Amosi 5:10 - Tshwa Bible

¹⁰ Va venga loyi a va kawukako le hubyeni, va swireka hi loyi a wulawulako kululama.

Amosi 5:10 Mawu Ofanana

1 Tihosi 18:17

Laha Ahabi a nga wonile Elija, i te ngalo kakwe: Xana a hi wena muxanisi wa va ka Israeli ke?

1 Tihosi 21:20

Ahabi i te ngalo ka Elija: Xana u nzi kumile wena nala wa mina ke? Elija aku: Hi zona, nzi ku kumile, hakuva wena u ti xavisile hi ku maha lezi zi bihileko mahlweni ka Jehova!

1 Tihosi 22:8

A hosi ya ka Israeli yi te ngalo ka Jehoxafate: I kona munwe loyi hina hi faneleko ku wutisa ha yena ka Jehova, a nga Mikaia a nʼwana Imla; kanilezi nza mu venga, hakuva a ziprofeto zakwe a zi wulawuli kusasa ha mina, ntsena kubiha. Jehoxafate i te ngalo: Ngha a hosi yi nga wuli lezo.

2 Kronekele 25:16

Khwatsi hi lezi a nga wa wulawula naye, a hosi yi te ngalo kakwe: Hi ku yimisile a kuva ginwe ga masungukati ya hosi ke? Suka u famba! U laʼku dawelwa yini ke? Zonake muprofeti i lo Suka, aku: Nza wona lezaku Nungungulu i xuvile ku ku lovisa hi kota ya zilo lezi u zi mahileko; a ku ingisangi a gezu ga mina.

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Mavingu 15:12

A mutseketseli a nga ranzi ku kawukwa; e hambu a kuya ka loyi a tlharihileko.

Isaya 29:21

Lava va nyikako munhu nanzu hi marengu yabye, Va veka ziyo ka loyi a lamulako nyangweni, Va tshanza a mhaka ya loyi a lulamileko hi mawunwa.

Isaya 59:15

Ina, a zinene za vumaleka, Ni loyi a tsikako leʼzo biha wa phangiwa. Jehova i zi wonile, zi mu tsanwisa Hikuva ku nga hi na nongameto.

Jeremia 38:7

Loku Ebed-Meleki a nduna ya muEtiopia, loyi a nga hi lomu ndlwini ya hosi, a zi zwile lezaku Jeremia va mu hoxile rinzini, na hosi yi tshamile a nyangweni ya Benjamini;

Hosea 4:4

Ngha ku ngavi ni munwe a kanetako, ge hambu loyi a kawukako; hakuva a vanhu va wena vo khwatsi hi lava va kanetisanako ni mupristi.

Levi 13:10

Zonake loku mupristi a wona a tshasi na gi basile lomu ka hlonge, gi hunzula ni woya ga wutshamu lego gi basa, ni nyama ya laho ka tshasi yi pswhuka,

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Johani 15:19

Loku mu wa hi va tiko, a tiko ngha gi ranzile a za gona; kanilezi lezi mu nga hiko va tiko, kanilezi mu hlawulilwe hi mina, nzi mu susa tikweni, hikwalaho a tiko ga mu venga. Xip. 17:14; 1 Joh. 4:5

Johani 3:20

Hakuva ni wihi a mahako kubiha wa venga kuwonekela, zonake a ngati kuwonekeleni, ku nga taku a mitiro yakwe yi tsetsulwa.

Johani 7:7

A tiko a gi zi koti ku mu venga; kanilezi mina ga nzi venga, hakuva nza kustumunya ha gona, lezaku a mitiro ya gona yi bihile. Xip. 3:19; 15:19

Va le Galatia 4:16

Xana nzi nala wa nwina, hilezi nzi mu byelako a zinene ke?

Kuvululelwa 11:10

Ni lava va akileko misaveni va tava ni migiyo ha vona, va tsaka, va rumelana zinyikiwo; hilezi a vaprofeti lava vambiri va lo karata lava va akileko misaveni. Estere 9:19