Amosi 4:7 - Tshwa Bible

⁷ Nzi mu tsonile vula na ka ha sele tihweti tinharu a kuva mu tshovela; nzi yi nisa ka muti munwe, a ka wunwani yi ngani; a simu ginwe gi nelwa, legi gi nga kala ku nelwa gi woma.

Amosi 4:7 Mawu Ofanana

Eksodusi 10:22

Mosi i lo tlakusa a canja gakwe le hehla, zonake wu lova kona a munyama wa ntima wo phu lomu tikweni gontlhe ga Gipite wu hetile masiku manharu.

Eksodusi 10:23

A vanhu va tsanzeka ku wonana, ku nga hi kona munhu a nga wa zi kota ku suka wutshanwini gakwe lomu ka masiku manharu. Kanilezi ka vanana va ka Israeli ku wa hi kona kuwonekela lomu mitini yabye.

Eksodusi 8:22

A siku lego nzi ta hambanyisa a tiko ga Goxeni, legi ku tshamako a vanhu va mina, lomo ku nga tava kona mabhawani, kasi wa fela ku zi tiva lezaku nzi mina Jehova xikari ka misava.

Eksodusi 9:26

Kanilezi a vula ya maralala yi wa nga hi kona le Goxeni, laha ku nga tshama a vanana va ka Israeli.

Eksodusi 9:4

Kanilezi Jehova i ta hambanyisa a zifuyo za va ka Israeli ni zifuyo za vaGipite, cima ku nga tafa nchumu xikari ka zifuyo zontlhe za vanana va ka Israeli.

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 14:3

A vahombe va kona va rumele laʼva tsongwani a ku ya lava mati, Loku vata tihlobyeni a va kumi mati, Va tlhela nitifuko tabye ta maphanga. Vazwa tingana vaku goo! na va fenengeta tihloko tabye.

Jeremia 14:4

A varimi va wiswa tingana, va fenengeta tihloko tabye, Hakuva misava yi khayekile, Hi kota yo kala vula laha tikweni. Joeli 1:11

Jeremia 3:3

Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Joeli 2:23

Tsakani nwina vanana va le Zioni, mu tsakela Jehova a Nungungulu wa nwina; hakuva i ta mu nyika a vula hi gi eneleko, a mu nisela a vula ya tsangela nguva ni vula ya xikubya kota kusanguleni. Deut. 11:14; Jer. 5:24

Zakaria 14:17

Ni lihi lixaka laha misaveni leli li to kala li nga kanzihi Jerusalema a ku ya khozela Hosi, Jehova wa tiyimpi, li nga ta niselwa a vula.

Johani 4:35

Xana a mu wuli muku: Ka ha sele mune wa tihweti, zonake kuva ni kutshovela? Kanilezi nziku ka nwina: Tlakusani a mahlo ya nwina, mu cuwuka masimu, lezaku ma te xwe a kuva ma tshovelwa. Mat. 9:37; Lu. 10:2

1 Va le Korinte 4:7

Hakuva himani a ku mahako a kuva chukwana? Xini lexi u nga naxo lexi u nga nyikiwangiko ke? Kanilezi loku wena u lo xi amukela, u dzunzekela yini a ku khwatsi a ku lo xi amukela ke? Joh. 3:27; 1 Ped. 4:10

Deuteronome 11:17

Ni zanga ya Jehova yi ta vura hehla ka nwina, a vala tilo kasi a vula yi ngani, zonake a misava ya nwina yi nga ha pswali nchumu, na nwina mu ta hatlisa kufa lomu ka misava leyi yo saseka leyi Jehova a mu nyikileko.

Jakobe 5:17

Elija i wa hi munhu a nga hi ni mahanyela yo kota hina, i lo kombela ni ku khongela lezaku yi ngani vula; a yi nangi misaveni a malembe manharu ni ntlhanu wa tihweti ni yinwe. 1 Tih. 17:1; Miti. 14:15

Kuvululelwa 11:6

Vona va na ni ntamu wo vala tilo, lezaku a vula yi ngani masikwini lawo va profetako ha wona; va na ni ntamu a ku hunzula mati ma maha nkhata; ni wa kuba misava hi zixaniso zi tsalangeneko, kota lezi va zi ranzako. Ekso. 7:19; Jak. 5:17