Amosi 6:10 - Tshwa Bible

¹⁰ Laha a rarutsongwani wa munhu a tako ku ta teka xirumbi lezaku xi hiswa, loku a humesa marambu lomu ndlwini i taku ka loyi a nga lomu xikari ka yindlu: Ka ha hi ni munwani wa wena ke? Yena i taku: Ahihi! Zonake yena i taku: Miyela! Hakuva a hi faneli ku kumbuka a vito ga Jehova.

Amosi 6:10 Mawu Ofanana

2 Tihosi 23:16

Josia i lo hunzuluka a cuwuka a zilahla lezi zi nga wa hi laho xitsungeni, a humesa a marambu minkeleni leyo, a ma hisa alatini, a gi nyenyezisa khwatsi hi lezi Jehova a wulileko hi nomu wa munhu wa Nungungulu loyi a wulileko timhaka leti. 1 Tih. 13:2

2 Tihosi 6:33

Laha a nga wa ha wulawula navo, a ntsumi wu lo relela, wu taku kakwe: Languta a mhango yi tako hi ka Jehova! Xana nza ha rinzela yini ka Jehova ke?

Jeremia 16:6

A vahombe ni vanana va tafa hi wumbiri gabye tikweni legi, na va nga lahliwi; a vanhu va nga ta va rilela, hambu ku ti tlhavela ni ku halula tihloko. Levi 19:28; Deut. 14:1; Mika 1:16

Jeremia 44:26

Makunu zwanani a mhaka ya ka Jehova, nwina nwentlhe va ka Juda lava mu akileko lomu Gipite! Langutani, nzi hlambanyile hi vito ga mina ga hombe, ku wula Jehova, lezaku a vito ga mina gi nga ta ha kumbukwa hi nomu wa ni wihi wa va ka Juda lava va akileko lomu tikweni ga Gipite, aku: Khwatsi hilezi Hosi Jehova a hanyako!

Jeremia 9:21

Hakuva a kufa ku nomile ku enghena ka tinjhanela ta hina, Ku enghenile tindlwini ta hina ta wuhosi; Ka daya vanana maruweni ni majaha laha maphangweni.

Ezekieli 20:39

Kasike a ka nwina va yindlu ya ka Israeli, Hosi Jehova i ngalo: Fambani nwentlhelele mu ya khozela zifananiso za nwina. Kanilezi anzhako ka lezo mu ta nzi ingisa, mu nga ha nyenyezisi a vito ga mina hi minyikelo ya nwina ni zifananiso za nwina.

Ezekieli 24:21

Wulawula ka yindlu ya ka Israeli, uku: Hosi Jehova i ngalo: Langutani, Nzi ta nyenyezisa a yindlu ya mina ya kubasa, ku nga matshanza ya ntamu wa nwina, ni kunavela ka mahlo ya nwina, lezi a moya wa nwina wu zi ranzako; a vafana va nwina ni vanhanyana va nwina lava va mu siyeleko va ta dawa hi supado.

Amosi 5:13

Hikwalaho loyi a tlharihileko i ta ti miyelela a xikhatini lexi, hakuva xikhati xo biha.

Amosi 8:3

A tisimu ta tempeli ti ta hunzuka ti maha mikosi sikwini lego, ku wula Hosi Jehova. Ku tava ni zirumbi zinyingi; zi ta hoxetelwa matshamu wontlhe na ku miyelwe.

Mitsengo 17:12

Zonake a vanana va ka Israeli va te ngalo ka Mosi: Languta hi file, hi lova, hontlhe ha lova.

1 Samueli 31:12

Vontlhe vavanuna va tinhenha va lo suka, va famba wusiku gontlhe, va ya teka xirumbi xa Saule ni za vana vakwe laha khurisini ga le Betexane; vaya nazo le Jebexe va ya zi hisa kona.