Amosi 4:1 - Tshwa Bible

¹ Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Amosi 4:1 Mawu Ofanana

1 Tihosi 16:24

Zonake i lo xava a xitsunga xa le Samaria ka Xemeri hi titalenta timbiri ta siliva. I lo aka ka xitsunga lexo, a muti lowo a wu chula vito ga Samaria, hi kota ya vito ga Xemeri a nwinyi wa xitsunga lexo.

Joba 20:19

Hakuva i tsimbeketile a zisiwana, a zi tsika, I wutlile a tiyindlu, a nga zi koti ku ti akisa.

Joba 24:4

A vavumali va nikinyiwa lomu ndleleni; A zisiwana za tiko zi fihlala wutshamu ginwe.

Tisimu 12:5

Hi kota ya kutsimbeketwa ka zisiwana ni kurila ka vavumali, Nzi ta vuka makunu, ku wula Jehova; Nzi ta ponisa loyi a zi langutelako.

Tisimu 140:12

Nza tiva lezaku Jehova i ta lamulela lava va hlokiswako, Ni ku lulamisa a mhaka ya lava va vumalako.

Tisimu 22:12

Nzi ranzelwe hi tikuzi to tala, A tikuzi ta ntamu ta le Baxani ti nzi ranzele.

Mavingu 22:7

Loyi a fumileko i fumela xisiwana, i mupembi i nanza ga mupembisi.

Mutshawuteli 4:1

Nzi lo engeta nzi wona a zixaniso zontlhe lezi zi mahiwako lahasi ka gambo. Nzi lo wona mihloti ya lava va xanisiwako, na va nga hi na mutangalisi; a vaxanisi vabye va wa hi ni tihanyi, kanilezi vona va wa nga hi na mutangalisi.

Mutshawuteli 5:8

Loku u wona kutsimbeketwa ka zisiwana ni kuhambunyetwa ka milayo lomu tikweni, lezo ngha zi nga ku hlamalisi; hakuva loyi a tlakukileko wa cuwukiwa hi loyi a mu hunzako, ni hehla ka vona vontlhe ku na ni vanwani va tlakukileko nguvu.

Isaya 28:1

Khombo ka xidlodlo xa matshanza xa zidakwa za le Efraime, Ni ka xitsangi xi wunileko xi nga wubombi gabye, Xi nga le hehla ka nkova wu nonileko wa laʼva hluliwako hi vinya.

Isaya 5:8

Khombo ka vona va ti wutlelelako tiyindlu, Ni lava va engetelako masimu hi masimu Kala ku nga have na wutshamu, Kasi va aka voce xikari ka tiko.

Isaya 56:12

Vaku: Ngonani, nzi ta lava vinya, Hi tanwa byala, hi kolwa! Manziko hi ta maha khwatsi hi nyamutlha, Giva siku go saseka ku hunza mpimo! 1 Kor. 15:32

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Jeremia 50:11

Ina, hambu loku mu tsaka mu bhuma makunu, nwina vaonhi va tshomba ya mina, hambu loku mu khana ku fana ni role gi kanzihelako tirigo, mu yimba kukotisa a mahaxi ya ntamu,

Jeremia 50:27

Tlhavani tontlhe a tikuzi takwe, a tiye wuxinjelweni. Khombo ka vona, hakuva a siku gabye gi chikele, a xikhati xa kutsayiswa kabye.

Jeremia 51:34

Nebukadrezzare a hosi ya le Babuloni i hi gile, i hi rizile; i hi mahile a zibya za maphanga, i hi mitile khwatsi i dragoni, i tatile khwiri gakwe hi malongo ya hina, i hi hlongole.

Jeremia 6:6

Hakuva Jehova wa tiyimpi i ngalo: Tsemani tisinya, mu maha lihlavu la ku bhiyela Jerusalema. Hakuva i muti wu feleko ku tsayisiwa, Wu tele hi kutsimbeketa.

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Ezekieli 18:12

a onhela a nyakeke ni muvumali, a phanga, loyi a, nga tlhelisangiko a seye, loyi a tlakusileko mahlo yakwe a cuwuka zifananiso, loyi a mahileko manyala,

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Ezekieli 22:27

A tihosana ta gona ti khwatsi timhisi ti huhulukelako a pfimba xikari ka gona; ti halata nkhata, ti lovisa mihefemulo ya vanhu lezaku ti kuma bhinzu.

Ezekieli 22:29

A vanhu va tiko legi vatsimbeketi ni vaphangi; ina, va xanisa a zisiwana ni vavumali, va tsimbeketa a vamatiko ahandle ka fanelo.

Ezekieli 22:7

Lomu ka wena a vararu ni vanyine va kanyiswa, a vamatiko va tsimbeketwa; lomu ka wena ku xaniswa lava va felweko ni tinoni.

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Ezekieli 39:18

Mu taga a nyama ya tinhenha, munwa a nkhata wa tihosana ta misava, ni wa tihamba, ni tiyivana, ni timhuti, ni tinkavi, wontihe a manonanona ya le Baxani.

Joeli 3:3

Va avelene a vanhu va mina hi ku va hlahluvela; va humesa a mufana kuve a hakhelo ya xibhayi, va xava vinya hi nhanyana, va fela kunwa.

Amosi 3:1

Zwanani a mhaka leyi Jehova a yi wulawulileko ka nwina vanana va ka Israeli, ni ka ngango wontlhe lowu nzi wu humesileko tikweni ga Gipite, i ngalo:

Amosi 3:3

A vanhu vambiri va nga famba zinwe, ahandle ka kuva va kari va zwanana ke?

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Amosi 6:1

I khombo ka lava va te ku tikatika le Zioni, ni ka vona va te ku nja le xitsungeni xa Samaria, a tihosana ta tiko go ranga xikari ka matiko, lava a yindlu ya ka Israeli yi tako kabye.

Amosi 6:6

Va nwela vinya lomu mingelweni, va tola mafura ya lisima; kanilezi a va khataleli a hlokiselelo wa Josefa.

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mitsengo 21:33

Zonake va lo hunzuluka va kanziha hi tlhelo ga le Baxani. Ogi a hosi ya le Baxani zinwe ni vanhu vakwe vontlhe va lo huma va va tlhangaveta le Edrei, va lava kulwa navo. Deut. 3:1; 29:7

Deuteronome 24:14

U nga kalaveli xitiri loyi a nga muvumali xikari ka vamakabye va wena, kutani xikari ka valuveli lava va akileko lomu tikweni ga wena ni lomu mitini ya wena; Levi 19:13; Mal. 3:5

Deuteronome 28:33

A vanhu lava u nga va tiviko va taga a mihanzu ya misava ya wena ni ya mitiro ya wena yontlhe; wena u ta tsimbeketwa ni ku khinyelelwa wontihe masiku; Vala. 6:3