Amosi 5:11 - Tshwa Bible

¹¹ Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Amosi 5:11 Mawu Ofanana

Joba 20:19

Hakuva i tsimbeketile a zisiwana, a zi tsika, I wutlile a tiyindlu, a nga zi koti ku ti akisa.

Isaya 16:10

A litsako ni kubhuma zi susilwe masinwini ma nonileko, Lomu zivineni a ku na tisimu ni guwa ga litsako. A vakami va nga ta ha kamela vinya lomu zigowolweni, Nzi miyetile a guwa gabye ga ku elula.

Ezekieli 26:12

Va ta phangaa titshomba ta wena, va wutla a wukwewu ga wena, Va ta khungumula a tigingisi ta wena ni tiyindlu ta wena to saseka; Va ta hoxa maribye ya wena, ni timhanze ta wena ni ntshuri wa wena lomu matini.

Ezekieli 34:21

Lezi mu susumetako hi reve ni katla, mu tlhava leʼto babya hi timhonzo ta nwina, kala mu ti hangalasa tontlhe lahandle,

Hosea 9:2

A masimu ni zivina zi nga ta mu gisa, ni vinya gi nga tave kona.

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Amosi 2:6

Jehova i ngalo: Hi kota ya zionho zinharu za Israeli, kutani mune wa zona, nzi nga ta susa a xitsayiso, hakuva va xavisile loyi a lulamileko hi ku fela siliva, ni muvumali hi ku fela a patswa wa zilato.

Amosi 2:7

Va navela ni tshuri wa misava wu nga tihlokweni ta lava va vumalako, va onha a mhaka ya lava va koramileko. A munhu ni raru wakwe va enghena ka nhwana munwe, va nyenyezisa a vito ga mina go basa.

Amosi 3:15

Nzi ta khungumula a yindlu ya wuxika ni yindlu ya ximumu, a tiyindlu leti ti bombisilweko hi timhonzo ta tindlovu ti ta fuva, ku ta fuviswa tiyindlu tinyingi, ku wula Jehova. 1 Tih. 22:39; Jer. 36:22

Amosi 3:9

Banani nyiwo lomu ziluvelweni za le Axdode, ni lomu ziluvelweni za tiko ga Gipite, muku: Tsombanani le xitsungeni za Samaria, mu ta wona a pfilupfilu ya hombe yi nga kona lomo, ni hlokiseielo yi nga xikari ka gona.

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Amosi 6:11

Hakuva Jehova wa leletela; a yindlu ya hombe yi ta khungumulwa yi maha marumbi, a xiyinalwana xi ta fayetelwa.

Amosi 6:12

A mahaxi ma ta tsutsuma maribyeni ke? Kutani ku nga rimiwa kona hi tihomu ke? lezi mu hunzulako a nongameto wu maha nyongwa, ni mihanzu ya kululama yi maha manonwe.

Amosi 8:4

Zwanani lezi mu ti yimiseleko ku mita vavumali, mu lovisako a vatsongwani va tiko, mu nge ngalo:

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Mika 1:6

Hikwalaho nzi ta hunzula Samaria a maha a nhulu ya maribye lomu masinwini, lomu ku nga byaliwa kona a zivina. Nzi ta chulula a maribye ya kona le nkoveni, nzi funungula a ziseketelo za kona.

Mika 2:2

Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Mika 6:15

U ta byala, kanilezi u nga ta tshovele; u ta kamela maoliva, kanilezi u nga ta tola mafura ya kona; u ta kamela mauva, kanilezi u nga tanwa a vinya ga kona. Deut. 28:30, 38; Zef. 1:13; Hag. 1:6

Zefania 1:13

A kufuma kabye ku ta phangiwa, a tiyindlu tabye ti hahlulwa. Ina, va ta aka tiyindlu, kanilezi va nga ta tshama ka tona; va ta byala zivina, kanilezi va nga tanwa a vinya ga kona. Deut. 28:30, 38; Am. 5:11

Hagai 1:6

Mu byalile nguvu, kanilezi mu tshovele zitsongwani; maga, kanilezi a mu xuri; manwa, kanilezi a mu kolwi; ma fenengela, kanilezi a mu kufumeli; loyi a tirelako hakhelo i hakhela ku yi chela lomu xikhwameni xi bhoxekeleko.

Malaki 1:4

Edome a ngaku ngalo: Hi hahlulilwe, kanilezi hi ta tlhela hi ya aka marumbi! Jehova wa tiyimpi i ngalo: Va ta aka, kanilezi mina nzi ta khungumula. A vanhu va ta va vitana, aku: I tiko ga kubiha: niku, Mbanhu va zangarelweko hi Jehova kala kupinzuka.

Deuteronome 28:30

Wena u ta wuta wasati, kanilezi munwani i ta etlela naye; wena u ta aka yindlu, kanilezi u nga ta tshama ka yona; u ta byala xivina, kanilezi u nga taga mihanzu ya xona.

Jakobe 2:6

Kanilezi nwina mu kanyisa loyi a vumalako. Xana lava ya fumileko a hi vona va mu xanisako ke, a hi vona va mu kokoviselako tihubyeni ke? Miti. 13:50; 17:6