Amosi 5:15 - Tshwa Bible

¹⁵ Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Amosi 5:15 Mawu Ofanana

2 Samueli 16:12

Kutani Jehova i ta cuwuka kuxaniseka ka mina, zonake a nzi nyika kurula hi kota ya kurukatela kakwe ka nyamutlha.

1 Tihosi 20:31

A malanza yakwe ma te ngalo kakwe: Hina hi zwile lezaku a tihosi ta yindlu ya ka Israeli ti na ni tipswalo. Hi vumele hi ambala a tinguwo ta tisakwa ziwunwini za hina, ni tingoti tihlokweni ta hina, hi huma hiya mahlweni ka hosi ya ka Israeli, kutani i ta ku tsika u hanya.

2 Tihosi 13:7

Jehoahaza i lo sala ni yimpi ya 50 wa vakhileli va mahaxi, ni 10 wa tikareta, ni butho ga 10,000 wa vavanuna basi, hakuva a hosi ya le Siria yi wa lovisile va ka Israeli, yi va maha ku khwatsi i tsutsungwani lowu wu kanzihelelako.

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

Tisimu 119:104

A zileletelo za wena za nziha kupimisisa, Hikwalaho nza venga tontlhe tindlela ta mawunwa.

Tisimu 34:14

Suka kubiheni, u maha kusaseka; Hlota kurula, u ku lanzela. Rom. 12:18; Maheb. 12:14

Tisimu 36:4

I alakanyela lezi zi bihileko sangweni gakwe; I famba hi ndlela yi nga hiko nene; A nga swiriwi hi kubiha. Mav. 4:16; Mika 2:1

Tisimu 37:27

Huma kubiheni, u maha kusasa, U tshameka tikweni kala kupinzuka.

Tisimu 80:1

Ingisa, wena Murisi wa Israeli, Wena loyi u rangelako Josefa khwatsi hi ntlhambi; Wena loyi u tshamako xikari ka makerubima Huma u hatima. Isa. 37:16; Ezek. 34:12; Joh. 10:11

Tisimu 97:10

Nwina lava mu ranzako Jehova, vengani kubiha; Wa lonzowota a mihefemulo ya vabasileko vakwe, Wa va ponisa mandleni ya vakubiha. Am. 5:14; Joh. 10:28; Rom. 12:9

Eksodusi 32:30

Hi manziko wa kona, Mosi aku ka vanhu: Mu onhile a xionho xa hombe. Kanilezi nzi ta kanziha ka Jehova, kutani nzi taya maha a nzhiho wa xionho xa nwina.

Jeremia 18:8

kanilezi loku a tiko legi nzi wulawulileko ha gona, gi hunzuluka kubiheni ka gona, minawu nzi ta hunzuluka nzi tsika a khombo legi nzi nga xuvile a ku gi mahela. Ezek. 18:21; Jona 3:10

Jeremia 22:3

Jehova i ngalo: Lamulani hi fanelo ni kululama, mu ponisa loyi a phangiwako a mandleni ya loyi a mu tsimbeketako; mu nga xanisi a muluveli, ni xisiwana, ni noni, mu nga va tsimbeketi, hambu ku halata nkhata wa lava va nga hiko na nanzu wutshanwini legi.

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Ezekieli 45:9

Hosi Jehova i ngalo; Nwina tihosana ta ka Israeli, zi ringene! Tsikani tihanyi ni kuphanga, mu maha nongameto ni kululama, mu nga ha hlongoli vanhu va mina tindlwini tabye, ku wula Hosi Jehova. Levi 19:35

Danieli 2:49

Danieli i lo kombela ka hosi lezaku a yimisa Xadrake, Mexake, na Abed-nego akuva varangeli va tiko ga Babuloni; kanilezi Danieli i lo sala lomu hubyeni ya hosi.

Joeli 2:14

Himani a tivako aku kutani a nga ta tlhela a hunzuluka, a siya xikatekiso lenzhako kakwe, kasi muva ni minyikelo ya tinzhoho ni ya kunwa ka Jehova Nungungulu wa nwina ke?

Amosi 5:10

Va venga loyi a va kawukako le hubyeni, va swireka hi loyi a wulawulako kululama.

Amosi 5:24

Kanilezi nongameto a wu khulunge khwatsi i mati, ni kululama kukotisa congo wu nga pswhiko.

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.

Amosi 6:12

A mahaxi ma ta tsutsuma maribyeni ke? Kutani ku nga rimiwa kona hi tihomu ke? lezi mu hunzulako a nongameto wu maha nyongwa, ni mihanzu ya kululama yi maha manonwe.

Amosi 7:3

Jehova i lo zi tsika. Zi nga ta maheka, ku wula Jehova.

Jona 1:6

Lezo a nwinyi wa taru i loya kakwe, aku kakwe: Hikuyini u etlelako wena? Vuka u khongela ka Nungungulu wa wena, kutani i ta hi alakanya kasi hi nga lovi.

Jona 3:9

Himani a zi tivako, aku kutani Nungungulu i ta hunzuluka, a tlhela a tsika a zanga yakwe yo tshisa, kasi hi nga lovi ke?

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Mika 3:2

Nwina mu venga zinene, mu ranza kubiha; nwina mu yewula a hlonge yabye, mu hletela a nyama marambyini yabye.

Mika 5:3

Hikwalaho i ta va nyikela valala kala xikhatini lexo loyi a lunwako a ta nga hefemula ha xona; zonake a Vanakulobye lava va seleko va ta tlhelela ka vana va ka Israeli.

Zefania 2:3

Hlotani Jehova nwina nwentlhe va koramileko va tiko, lava mumahako a zileletelo zakwe; hlotani kululama, mu hlota ku ti tsongahata; kutani mu ta fihlala a sikwini ga zanga ya Jehova.

Malaki 3:18

Zonake mu ta tlhela mu wona a kuhambana ku nga kona ka loyi a lulamileko ni wakubiha, xikari ka loyi a tirelako Nungungulu ni loyi a nga mu tireliko.

Va le Roma 12:9

Ngha liranzo li nga hi na kuxengetela. Vengani lezi za kubiha; mu namarela ka lezi zo saseka. Am. 5:15

Va le Roma 7:22

Hakuva nza tsakela a nayo wa Nungungulu hi munhu loyi a nga xikari ka mina. Tis. 1:2; 2 Kor. 4:16

Va le Roma 8:7

Hakuva a maalakanyo ya nyama wulala ka Nungungulu; hakuva a ma ingisi a nayo wa Nungungulu, futsi a ma zi koti.

3 Johani 1:11

Xiranzwa, u nga pimanyisi lezi za kubiha, kanilezi pimanyisa lezi zo saseka. Loyi a mahako kusaseka ngwa Nungungulu; kanilezi loyi a mahako kubiha a nga mu wonangi Nungungulu. Tis. 37:27; Isa. 1:16, 17; 1 Joh. 2:29