Amosi 5:16 - Tshwa Bible

¹⁶ Hikwalaho Jehova a Nungungulu wa tiyimpi, yena Hosi, i ngalo: Va taba nkosi maphangweni wontlhe, tindleleni tontlhe va taku: Wowe, wowe! Va ta vitana murimi a ku ta rila, ni lava va nga zitlhatlha tisinwini ta xirilo.

Amosi 5:16 Mawu Ofanana

2 Kronekele 35:25

Jeremia i lo chula lisimu lo rila Josia; a vayimbeleli va xinuna ni va xisati va lo wulawula a timhaka to rila Josia lomu tisinwini tabye kala nyamutlha. Va lo ti maha xileletelo lomu ka va ka Israeli. A timhaka leto ti tsalilwe lomu bhukwini ga tisimu ta Mikosi.

Isaya 15:8

Hakuva a huwa yi renzelekele a tiko gontlhe ga Moabi, A kukanyuluka kabye ku zwele ni le Eglaime, ni le Beer-elime.

Isaya 22:12

A ka siku lego Jehova wa tiyimpi i mu vitanele xirilo ni nkosi, ni ku halula tihloko ta nwina, mu ambala zilenda.

Jeremia 30:5

Jehova i ngalo: Hi zwile a gezu ga kururumela, A kuchava ku kona, kurula ku hava.

Jeremia 4:31

Hakuva nzazwa a gezu go fanana ni ga wasati a lunwako, Na gi tsikwila kota wasati loyi a ha sangulako ku tewula. I gezu ga nhwana wa Zioni a hefemutekako ni ku nawuluta mandla yakwe, Aku: Yowe, Nzi file, a vadayi vata!

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Jeremia 9:16

Nzi ta va hangalasa xikari ka matiko lawo vona wutsumbu hambu a vararu vabye va nga ma tivangiko, nzi ta rumela supado, kala nzi va hetisa. Levi 23:23; Deut. 28:64

Hosea 4:3

Hikwalaho a tiko ga rila, ni vontlhe va akileko ka gona va hlokiswa zinwe ni zihari za khwati ni tinyanyani ta tilo; ni zona zidluwani za bimbi za lova. Jer. 12:4; Zef. 1:3

Joeli 1:11

A varimi va tsemeka hlana, ni vahlayisi va zivina vaba huwa, hi kota ya mavele ni sevada, hakuva a tshovelo wa masimu wu wonhekile.

Joeli 1:14

Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.

Joeli 1:15

Yowe, a siku legi! hakuva a siku ga Jehova gi tshinele, gita kota lobyiselelo hi ka Nyamintamu.

Joeli 1:8

Rila khwatsi u nhwana a ambeleko a nguwo ya sakwa a rilelako a nuna wa wuswa gakwe.

Amosi 3:13

Zwanani, mu kustumunya mu vukela a yindlu ya ka Jakobe, ku wula Hosi Jehova, a Nungungulu wa tiyimpi.

Amosi 5:27

Hikwalaho nzi ta mu yisa wukhumbini le tlhatuko wa le Damasku, ku wula Jehova, loyi a vito gakwe a nga Nungungulu wa tiyimpi.

Amosi 8:10

Nzi ta hunzula a mibuzo ya nwina yi maha xirilo, ni tisimu ta nwina ti maha mikosi; a ziwunu zontlhe nzi ta zi ambexa tinguwo ta tisakwa, a tihloko tontlhe ti ta halulwa. A xirilo xa kona xi ta fanana ni xo khwatsi ko riliwa a nʼwana loyi a belekelweko yece, a kugumelwa ka xona ku ta fanana ni siku ga hlomulo. Jer. 6:26; 48:37; Zak. 12:10

Amosi 8:3

A tisimu ta tempeli ti ta hunzuka ti maha mikosi sikwini lego, ku wula Hosi Jehova. Ku tava ni zirumbi zinyingi; zi ta hoxetelwa matshamu wontlhe na ku miyelwe.

Mika 1:8

Hi kota ya lezi nzi ta rila, nzi hlomula; nzi ta famba na nzi nga hi na zilato na nzi hi ximbyiri. Nzi ta rila ku fanana ni, hlolwa, nzi maha hlomulo khwatsi nzi mbuwu.

Mika 2:4

A siku lego va ta mu xelembenza hi lisimu, va taba nkosi hi lisimu la xirilo, vaku: Hakunene hi Iovile! I nyikela vanwani a tshomba ya tiko ga hina. Hikuyini a nzi wutleleko gona? I avele a masimu ya hina ka lava va hluwukileko. 2 Tih. 17:24

Kuvululelwa 18:10

Ti yimile kule hi ku chava a kuxaniseka kakwe, tiku: Yowe, yowe, a muti lowu wa hombe wa Babuloni, a muti wa ntamu! hakuva a kutsayiswa ka wena ku chikele hi xitshuketi. Isa. 21:9

Kuvululelwa 18:19

Va lo ti palatela tsutsungwani tihlokweni tabye, va hlaluka, va rila, va maha hlomulo, vaku: Yowe, yowe, a muti lowu wa hombe, lowu vontlhe lava va nga ni mataru lomu bimbini va nga fumiswa hi wukosi ga wona! Hakuva hi xitshuketi wu hangalakile nwa! Jox. 7:6; Joba 2:12