Amosi 5:5 - Tshwa Bible

⁵ Kanilezi mu nga hloteni Beteli, ge hambu a kuya Gilgale; kambe mu nga hunzi muya Berexeba. Hakuva Gilgale i ta yiswa wukhumbini; na Beteli a nga ta ha nyawula.

Amosi 5:5 Mawu Ofanana

Genesisi 21:31

Hikwalaho i lo chula lego wutshamu ku ngalo hi Berexeba; hakuva va lo hlambanya laho vona vambiri.

Genesisi 21:33

Abrahama i lo byala a tisinya le Berexeba, i lo khongela laho a vito ga Jehova. Nungungulu wa pinzukelwa.

Genesisi 26:23

Yena i lo suka a kanziha aya Berexeba.

Genesisi 26:33

Yena i lo yi vitana aku ngalo, Xiba: hikwalaho ku humako a vito ga muti wa Berexeba kala ni nyamutlha.

1 Tihosi 12:28

Hikwalaho a hosi yi lo tsema xikungo, yi nyekisa nzalama yi maha marole mambiri, yiku ka vanhu va vakwe: Kale na mu khiringela a pfhuka woya Jerusalema, wena Israeli; a vanungungulu lava va mu humesileko tikweni ga Gipite hi lava! Ekso. 32:4, 8

1 Tihosi 12:29

I lo yimisa ginwe le Beteli, a ginwani a gi yimisa le Dani.

2 Tihosi 23:8

I lo vitana vontlhe vapristi lava va tshamileko lomu mitini ya ka Juda, a nyenyezisa a matshamu ma tlakukileko, laha a vapristi va nga wa hisela kona tibani, kusukela le Geba kala le Berexeba; i lo khungumula a matshamu ma tlakukileko ya tinyangwa lawa ma nga ndleleni ya nyangwa ya Joxua a nduna ya muti, hi tlhelo ga xibhabha xa nyangwa ya muti. Jer. 11:13

Joba 8:22

Lava va ku vengako va ta ambexwa hi tingana; Ni wuakelo ga vakubiha gi nga ha ta kuva kona.

Tisimu 33:10

Jehova wa vinya a makungo ya vamatiko, A maha maalakanyo ya matiko ma nga vuni nchumu. Joba 5:12; Mav. 21:30

Isaya 29:20

Hakuva a muxanisi i ta lobyiswa ni mutseketseli i ta gumelwa; Zonake ku ta susiwa vontlhe lava va cuwukelako kubiha;

Isaya 8:10

Bohani xikungo, kanilezi xi nga ta maheka. Wulawulani mhaka, kanilezi yi nga ta tiya; hakuva Nungungulu i na hina. Joba 5:12; Rom. 8:31

Jeremia 48:13

Moabi i tazwa tingana ha Kemoxe, Khwatsi hi yindlu ya ka Israeli yi ngazwa tingana ha Beteli, Loyi a nga hi kutsumba kabye.

Hosea 10:8

Ku ta lobyiswa ni matshamu ma tlakukileko ya le Aven ma nga xionho xa Israeli. A mizwa ni zigetlwani zi ta mita lomu maalatini yabye; zonake va taku ka zitsunga: Hi khubhunyeteni! Vaku ka miganga: Welani hehla ka hina! Isa. 2:19; Lu. 23:30; Kuv. 6:16

Hosea 12:11

Le Gileade va gohile, va mahile zahava; le Gilgale va phahlela hi tinkuzi. A maalati yabye ma ta maha tinhulu ta maribye lomu masinwini.

Hosea 4:15

Loku wena Israeli u maha wubhayi, Juda ngha a nga ti kokeli nanzu. Mu ngati le Gilgale, mu ngayi le Betavene, ge hambu ku hlambanya, muku: Ha Jehova a hanyako! Deut. 6:13; 1 Tih. 12:29; Am. 5:5

Hosea 9:15

A kubiha kabye kontlhe ku le Gilgale, hakuva hi laho nzi va vengeleko kona. Hi kota ya kubiha ka zimaho zabye, nzi ta va hlongola lomu ndlwini ya mina. Nzi nga ta ha va ranza; a tihosana tabye tontlhe ta nzi vukela.

Amosi 1:5

Nzi ta tshova a zikwinyaro za Damasku, nzi lovisa a vaaki va lomu livaleni la le Aveni, ni loyi a khomako a nhonga ya wuhosi le Bet-edeni. Zonake a vanhu va le Siria va ta yiswa wukhumbini le Kira, ku wula Jehova.

Amosi 3:14

Hakuva a siku legi nzi ta nga tsayisa Israeli hi kota ya zihambunyeto zakwe, nzi ta tsayisa kambe ni maalati ya le Beteli, kasi a timhonzo ta maalati ti tsenwa tiwa lahasi. 1 Tih. 12:33; 2 Tih. 23:15

Amosi 4:4

Yanani Beteli mu ya onha; yanani le Gilgale mu ya anzisa a zionho! Nehani a miphahlelo ya nwina mixo ni mixo, mu nyikela za wukhume za nwina hi siku ga wunharu.

Amosi 7:10

Zonake Amazia a mupristi wa le Beteli i lo rumela a ka Jeroboamu a hosi ya ka Israeli, aku: Amosi i ku hlevile xikari ka yindlu ya ka Israeli; a tiko a gi zi koti ku timisela timhaka takwe.

Amosi 7:13

Kanilezi u nga ha profeteli kambe lomu Beteli, hakuva wutshamu gi basileko ga hosi, hi tempeli ya tiko.

Amosi 7:17

Hikwalaho Jehova i ngalo: A sati wa wena i tava xibhayi lomu mutini, a vafana va wena ni vanhanyana va wena va ta dawa hi supado; a masimu ya wena ma ta panzelelwa mimbhingano. Wena wutsumbu u ta fela tikweni gi nga hlazekangiko, na Israeli futsi i ta humeswa tikweni gakwe a yiswa wukhumbini. 2 Tih. 17:6, 18, 24

Amosi 7:9

A matshamu ma tlakukileko ya Isaka ma ta hahlulwa, ni matshamu ma basileko ya ka Israeli ma ta hangalasiwa; nzi ta vukela a yindlu ya ka Jeroboamu hi supado. 2 Tih. 17:20

Amosi 8:14

Lava va hlambanyako hi xionho xa Samaria, vaku: Hi wutomi ga nungungulu wa wena Dani! niku, Hi wutomi ga ndlela ya le Berexeba! Na vonawu va tawa, va nga ha vuki kambe. 1 Tih. 12:28; Hos. 10:8

1 Va le Korinte 1:28

ni zilo zi nga nyawuliko, a zilo zi nyenyekako, Nungungulu i lo zi hlawula, ina, ni lezi zi nga hiko nchumu, Nungungulu i lo zi hlawula lezaku a fela ku mbhetisa a zilo lezi zi nga kona; Rom. 4:17; Xip. 2:6

1 Va le Korinte 2:6

Ahembalokoke, hina ha wulawula a wutlhari xikari ka lava va mbheleleko; kanilezi na ku nga hi wutlhari ga nguva leyi, hambu ni ga tihosi ta nguva leyi leti ti hunzako. Efe. 4:13; Jak. 3:15

Deuteronome 28:41

Wena u ta beleka vafana ni vanhanyana, kanilezi va nga ta kuva va wena, hakuva va ta khomiwa va maha tikhumbi.

Joxua 5:9

Zonake Jehova aku ka Joxua: Inyamutlha nzi susile ka nwina tingana ta le Gipite. Hikwalaho a wutshamu legi gi ta vitanwa ku ngalo Gilgale kala legi siku.

Kuvululelwa 18:17

Hakuva a wukosi ga hombe ga kunghahi gi hangalakile hi xitshuketi. A vafambisi vontlhe va mataru, ni vontlhe va fambako matarwini, ni vamarinyero, ni vontlhe lava va bhinzuleko hi bimbi, va lo yima hi le kule, Isa. 23:14; Ezek. 27:29

1 Samueli 11:14

Zonake Samueli i te ngalo ka vanhu: Ngonani hi famba le Gilgali, hi ta ya tiyisa mufumo leyo.

1 Samueli 7:16

Lembe ni lembe Samueli i wa Suka a renzelekela aya Beteli, ni le Gilgali, ni le Mizpa, a famba a lamula va ka Israeli mitini leyo yontlhe.

1 Samueli 8:2

A vito ga nʼwana wakwe wa matewula i wa hi Joeli; a ga nzisana ya kona i wa hi Abija. Va wa hi valamuli le Berxeba.