleli timhaka takwe. Ezek. 7:26; Mal. 2:7

Jeremia 23:17

Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 29:32

hikwalaho Jehova i ngalo: Mina nzi ta tsayisa Xemaya wa le Nehelame ni vana vakwe; a nga tava na munhu wo tshama xikari ka tiko legi, kambe a nga ta wona makatekwa lawa nzi to mahela a vanhu va mina, ku wula Jehova, hakuva i wulawulile zo vukela Jehova.

Ezekieli 20:38

Nzi ta phaka xikari ka nwina a vahluwuki ni lava va nzi fularelako, nzi va humesa a tikweni legi va luvelako ka gona; kanilezi va nga ta enghena tikweni ga ka Israeli: mu ta zi tiva lezaku hi mina Jehova.

Amosi 6:1

I khombo ka lava va te ku tikatika le Zioni, ni ka vona va te ku nja le xitsungeni xa Samaria, a tihosana ta tiko go ranga xikari ka matiko, lava a yindlu ya ka Israeli yi tako kabye.

Amosi 6:3

Nwina lava mu nge hi ku tshineta kule a masiku ya khombo, kasi lezo mu ramba a xitshamu xa zanga xi tshinela kusuhani.

Amosi 9:8

Langutani, a mahlo ya Hosi Jehova ma honokela a mufumo lowu wa kuonha, nzi ta wu lovisa nghoheni ya misava; ntsena lezaku a yindlu ya ka Jakobe nzi nga ta yi lovisela magumo, ku wula Jehova.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Malaki 3:15

Makunu hi ngalo a vamatshanza va katekile. Ina, va vuvuma lava va mahako kubiha; va phika Nungungulu, va huluka.

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.