Amosi 7:2 - Tshwa Bible

² Laha na yi mhhetile a kuga a byanyi gontlhe ga tiko, nzite: Hosi Jehova, hi nga zwela wuxinji! Jakobe i ta yimisa kuyini, lezi a nga tsongwani?

Amosi 7:2 Mawu Ofanana

Tisimu 12:1

Hanyisa, Jehova, hakuva lava va lulamileko va mbhelile, A va kholekileko a va ha hi kona xikari ka vanana va vanhu. Isa. 57:1; Mika 7:2

Eksodusi 10:15

Yi lo fenengeta misava yontlhe, a tiko gi pfhupeliswa; a humbi yiga zontlhe lezi zi milako lomu tikweni, ni mihanzu yontlhe ya tisinya leti ti nga ponile a vula ya maralala; a ku salangi ne ni tluka lomu tikweni, ni ka lezi zi milako masinwini ya tiko gontlhe ga Gipite.

Eksodusi 34:9

Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 51:19

A makhombo mambiri ma ku wela, himani a ku zwelako wusiwana ke? A kuhahlulwa, ni ku lobyiswa, ni ndlala, ni supado, Nzi ta ku chavelelisa kuyini?

Jeremia 14:7

Hambu loku a zionho za hina zi hi ranisa, O Jehova, hi vune hi kota ya vito ga wena. Hakuva hi hluwukile kanyingi, hi ku onhela.

Jeremia 42:2

va loya ka muprofeti Jeremia, va yaku kakwe: Ha ku kombela lezaku u amukela a xikombelo xa hina, xa kuva u hi kombelela ka Jehova a Nungungulu wa wena, hina hontlhe hi seleko; hakuva hi vatsongwani hi seleko khwatsi hilezi u zi wonako hi mahlo ya wena;

Ezekieli 11:13

Laha nzi nga wa profeta, Pelatia nʼwana Benaia i lofa. Zonake nzi lowa hi nghohe nziba huwa hi gezu ga hombe, nziku: Hosi Jehova! u ta lovisa bhi a misalela ya ka Israeli ke? Isa. 10:20; Ezek. 9:8

Ezekieli 9:8

Laha va nga kari va hlasela, mina na nzi sele nzhako, nzi lowa hi nghohe ya mina, nzi rila, nziku: Ha, Hosi Jehova! u ta lovisa vontlhe vaIsraeli lava va seleko hi ku chulula a zanga ya wena hehla ka Jerusalema ke?

Danieli 9:19

Hosi, zwana! Hosi, tsetselela! Hosi, ingisa, tira u nga hlweli; hi kota ya vito ga wena, Nungungulu wa mina, hakuva a muti wa wena ni vanhu va wena va vitanwa hi vito ga wena.

Joeli 2:17

A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Amosi 4:9

Nzi bile a mavele ya nwina hi mheho ya xikobani ni tindlati, a masimu ya nwina yo tala, ni zivina za nwina ni mikuwu ya nwina ni mioliva ya nwina zi gilwe hi bhanzala; hambu zi hi tano, a mu hunzulukangi ka mina, ku wula Jehova.

Amosi 7:5

Zonake mina nziku: Hosi Jehova maha wuxinji u zi tsika. Jakobe i ta yimisa kuyini, lezi a nga tsongwani?

Zakaria 4:10

Himani a kanyisako a siku ga zilo zitsongwani? hakuva a mahlo lawa ya ntlhanu ni mambiri, ma nga ya Jehova, lawa ma cuwukako a misava yontlhe, ma ta tsaka loku ma wona a lipimo canjeni ga Zerubabeli.

Kuvululelwa 9:4

Yi lo leletelwa lezaku yi nga onhi a byanyi ga misava, hambu ni zibyalo zo nyuka, hambu ni tisinya, sine vanhu lava va nga hiko na xifungo xa Nungungulu zimombyeni zabye. Ekso. 12:23; Ezek. 9:4; Xip. 8:7