Amosi 4:10 - Tshwa Bible

¹⁰ Nzi mu rumele a ntungu wo fanana ni wa le Gipite, nzi daya ma jaha ya nwina hi tisupado, a mahaxi ya nwina ma phangiwa; a kunuha ka zirumbi za wugovelo ga nwina nzi ku mahile ku chikela tinhovini ta nwina; hambu zi hi tano, a mu hunzulukangi ka mina, ku wula Jehova. Ekso. 9:3; 12:29; 2 Tih. 13:3, 7

Amosi 4:10 Mawu Ofanana

2 Tihosi 10:32

Masikwini walawo Jehova i lo sangula ku hungula a tiko ga ka Israeli; Hazaeli i lo va hlasela lomu mimbhinganweni yabye yontlhe;

2 Tihosi 13:3

A zanga ya Jehova yi lo vindlukela va ka Israeli, a va nyikela ka Hazaeli a hosi ya le Siria ni le mandleni ya Ben-Hadade a nʼwana Hazaeli a masiku wontihe. Vala. 2:14; 1 Tih. 19:15

2 Tihosi 13:7

Jehoahaza i lo sala ni yimpi ya 50 wa vakhileli va mahaxi, ni 10 wa tikareta, ni butho ga 10,000 wa vavanuna basi, hakuva a hosi ya le Siria yi wa lovisile va ka Israeli, yi va maha ku khwatsi i tsutsungwani lowu wu kanzihelelako.

2 Tihosi 8:12

Hazaeli i te ngalo: Hosi yanga, hi yini u rilako? Yena i lo hlamula, aku: Hi lezi nza yi tiva a xapi leyi u ta nga yi maha ka vanana va ka Israeli: u ta hisa a makhokhola yabye, u daya majaha yabye hi tlhari, u pswhandlasela a zivanana zabye, u bhoxetela a marumbu ya vasati vabye va nga ni tinyimba.

Eksodusi 10:27

Kanilezi Jehova i lo nonohisa a mbilu ya Faro, a ala ku va tlhatlha va famba.

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Eksodusi 14:4

Mina rizi ta nonohisa a mbilu ya Faro, na yena i ta va lanza; zonake mina nzi tava ni wudumo hi Faro ni yimpi yontlhe; ni vaGipite va ta zi tiva lezaku hi mina Jehova. Zonake va lo maha lezo.

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Eksodusi 8:19

Zonake a tinʼanga tiku ka Faro: Leli litiho la Nungungulu! Hambu lezo a mbilu ya Faro yi lo sihalala; a nga va ingisangi, khwatsi hi lezi Jehova a wulileko.

Eksodusi 9:12

Jehova i lo nonohisa a mbilu ya Faro, a nga ingisi timhaka ta Mosi na Aroni, khwatsi hi lezi Jehova a wulileko ka Mosi.

Eksodusi 9:17

Loku wa ha ti kukumukisa hehla ka vanhu ya mina, u ala ku va tlhatlha va famba,

Isaya 34:3

A vadelweko vabye va ta hoxiwa, A zirumbi zabye za nuha, Ni nkhata wabye wa khulungela zitsunga.

Isaya 50:11

Nwina nwentlhe mu dzivelako nzilo, Mu hloma tihunyi ti vurako, Fambani malangavini ya nzilo wa nwina, Ni lomu tihunyini mu ti dziveleko. Lezo zi ta mu humela hi lomu canjeni ga mina, Mu ta etlela kuxanisekeni.

Isaya 9:12

A maSiria hi Mutsuwuka-gambo, ni Mafilistia hi le Mupela-gambo; Va ta khadamula Israeli hi nomu wu ahlamileko. Hambulezo, a zanga yakwe a yi rengangi, Ni canja gakwe ga ha nawulukile.

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Isaya 9:17

Hikwalaho Jehova a nga ta xalaliswa hi majaha ya gona, Ge hambu ku hawukela a zisiwana ni tinoni; Hakuva vontlhe vakhohlisi ni vaonhi, Yontlhe milomu yi wulawula wupumbu. Hambu lezo, a zanga yakwe a yi rengangi, Ni canja gakwe ga ha nawulukile.

Jeremia 11:22

Jehova wa tiyimpi i ngalo: Nzi ta va tsayisa: a majaha ma ta dawa hi supado; a vana vabye va xinuna ni va xisati va tafa hi ndlala.

Jeremia 15:3

Nzi ta va rumela mune wa makhombo, ku wula Jehova: A supado yi ta va hlasela, a timbyana ti ta va tlukula, a tinyanyani ta tilo ni zivanza za khwati zi ta va khadamula zi va lovisa. Levi 26:16; Deut. 28:26

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 18:21

Hikwalaho nyiketa vanana vabye ndlaleni, U va hendleleta ku dawa hi supado; Kasi a vasati vabye va felwa hi vanana, ni ku maha tinoni. A vanuna vabye a va dayiwe hi ntungu. Ni majaha yabye a ma dayiwe hi supado kulweni.

Jeremia 48:15

Moabi i hahlulwe, a miti yakwe yi tuvika a musi, A majaha yakwe ma hlawulekako ma chikile maya kudaweni, Ku wula Hosi leyi a vito ga yona a nga Jehova wa tiyimpi.

Jeremia 49:26

Hikwalaho a majaha yakwe ma tawa maruweni yakwe, ni vanhu vakwe vontlhe va yimpi va ta mbhetwa hi siku lego, ku wula Jehova wa tiyimpi.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Jeremia 9:22

Wula: Jehova i ngalo: A zirumbi za vanhu zi tawa kota koho lomu masinwini, Ni ku kotisa milumbi ya mutshoveli, A nga kona wa ku rolela.

Hosea 11:5

Efraime a nga ta tlhelela tikweni ga Gipite, kanilezi i ta fumelwa hi hosi ya maAssiria, hakuva va alile ku tlhelela ka mina.

Joeli 2:20

Kanilezi a yimpi ya le Nwalungu nzi ta yi hlongola kule, yiya tikweni ga chuwa; a ntlawa wa yona loʼwo ranga wu taya bimbini ga Muhuma-gambo, ni wa le nzhako wuya bimbini ga Muhlwa-gambo. A kunuha ka yona ku ta hangalaka, hakuva yi mahile zilo za hombe.

Levi 26:16

minawu nzi ta mu maha lezi: Nzi ta mu rumela a chawo, ni ndere, ni feveri, zi ta mbheta a mahlo ya nwina ni timbilu ta nwina; mu ta byala mahala timbewu ta nwina, hakuva ti ta giwa hi valala va nwina.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Amosi 4:6

Kambe nzi mu rumele ndlala mitini yontlhe ya nwina, mu vumala zakuga matshanwini ya nwina wontlhe. Hambu zi hi tano, a mu hunzulukangi ka mina, ku wula Jehova. 2 Tih. 6:25; 8:1

Amosi 8:3

A tisimu ta tempeli ti ta hunzuka ti maha mikosi sikwini lego, ku wula Hosi Jehova. Ku tava ni zirumbi zinyingi; zi ta hoxetelwa matshamu wontlhe na ku miyelwe.

Hagai 2:17

Nzi lo muba hi xikobani, ni kukura, ni maralala, mitirweni yontlhe ya mandla ya nwina; kanilezi a mu tlhelelangi ka mina, ku wula Jehova.

Deuteronome 28:21

Jehova i ta ku maha u namarelwa hi tinghumbe, kala u lobyiswa lomu ka misava leyi u ta nga ya enghena ka yona u yi fumela.

Deuteronome 28:22

Jehova i ta kuba hi mababyi ya xifuva, ni kuhisa ka miri, ni kuvimba, ni mumu wa hombe, ni supado, ni xipupuri, ni kukuruka ka timbewu; lawa makhombo ma ta ku panzanya kala u lobyiswa. Am. 4:9; Hag. 2:18

Deuteronome 28:60

Na yena i ta neha ka wena wontihe mababyi ya le Gipite, lawa wena u nga wa rurumela ha wona le Gipite, zonake u ta babya ha wona.

Deuteronome 7:15

Na Jehova i ta susa mababyi wontihe xikari ka wena; cima a nga ta ku babyisa hi ginwe ga mababyi yo biha ya le Gipite, lawa u ma tivako, kanilezi i taba ha wona vontlhe lava va ku vengako. Ekso. 9:14; 15:26