Amosi 2:4 - Tshwa Bible

⁴ Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Amosi 2:4 Mawu Ofanana

2 Tihosi 17:19

Hambu yenawu Juda a nga hlayisangi a milayo ya Jehova Nungungulu wakwe; va lo lanzela mikhuwo ya va ka Israeli, leyi va nga wa ti yimisele.

2 Kronekele 25:14

Makunu laha Amazia a nga wuya hi le ko ya hlasela va ka Edomi, i lo wuya ni vanungungulu va va ka Seire, a ta va maha vanungungulu vakwe, a va khizamela, a va hisela tibani.

2 Kronekele 30:7

Mu nga mahi kota lezi va mahileko vararu va nwina ni vanakuloni lava va ti tsimbetelako ka Jehova Nungungulu wa vadadani vabye, kala va ti nyikela timhangweni khwatsi hi lezi mu zi wonako.

Nehemia 1:7

Hi ku onhele nguvu, a hi hlayisangi zileletelo, ni milayo, ni ziyimiso lezi u nga zi leletela nanza ga wena Mosi.

Nehemia 9:26

Ahembaloko, va wa nga ingisi; va lo ti alisa, va hoxa milayo ya wena lenzhako, va daya vaprofeti va wena lava va nga wa kanela kabye lezaku va tlhelela ka wena, va vindlusa a zanga ya wena.

Isaya 28:15

Hilezi mu nge ngalo: Hi mahile xivumelwano ni kufa, Hi zwanana ni Xeoli; Hambu loku a tsayiselelo wu kukuleta ku fanana ni ntalo, Wu nga ta hi chikelela, Hakuva a mawunwa hi ma mahile wuchavelo ga hina, Hi fihlala lahasi ka kukhohlisa.

Isaya 44:20

Iga khuma, a hambukiswa hi mbilu yi khohlakeleko, lezaku a tsanzeka ku ponisa a muhefemulo wakwe; hambu ni ku wula, aku: Lezi nzi zi khomileko canjeni ga mina a hi wunwa ke?

Jeremia 16:11

Zonake u taku kabye: A vararu va nwina va nzi tsikile, ku wula Jehova, va lanzela a vanwani vanungungulu, va va tirela ni ku va khozela; va nzi tsikile, a va gongangi a nayo wa mina.

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 17:27

Kanilezi loku mu nga nzi ingisi, mu nga basisi a siku ga sabado, kanilezi mu rwala a minzhwalo ni ku enghena nayo hi tinyangwa ta Jerusalema hi siku ga sabado; zonake nzi ta dzivela a nzilo tinyangweni ta wona, wu hisa tiyindlu ta wuhosi ta lomu Jerusalema, a nzilo lowu wu nga ta timiwa. Ezek. 20:47; Hos. 8:14

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Jeremia 8:2

ma ta hangalaswa mahlweni ka gambo ni hweti, ni mahlweni ka butho gontlhe ga tilo, lezi va nga zi ranza ni ku zi tirela, ni lezi va nga zi lanzela, va zi wutisa ni ku zi khizamela; ma nga ta ha hlengeletiwa, hambu ku kelelwa; ma ta maha koho misaveni. Deut. 4:19; 2 Tih. 21:3

Jeremia 8:9

A titlhari tite koyo tingana, Ta rurumela ni ku khomiwa. Ti kanetile a mhaka ya Jehova, Mbutivi muni ti nga nago ke? Deut. 4:6; Joba 5:13; 1 Kor. 3:19

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Ezekieli 20:16

Hakuva va alile a zileletelo za mina, va nga hlayisi a milayo ya mina, va nyenyezisa a masabado ya mina, hakuva a timbilu tabye ti lanzele a zifananiso zabye.

Ezekieli 20:18

Nzi te ngalo ka vana vabye lomu xiwuleni; Mu nga fambi hi mikhuwo ya vararu va nwina, mu nga lanzeli mahanyela yabye, ge hambu ku ti nyenyezisa hi zifananiso zabye.

Ezekieli 20:24

hakuva a va mahangi a zileletelo za mina, kanilezi va alile milayo ya mina, va nyenyezisa a masabado ya mina, ni mahlo yabye ma wa lanzela a zifananiso za vararu vabye.

Ezekieli 20:30

Hikwalaho wula ka yindlu ya ka Israeli, uku: Hosi Jehova i ngalo: Xana mu ta ti nyenyezisa hi mikhuwo ya vararu va nwina, na mu lanzela a manyalataniso yabye ke, ku wula Hosi Jehova.

Ezekieli 22:28

A vaprofeti va kona va ti tota hi mhemba, va wona miwoniso ya hava, va ti vumbela mawunwa, vaku: Ku wula Hosi Jehova, kasi lezo Jehova a nga wulangi nchumu.

Ezekieli 22:8

U kanyisile a zilo za mina za kubasa, u nyenyezisa a masabado ya mina.

Hosea 12:2

Jehova wa holova na Juda, i ta tsayisa Jakobe maringano ni tindlela takwe, a mu chachazela maringano zimaho zakwe.

Hosea 12:3

I khomile nakulobye hi xirenze na hi rumbyini ga nyine; ni laha a nga wahombe i lo pfinyana na Nungungulu. Gen. 25:26; 32:24

Hosea 6:11

Na wenawu Juda, u yimiselwe a xikhati xa kutshovela, laha nzi ta nga tlhelisa a vanhu va mina hi le wukhumbini.

Amosi 1:3

Jehova i ngalo: Hi kota ya zionho zinharu za Damasku, kutani mune wa zona, nzi nga ta susa a xitsayiso, hakuva va hulile Gileade hi zihulo za tisimbi.

Amosi 3:2

Hi nwina nwece nzi mu hlawulileko xikari ka yontlhe mingango yi nga laha misaveni; hikwalaho nzi ta mu tsayisa hi kota ya zigoho zontlhe za nwina. Ekso. 19:5; Deut. 4:20

Mika 6:12

Hakuva a vafumileko va muti va tele hi tihanyi, ni vaaki va wona va wulawula mawunwa, ni tirimi tabye mbakhohlisi milonwini yabye.

Habakuka 2:18

Xi vuna yini a xifananiso lezi a muvatli wa xona a xi vatlileko; ni xifananiso xi chululweko, lexi xi gonzisako mawunwa, lezi a mumahi wa xona a xi tsumbako, lezaku a zi maha na zi hi timbeveve ke?

Va le Roma 1:25

Hakuva va lo tsika a zinene za Nungungulu va tsumba mawunwa, va lo khozela ni ku tirela a xivangwa, na ku nga hi Muvangi wa xona, loyi a khesiwako kala kupinzuka. Amen! Isa. 44:20; Jer. 13:25; 1 Tes. 1:9; 1 Joh. 5:20

1 Va le Tesalonika 4:8

Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24

1 Pedro 1:18

Ma zi tiva lezaku mu tirulwe mahanyeleni ya nwina ya hava, lawa mu tolovetilweko wona hi vakoko va nwina, 1 Kor. 6:20

Valamuli 10:6

A vanana va ka Israeli va lo engeta kambe va maha kubiha mahlweni ka Jehova, va khozela maBaali ni maAxtarote, ni vanungungulu va vaSiria, ni vanungungulu va vaSidoni, ni vanungungulu va vaMoabi, ni vanungungulu va vanana va ka Amoni, ni vanungungulu va maFilistia; va fularela Jehova va nga mu khozeli.