Amosi 9:1 - Tshwa Bible

¹ Nzi lo wona Hosi na yi yimile kusuhani ni alati, yiku ngalo: Bana tihloko ta timhanze, kasi a zipimbitsi za tinyangwa zi tsekatseka, u zi fayela hehla ka tihloko ta lava va nga kona lomo; lava va ta nga sala nzi ta va daya hi supado, ku nga ta tsutsuma ni munwe hambu ku pona.

Amosi 9:1 Mawu Ofanana

2 Kronekele 18:18

Mikaia i te ngalo: Zwanani-ke a gezu ga Jehova! Mina nzi lo wona Jehova na a tshamile xitshanwini xakwe xa wuhosi, na a hi zinwe ni yimpi yontlhe ya le tilweni, na yi yimile canjeni gakwe ga xinene ni ga xibhabha.

Tisimu 68:21

Kanilezi Nungungulu i ta faya a tihloko ta valala vakwe; A lipala la loyi a simamisako kugoheni kakwe.

Tisimu 68:22

A Hosi yite: Nzi ta va tlhelisa hi le Baxani, Nzi va wuyisa hi le kueteni ka bimhi; Am. 9:2

Isaya 30:16

Nwina mu te ngalo: Hina hi ta hlasela na hi khilele mahaxi! Hikwalaho mu ta hlaselwa. Muku ngalo: Hi ta khilela mahaxi ya mazambo! Hikwalaho mu ta hlongolwa hi lava va nga ni mazambo. 2 Tih. 25:4

Isaya 6:1

A ka lembe lego a ngafa hesi Uzzia, nzi wonile Jehova na tshamile xitshanwini xa hombe xa wuhosi xi tlakukileko, ni nguwo yakwe yi wa tatile a tempeli. Dan. 7:9; Mat. 25:31; Joh. 12:41

Jeremia 11:11

Hikwalaho Jehova i ngalo: Nzi ta neha khombo hehla kabye, va nga ta huluka ka gona; va ta rila ka mina, kanilezi nzi nga ta va ingisa. Mav. 1:28; Isa. 1:15

Jeremia 42:16

zonake a supado leyi mu yi chavako yi ta mu khamanyeta kwalomo tikweni ga Gipite, ni ndlala leyi mu yi tsutsumako yi ta mu lanzela yi mu tshingela kwalomo Gipite, mu fela kona.

Jeremia 48:44

Loyi a tsutsumako hi kota ya hlenekera i ta wela rinzini; loyi a humako rinzini i ta phasiwa ziyweni. Hakuva Moabi nzi ta mu nehela a lembe ga kutsayiswa, ku wula Jehova.

Ezekieli 1:28

A kuvangamela matlhelweni wontihe ku wa fanana ni kungangamela ka wura ga nyazimu, legi gi wonekako refini hi siku ga vula. Zi wa wonekisa lezo leʼzi nga fanana ni kungamela ka Jehova. Laha nzi nga zi wona nzi lowa hi nghohe ya mina, na nzi kari nzizwa a gezu ga munwe loyi a wulawulako.

Ezekieli 10:4

Zonake a kungangamela ka Jehova ku lo suka hehla ka makerubima gi ya yima hehla ka nyangwa ya yindlu; ni yindlu yi lo tala hi refu, ni hubye yi wa tele hi kuhatima ka kungangamela ka Jehova.

Ezekieli 15:7

Nzi ta va honokela; va ponile nzilo, kanilezi va ta lobyiswa hi nzilo. Va ta zi tiva lezaku hi mina Jehova, laha nzi ta nga va honokela.

Ezekieli 9:2

Languta, ku lota ntlhanu wa vavanuna ni munwe hi tlhelo ga nyangwa ya le hehla, yi ngomamako Nwalungu; a munwe ni munwani na a khomile a mutsayi canjeni gakwe. A munwe wabye i wa ambele a tinguwo ta wukene na hi ni zo tsala ha zona na zi bohilwe laha reveni gakwe. Va lo enghena, va yima kusuhani ni alati ga suku. Ezek. 8:3; Kuv. 15:1, 6

Amosi 3:14

Hakuva a siku legi nzi ta nga tsayisa Israeli hi kota ya zihambunyeto zakwe, nzi ta tsayisa kambe ni maalati ya le Beteli, kasi a timhonzo ta maalati ti tsenwa tiwa lahasi. 1 Tih. 12:33; 2 Tih. 23:15

Amosi 7:17

Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24

Amosi 7:9

A matshamu ma tlakukileko ya Isaka ma ta hahlulwa, ni matshamu ma basileko ya ka Israeli ma ta hangalasiwa; nzi ta vukela a yindlu ya ka Jeroboamu hi supado. 2 Tih. 17:20

Habakuka 3:13

U humela ku ponisa a tiko ga wena, A ku hanyisa loyi a totilweko wa wena; U faya a langwa la yindlu ya vakubiha, U khungumula a yindlu kala xiseketelweni. (Sela.)

Zefania 1:12

Xikhatini lexo nzi ta lavisisa lomu Jerusalema hi tikandiya; nzi ta tsayisa a vavanuna lava va te ku njha hehla ka zisese zabye, lava va nge ngalo timbilwini tabye: Jehova a nga mahi xinene ge hambu zahava!

Zefania 2:14

A mitlhambi yi ta zumba lomu xikari kakwe, ni lixaka tontlhe ta zihari; a masekwa ni tinungu zi ta etlela lomu timhanzeni ta wona, a gezu ga xikotlwani gi ta zwala lomu tinjhaneleni, zikunguwa zi ta kapama ka zipimbitsi za wona, hakuva i funungule a mapulangu ya tisedare.

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 1:32

Johani i lo kustumunya aku: Nzi wonile a Moya wu relela hi le tilweni kota tuva, wu tshama hehla kakwe. Mat. 3:18

Mitiro 26:13

Nzi wa hi laha ndleleni ni hlikanhi, Hosi, nzi lo wona a kuhatima ka le tilweni, ko hunza a kungangamela ka gambo, ku nzi renzelekela ni lava va nga hi pfhumba ginwe na mina.

Joxua 10:18

Joxua aku ngalo: Wumbulutani a maribye ya hombe laha nyangweni ya mhako, mu veka vavanuna va va rinzela.

Kuvululelwa 1:17

Na nzi mu wonile nzi lowa lahasi mikonzweni yakwe nzi ku khwatsi nzi file. Yena i lo tlhateka canja gakwe ga xinene hehla ka mina, aku: U nga chavi, nzi Wa kusangula ni Wa kugumesa, Isa. 41:4; Ezek. 1:28; Dan. 10:10

Kuvululelwa 8:3

Ku lota yinwani ngelosi yi ta yima laha alatini, na yi hi ni xibya xa nzalama xo hisela kona mpepo; yi lo nyikiwa mpepo wo tala, lezaku yi wu patsa ni mikhongelo ya vobasa vontlhe laha alatini ga nzalama legi gi nga mahlweni ka xitshamu xa wuhosi. Ekso. 30:1; Xip. 5:8; 6:9