Amosi 4:9 - Tshwa Bible

⁹ Nzi bile a mavele ya nwina hi mheho ya xikobani ni tindlati, a masimu ya nwina yo tala, ni zivina za nwina ni mikuwu ya nwina ni mioliva ya nwina zi gilwe hi bhanzala; hambu zi hi tano, a mu hunzulukangi ka mina, ku wula Jehova.

Amosi 4:9 Mawu Ofanana

1 Tihosi 8:37

Loku ku huma ndlala lomu tikweni, kutani mitungu, ni kubola ka mavele, a humbi ni ziwungwani, ni loku a valala va vimbezela lomu tikweni legi gi nga ni miti yabye, ni loku mababyi ya tixaka ti hambeneko ma enghena;

2 Kronekele 6:28

Loku ku hi ni ndlala lomu tikweni, ni mitungu, ni mumu, ni kubola ka mavele, ni humbi ya tixaka ti hambeneko; ni loku a valala va hlasela a vanhu va wena, lomu mitini yabye, ni loku ku hi ni makhombo ni mababyi ya tixaka ti tsalangeneko;

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Isaya 50:11

Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 3:10

Hambu ka zontlhe lezo, Juda, a makabye wakwe loyi a nga tsumbekangiko, a nga wuyangi ka mina hi mbilu yakwe yontlhe, kanilezi hi wukhohlisi, ku wula Jehova.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Hosea 11:5

Efraime a nga ta tlhelela tikweni ga Gipite, kanilezi i ta fumelwa hi hosi ya maAssiria, hakuva va alile ku tlhelela ka mina.

Joeli 1:4

Lezi zi siyilweko hi bhanzala zi gilwe hi humbi, lezi zi siyilweko hi humbi zi gilwe hi zidodwani, ni lezi zi siyilweko hi zidodwani zi gilwe hi ziwungwani.

Joeli 1:7

Wu onhile a xivina xa mina, wu kwamula mahati ya mikuwu ya mina, wu tlhatlha matluka ya yona, wu yi hangalasa lahasi; a maravi ya yona ma tshama ma basile.

Joeli 2:25

Nzi ta mu tlhelisela a malembe lawa ma nga giwa hi humbi, ni zidodwani, ni ziwungwani, ni bhanzala, zi nga hi yimpi ya mina leyi nzi nga yi rumela xikari ka nwina.

Amosi 4:6

Kambe nzi mu rumele ndlala mitini yontlhe ya nwina, mu vumala zakuga matshanwini ya nwina wontlhe. Hambu zi hi tano, a mu hunzulukangi ka mina, ku wula Jehova. 2 Tih. 6:25; 8:1

Amosi 4:8

Zinghaho a miti mimbiri ni miti minharu yi loya ka muti a ku yanwa mati, kanilezi yi nga kolwi. Hambu zi hi tano, a mu hunzulukangi ka mina, ku wula Jehova.

Habakuka 3:17

Hambu lezo a kuwu wu to kala wu nga ha hluki, Ge hambu a mivina a ku pswala mihanzu, Ni mihanzu ya maoliva yi nga humi, Ni masimu ma nga humesi zakuga; Hambu loku tiyivu ti vumaleka rangeni, Ni tihomu ti hi hava marangeni,

Hagai 2:17

Nzi lo muba hi xikobani, ni kukura, ni maralala, mitirweni yontlhe ya mandla ya nwina; kanilezi a mu tlhelelangi ka mina, ku wula Jehova.

Malaki 3:11

Nzi ta mu hawukela a humbi, kasi yi nga mu dayeli a mihanzu ya misava ya nwina; ni mivina ya nwina yi nga ta tlhatlheka hi mahlweni ka xikhati lomu masinwini, ku wula Jehova wa tiyimpi.

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18

Deuteronome 28:42

Tontlhelele tisinya ta wena ni mihanzu ya misava ya wena zi ta giwa hi humbi.