Amosi 2:10 - Tshwa Bible

¹⁰ Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.

Amosi 2:10 Mawu Ofanana

Nehemia 9:21

Ina, u te va hlayisa 40 wa malembe lomu xiwuleni, va nga vumali nchumu. A tinguwo tabye a ti hlakalangi, ni mikonzo yabye cima a yi vumbangi, Mitse. 14:4, 18; Deut. 8:3, 16

Tisimu 95:10

Mune wa makume ya malembe nzi lo tsanwa hi xizukulwana lexo, Nziku: Mbanhu vo lahleka timbilwini tabye, A va tivangi a tindlela ta mina. Ekso. 32:9; Deut. 32:5, 6, 28

Eksodusi 12:51

Hi lego siku, Jehova i lo humesa a vanana va ka Israeli le tikweni ga Gipite hi mabandla yabye.

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Jeremia 2:6

A va wulangi, vaku: I kwihi Jehova, Loyi a hi humesileko le tikweni ga Gipite, Loyi a hi rangeleko xiwuleni, lomu tikweni ga zigwangwa ni marinzi, Hi tsemakanya a tiko gi omileko ni ga nzhuti wa kufa, A tiko gi nga hi hava vahunzi ni vaaki?

Ezekieli 20:10

Zinghaho nzi lo va humesa tikweni ga le Gipite, nzi va yisa xiwuleni,

Amosi 3:1

Zwanani a mhaka leyi Jehova a yi wulawulileko ka nwina vanana va ka Israeli, ni ka ngango wontlhe lowu nzi wu humesileko tikweni ga Gipite, i ngalo:

Amosi 9:7

Ka mina a mu fanani ni vana va maEtiopia ke, nwina vana va ka Israeli? ku wula Jehova. A nzi humesangi Israeli tikweni ga Gipite, ni maFilistia tikweni ga Kaftori, ni maSiria tikweni ga Kire ke? Gen. 10:14; Deut. 2:23; Am. 1:5

Mika 6:4

Hakuva nzi ku humesile tikweni ga Gipite, nzi ku tirula ndlwini ya wukhumbi, nzi ku rangela mahlweni hi va Mosi na Aroni na Miriamu.

Mitsengo 13:32

Zonake va lo hlawutela kubiha mahlweni ka vanana va ka Israeli hi tiko lego va gi hlotileko, vaku: A tiko legi hi tsemakanyileko hi gi hlola, i tiko gi dayako vaaki va gona; vontlhe vanhu lava hi va wonileko mbo leha nguvu.

Mitsengo 21:25

Zinghaho Israeli i lo teka yontlhe a miti leyo, a aka ka yontlhe a miti ya maAmori, lomu Hexboni ni ka yontlhe miti leyi yi nga hi lahasi ka vona.

Mitsengo 32:13

Zinghaho a zanga ya Jehova yi lo vindlukela a va ka Israeli, a va tlhelisa vaya nzulanzula lomu xiwuleni 40 wa malembe, kala ku mbhela xontlhe lexo xizukulwana xi mahileko kubiha mahlweni ka Jehova.

Mitiro 13:18

Yena i lo hunisela ha vona le xiwuleni a xipimo xa 40 wa malembe.

Mitiro 7:42

Kanilezi Nungungulu i lo va fularela, a va tsikeleta ku khozela a handla ga tilo; kota lezi ku tsalilweko bhukwini ga vaprofeti, ku ngalo: Yindlu ya Israeli, xana mu nzi humesele a zihari zi tlhabyilweko ni miphahlelo A 40 wa malembe le xiwuleni ke? Ezek. 20:39; Deut. 17:3; Am. 5:25

Deuteronome 1:39

Kasike a vanana va nwina, lava mu nga wula ha vona lezaku va ta khomiwa va maha tihloko, ni vana va nwina lava inyamutlha va nga tiviko kusaseka ni kubiha, hi vonake va ta nga enghena ka tiko lego; nzi ta va nyika gi maha tiko gabye.

Deuteronome 2:7

Hakuva Jehova Nungungulu wa wena, i ku katekisile mitirweni yontlhe ya canja ga wena; i tivile kufamba ka wena le xiwuleni lexi xa hombe. Lomu ka 40 wa malembe, Jehova Nungungulu wa wena i wa hi zinwe na wena; a ku vumalangi nchumu.

Joxua 13:4

hi le Dzongeni, gontlhe tiko ga maKanani, ni Meara legi gi nga ga maSidoni, kala le Afeka, ni ku kala le mbhinganweni wa vaAmori;

Joxua 24:8

Na mina nzi lo mu heleketa tikweni ga maAmori lava va akileko le tlhatuko wa Jordani, vona va lolwa na nwina; kanilezi mina nzi lo va nyikela canjeni ga nwina, kala mu teka a tiko gabye; mina nzi lo va lovisa mahlweni ka nwina.