Amosi 4:11 - Tshwa Bible

¹¹ Nzi mu lovisile khwatsi hi laha Nungungulu a nga lovisa Sodoma ni Gomora, mu lo pona ku fanana ni lihunyi li susilweko nzilweni; hambu zi hi tano, a mu hunzulukangi ka mina, ku wula Jehova. Gen. 19:24; Isa. 13:19

Amosi 4:11 Mawu Ofanana

Isaya 13:19

Babuloni, loyi a dzunziwako hi mifumo, A muti lowu a maKaldea ma ti kulisako hi kubombisiwa ka wona, Wu taku khwatsi hi Sodoma ni Gomora laha Nungungulu a nga yi lovisa.

Isaya 7:4

Uku ka yena: Ti wonele, u rutisa; u nga chavi, ni mbilu ya wena yi nga mbheli ntamu hi kota ya zihunyana lezi zimbiri zi tuvikako musi, hikwalaho ka zanga ya Rezini ni ya Siria, ni ya nʼwana Remalia;

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Jeremia 23:14

Kanilezi hi ka vaprofeti va Jerusalema nzi wonile a zilo zo tshisa nguvu: Vona va maha wuoswi, va hemba mawunwa; Va tiyiseta a mawoko ya vamahi va kubiha, Lezaku kasi ku nga hunzuluki ni munwe kubiheni kakwe. A ka mina va fanana ni Sodoma, Ni vaaki va Jerusalema va kota Gomora. Gen. 13:13; Deut. 32:32; Ezek. 13:22

Jeremia 49:18

Khwatsi hi kuhahlulwa ka Sodoma ni Gomora, ni miti ya kona ya lomu kusuhani, ku wula Jehova, ku nga ha aki munhu kona, ge hambu a nʼwana wa munhu a luvela kona. Gen. 19:24; Jer. 50:40

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 50:40

Khwatsi hi xikhati lexi Nungungulu a nga lovisa Sodoma ni Gomora ni miti ya lomu kusuhani, ku wula Jehova, zinghaho a nga kona ni munwe a ta nga aka lomo, ge hambu a nʼwana wa munhu a ku luvela kona.

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Hosea 11:5

Efraime a nga ta tlhelela tikweni ga Gipite, kanilezi i ta fumelwa hi hosi ya maAssiria, hakuva va alile ku tlhelela ka mina.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Amosi 4:6

Kambe nzi mu rumele ndlala mitini yontlhe ya nwina, mu vumala zakuga matshanwini ya nwina wontlhe. Hambu zi hi tano, a mu hunzulukangi ka mina, ku wula Jehova. 2 Tih. 6:25; 8:1

Hagai 2:17

Nzi lo muba hi xikobani, ni kukura, ni maralala, mitirweni yontlhe ya mandla ya nwina; kanilezi a mu tlhelelangi ka mina, ku wula Jehova.

Zakaria 3:2

Jehova aku ka Satani: Ngha Jehova a ku kawuka, wena Sata! Ina, Jehova loyi a hlawulileko Jerusalema ngha a ku kawuka! A muti lowu a hi lihunyi li susilweko nzilweni ke?

Va le Roma 9:29

Khwatsi hi lezi Isaya a nga wula hi kale, aku: Loku a Hosi yi wa nga hi siyelangi a vanana, Ngha hi fanene ni Sodoma, ni ku khwatsi hi Gomora. Isa. 1:9; 13:19

1 Va le Korinte 3:15

Loku a ntiro wa munhu wuswa, i ta lahlekelwa hi hakhelo, kanilezi yena wutsumbu i ta pona, na aku khwatsi i huma xikari ka nzilo. Juda 23

Deuteronome 28:24

Jehova i ta nisela a tiko ga wena a ntsuri ni tsutsungwani, u kala u lova.

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

2 Pedro 2:6

I lo lamula a miti ya Sodoma ni Gomora a kuva yi lobyisiwa, yi maha khuma, a yi yimisa a kuva xikombiso ka lava va ta nga kala va nga hanyeli Nungungulu. Gen. 19:24; Mitse. 26:10

Juda 1:23

mu hanyisa vanwani, mu va okola nzilweni; a vanwani mu va hawukela hi kuchava, na mu venga hambu ni nguwo leyi yi nyenyezisilweko hi nyama. Zak. 3:2, 4; Rom. 11:14; 1 Tim. 4:16

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.

Kuvululelwa 9:20

Kanilezi a vanhu lava va seleko, lava va nga kala ku dawa hi zixaniso lezi, a va hunzulukangi; a va tsikangi a mitiro ya mandla yabye, lezaku va nga ha khozeli madimoni, ni zifananiso za nzalama ni za siliva ni za suku ni za maribye ni za tisinya, lezi zi nga hiko na kuwona, ni kuzwa, hambu ni kufamba, Deut. 31:29; Tis. 106:37; Dan. 5:23