Amosi 4:13 - Tshwa Bible

¹³ Hakuva, loyi a nga vanga zitsunga ni mheho, a tlhatlhambutela ka munhu lezi zi na nga maalakanyo yakwe, loyi a hunzulako mixo yi maha munyama, a fambako matshanwini ma tlakukileko ya misava, a vito gakwe hi Jehova, a Nungungulu wa tiyimpi.

Amosi 4:13 Mawu Ofanana

Joba 9:7

Loyi a rumako a gambo lezaku gi nga humi, Ni ku umisa a tinyeleti.

Tisimu 135:7

Wa maha marefu ma tlakukela hehla hi le magunweni ya misava, A humesa zingwalangwanza, a nisa vula, Ni ku humesa mheho hi lomu mabakweni yakwe. Jer. 10:13; 51:16

Tisimu 139:2

Wa tiva kutshama ka mina ni kusuka ka mina; U tiva maalakanyo ya mina na u hi kule. Mat. 9:4

Tisimu 147:18

A ruma gezu gakwe, zi nyunguluka; Wa maha mheho yakwe yi pupuxa, a mati ma khulunga.

Tisimu 65:6

Wena loyi u tiyisako a zitsunga hi ntamu wa wena; Na u ambele ntamu.

Eksodusi 10:22

Mosi i lo tlakusa a canja gakwe le hehla, zonake wu lova kona a munyama wa ntima wo phu lomu tikweni gontlhe ga Gipite wu hetile masiku manharu.

Eksodusi 14:20

A tlhelo ginwe a mhinga ya refu yi lo maha ntima, kanilezi a ginwani tlhelo yi lo woninga ni wusiku; hikwalaho a yimpi yinwe yi wa nga zi koti ku tshinela ka yinwani gontlhe wusiku.

Isaya 40:12

Himani a pimileko a bimbi hi canja gakwe, Loyi a pimileko matilo hi lipimo la titiho takwe? Himani a pimileko hi xirunzu a tshuri wa misava, A pima zitsunga ni miganga laha xikalwini?

Isaya 45:7

Nzi mahile kuwonekela ni munyama; Nzi tsakisa munhu, nzi tlhela nzi rumela makhombo. Hi mina Jehova nzi mahako zontlhe lezo.

Isaya 47:4

A Mutiruli wa hina a vito gakwe hi Jehova wa tiyimpi, Loyi a Basileko wa ka Israeli.

Isaya 48:2

Hakuva va ti vitana hi vito ga muti wu basileko, Va ti seketela hi Nungungulu wa ka Israeli, Loyi a vito gakwe a nga Jehova wa tiyimpi.

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Jeremia 10:13

Loku a tlakusa a gezu gakwe A mati ma dzuma le matilweni, A maha marefu mata hi le magunweni ya misava; I rumela zingwalangwanza zinwe ni vula, Ni ku humesa a mheho lomu mabakweni yakwe.

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Jeremia 46:18

Nza hlambanya hi kuhanya ka mina, ku wula Hosi, Leyi yi tibyako Jehova wa tiyimpi, Hizinene wata, na a fanana ni Tabor xikari ka zitsunga, Aku khwatsi hi Karmeli hi laha bimbini.

Jeremia 51:16

Loku a tlakusa gezu gakwe A mati ma dzuma le matilweni, A maha marefu mata hi le magunweni ya misava. I rumela zingwalangwanza zinwe ni vula, Ni ku humesa mheho hi lomu mabakweni yakwe.

Jeremia 51:19

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe.

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Danieli 2:30

Kasike mina a hiku nzova ni wutlhari go hunza ga vontlhe lava va hanyako loku a fihlakalo lowu wu wonekelisilwe ka mina, kanilezi a xigelo hikuva a tlhamuselo wu tibyiwa hi hosi, kasi wa pimisisa a maalakanyo ya mbilu ya wena.

Hosea 12:6

Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.

Joeli 2:2

I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.

Amosi 3:13

Zwanani, mu kustumunya mu vukela a yindlu ya ka Jakobe, ku wula Hosi Jehova, a Nungungulu wa tiyimpi.

Amosi 5:27

Hikwalaho nzi ta mu yisa wukhumbini le tlhatuko wa le Damasku, ku wula Jehova, loyi a vito gakwe a nga Nungungulu wa tiyimpi.

Amosi 5:8

hlotani loyi a mahileko Xirimela ni Mahlahle; loyi a hunzulako munyama wu maha mixo, a hlikanhi wu hunzuka wu maha wusiku; loyi a vitanako a mati ya bimbi a ma chulula le hehla ka misava; a vito gakwe hi Jehova. Joba 9:9; 38:31; Am. 4:13

Amosi 6:8

Hosi Jehova i hlambanyile hi wutsumbu gakwe, aku: Jehova a Nungungulu wa tiyimpi i ngalo; Nza swireka hi matshanza ya Jakobe, nza venga a ziluvelo zakwe, hikwalaho nzi ta nyikela kulobyisweni a muti ni zontlhe zi nga ka wona.

Amosi 8:9

Hosi Jehova i ngalo: Hi siku lego nzi ta pelisa gambo laha munwini, nzi vanga munyama laha misaveni xikhatini xa hlikanhi. Mik. 3:6

Amosi 9:6

hi yena loyi a akako a tiyindlu takwe le tilweni, a tshambuluta a tilo gi maha a langwa hehla ka misava; a vitanako a mati ya bimbi a ma chulula hehla ka misava. A vito gakwe hi Jehova.

Mika 1:3

Hakuva Jehova i huma wutshanwini gakwe, a relela, a ta fambafamba matshanwini ma tlakukileko ya misava.

Habakuka 3:19

Hosi Jehova hi yena a ntamu wa mina, I ta hunzula a milenge ya mina yi fanana ni ya timhuti, I ta nzi fambisa zitsungeni za mina. 2 Sam. 22:34 A ka muchuli, ku yimbelelwa ka zitende za mina.

Zakaria 12:1

A mhaka ya xiprofeto xa Jehova ha Israeli. Jehova loyi a tshambutelako matilo, a yimisa xiseketelo xa misava, a wumba moya wa munhu nzeni kakwe, i ngalo:

Mateu 9:4

Jesu na a tiva kualakanya kabye, aku ngalo: Hi yini mu alakanyako kubiha timbilwini ta nwina? Tis. 139:2; Xip. 12:25; Lu. 5:22

Johani 2:25

ku wa nga laveki lezaku a tiviswa nchumu hi za munhu; hakuva a wutsumbu gakwe i wa kari a zi tiva lezi zi nga nzeni ka munhu. 1 Sam. 16:7; 1 Kro. 28:9

Johani 3:8

A mheho yi pupuxa laha yi ranzako kona, u gizwa lungu ga yona, kanilezi a ku tivi laha yi tako ha kona, ni lomo yi yako kona; hizalezo vontlhe lava va belekilweko hi Moya. Mutsa. 11:5; 1 Kor. 2:11

Deuteronome 32:13

Yena i mu kanzihisile zitsungeni za misava, Israeli i gile mihanzu ya khwati; I mu anwisile hi wulombe ga lomu ribyeni, Ni mafura lawa ma humako lomu ribyeni go nonoha;

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!