Amosi 2:7 - Tshwa Bible

⁷ Va navela ni tshuri wa misava wu nga tihlokweni ta lava va vumalako, va onha a mhaka ya lava va koramileko. A munhu ni raru wakwe va enghena ka nhwana munwe, va nyenyezisa a vito ga mina go basa.

Amosi 2:7 Mawu Ofanana

2 Samueli 12:14

kanilezi, lezi u tsanwisileko Jehova, u vekela xivango ka valala vakwe hi mhaka leyi, a nwanana loye u belekelweko yena hakunene i tafa.

1 Tihosi 21:4

Ahabi i lo famba ndlwini yakwe na a tsanwile, a xaniseka hi kota ya timhaka ta Nabote a muJezreeli, taku: A nzi zi koti ku ku nyika a tshomba ya vadadani va mina, I lo ya etlela mubhedini wakwe, a nghohe yakwe na yi cuwukile khurisini, a ngagi nchumu.

Mavingu 28:21

A ku chava dzumba ga munhu a zi sasekangi; akuva hi xipanze xa xibaba, a munhu a nga tshova nayo.

Isaya 10:1

Khombo ka vona lava va yimisako milayo yi nga lulamangiko, Lava va tsalako mapapilo yo tsimbeketa;

Isaya 10:2

Kasi ku onha a mhaka ya lava va vumalako, Va yivela a zisiwana za tiko ga mina, Lezaku a tinoni tiva pfimba wabye, Va wutlela lava va felweko hi vapswali.

Isaya 3:14

Jehova i ta lamula a masingalakati ya tiko gakwe, ni tihosana ta gona, aku: Mu gile xivina, lezi zi phangilweko ka zisiwana zi lomu tindlwini ta nwina. Isa. 5:7; Mat. 21:33

Isaya 3:15

Hikuyini mu hlokisako tiko ga mina, ni ku pswhandlasa zisiwana ke? ku wula Hosi Nungungulu wa tiyimpi. A kulamulwa ka vanhwana va Zioni.

Ezekieli 22:11

Ku mahiwa manyala ni sati wa muakelane, a vanwani va maha kubiha ni vakatamwane, a ka wena va wisa tingana a vamakabye va xisati, a vanhwana vo belekwa hi vararu vabye.

Ezekieli 36:20

Loku va chikele matikweni lawa va nga hangalaka ka wona, va lo nyenyezisa a vito ga mina go basa, kala a vanhu va wulawula ha vona, vaku: Lava mbanhu va Jehova, va humile tikweni gakwe. Isa. 52:5; Rom. 2:24

Hosea 4:14

Nzi nga ta tsayisa a vanhanyana va nwina loku va bhaya, ge hambu a vakatamwane va nwina loku va maha wuoswi, hakuva ni vavanuna va kona va famba hi tlhelo ni zibhayi, va phahlela zinwe ni vavasati vo biha. Lezo a tiko gi nga hiko na kupima giya kuloveni.

Levi 18:15

U nga fununguli wumbyiri ga katamwane wa wena; hakuva i sati wa nʼwana wa wena, u nga fununguli wumbyiri gakwe.

Levi 18:21

U nga nyikeli a vana va wena va mahiwa muphahlo ka Moloki. U nga nyenyezisi a vito ga Nungungulu wa wena. Hi mina Jehova.

Levi 18:8

U nga fununguli wumbyiri ga sati wa raru wa wena; hakuva wumbyiri ga raru wa wena.

Levi 20:3

Minawu nzi ta cuwukisa hi mahlo ya makayi loye munhu, nzi mu susa xikari ka vanhu va ka kabye, hakuva i nyikele a nʼwana wakwe a ku maha munyikelo ka Moloki, a nyenyezisa wutshamu ga mina ga kubasa, ni ku xanza a vito ga mina ga kubasa.

Amosi 4:1

Zwanani mhaka leyi, nwina tihomu ta le Baxani, ti nga lomu xitsungeni xa Samaria, nwina lava mu xanisako zisiwana, mu tsimbeketako vavumali, mu nge ka vanuna va nwina: Nehani hinwa!

Amosi 5:11

Lezi nwina mu kanzihelako loyi a vumalako, mu mu khupisa hi mavele; hambu loku mu akile a tiyindlu hi maribye yo vatliwa, mu nga ta tshama ka tona,, ni loku mu phayile a zivina za nwina zo saseka, mu nga tanwa a vinya ka zona. Deut. 28:30, 38; Zef. 1:13

Amosi 5:12

Hakuva nza gi tiva a wunyingi ga zihambunyeto za nwina, ni wukulu ga zionho za nwina. Mu hlokisa a valulamileko, mu vumela ku xavelelwa, mu vukela a vavumali lomu hubyeni.

Amosi 8:4

Zwanani lezi mu ti yimiseleko ku mita vavumali, mu lovisako a vatsongwani va tiko, mu nge ngalo:

Mika 2:2

Va navela masimu ni tiyindlu, va zi teka; va tsimbeketa a munhu ni yindlu yakwe, ni munhu loyi a nga ni tshomba yakwe. Ekso. 20:17; 1 Tih. 21:1

Mika 2:9

Mu hlongola a vavasati va tiko ga mina tindlwini tabye to tsakisa, a vanana vabye mu va tekela a wukosi ga mina kala kupinzuka.

Zefania 3:3

A tihosana ta wona, tinghala leti ti dzumako; a valamuli va wona va fana ni mahlolwa ni wusiku, ma nga siyiko nchumu xa manziko.

Va le Roma 2:24

Ku tsalilwe ku ngalo: A vito ga Nungungulu ga rukatelwa xikari ka vamatiko hi kota ya nwina. 2 Sam. 12:14; Isa. 52:5

1 Va le Korinte 5:1

Ku zwele kontlhe lezaku gi kona wubhayi xikari ka nwina, a wubhayi legi gi nga tibyiwiko ni xikari ka vamatiko, lezaku munwe wa nwina i tekile a sati wa raru wakwe. Deut. 27:20; 2 Kor. 7:12; Efe. 5:3