2 Timote 3:10 - Tshwa Bible

¹⁰ Kanilezi wena u nzi lanzele a kugonziseni, ni mafambeleni, ni makungwini, ni kukholweni, ni kutimiseleni, ni liranzweni, ni lihlaza-mbilwini,

2 Timote 3:10 Mawu Ofanana

Danieli 1:8

Danieli i lo funga mbilwini yakwe lezaku a nga ta ti nyenyezisa hi zakuga za hosi, hambu hi vinya legi yi nwako gona. Hikwalaho i lo kombela ka nduna ya mithenwa lezaku a nga kurumetwi ku ti nyenyezisa.

Luka 1:3

na minawu na nzi hlolisisile a timhaka tontlhe hi le kusanguleni ka tona, nzi xuvile a ku ku tsalela tona hi ku longoloxa, wena Teofilu a dumileko nguvu; Miti. 1:1; 11:4

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 2:42

Vona va lo pinyamela kugonziseni ka vapostoli, ni le kutlhanganeni, ni kukhemeni ka xibaba, ni mikhogelweni. Maheb. 10:25

Mitiro 20:18

Ni laha va nga wa tile ka yena, aku ngalo kabye: Nwina ma zi tiva lezi nzi nga tshamisa zona xikari ka nwina kusukela siku lego nzi nga chikela le Asia, Xip. 18:19; 19:1, 10

Mitiro 26:4

A hanyela ga mina, legi nzi nga hanya ha gona xikari ka va ka hina, ni le Jerusalema, kusukela wusweni ga mina, va gi tiva vontlhe vaJuda.

Va le Roma 16:17

Makunu nza mu khongotela vamakabye, a kuva mu ti wonela ka lava va vangako kuhambana ni zikhunguvanyiso, hi ku hambunyeta a gonzo leyi mu gonzileko yona; mu nga hlengeli navo. Miti. 15; 1 Kor. 5:9; 2 Tes. 3:6; 1 Tim. 6:3

2 Va le Korinte 1:17

Laha nzi nga xuva ku maha lezo, nzi lo maha wugangaganga ke? Kutani a zilo lezi nzi xuvako a ku zi maba, nzi xuva a ku maha zona khwatsi hi ka nyama ke? Loku nziku: Ina, ni Ahihi, zi kona ka mina khati ginwe ke? Xip. 10:2

Va le Efesusi 4:14

lezaku hi nga ha mahi zihlangi, hi ndlengandlengiswa kukotisa mabyandlati ya bimbi hi timheho tontlhe ta tigonzo, kutani hi kukanganyisa ka vanhu, ni wumbyori gabye ga ku khohlisa. Mat. 11:7

Va le Filipi 2:20

Hakuva a nzi na munwani a nga ni mbilu yo kota yakwe, loyi a ta nga ti karata timhakeni ta nwina.

Va le Filipi 2:22

Kanilezi nwina ma ku tiva a kutsumbeka kakwe, lezaku i tirile zinwe na mina a ku fambisa ivangeli, khwatsi hi nʼwana a tirelako a raru wakwe.

1 Va le Tesalonika 1:5

hakuva a ivangeli ya hina a yi tangi ka nwina hi kuwulawula koce, kanilezi yi tile kambe hi ntamu ni Moya wa ku Basa, ni kutiyiswa kunyingi. Nwina ma zi tiva lezaku hi tshamisile kuyini xikari ka nwina kasi ku mu vuna. 1 Kor. 2:4; 2 Kor. 6:6; Kol. 2:2; Maheb. 2:3

1 Timote 1:3

Laha nzi ngaya le Makedonia nzi lo ku khongotela ku sala le Efesusi, u luleka vanwani lezaku va nga gonzisi yinwani gonzo, Miti. 20:1, 3; Gal. 1:6, 7; Fil. 2:24

1 Timote 4:6

Loku u byela a vamakabye timhaka leti, u tava nanza gi nene ga Kristu Jesu, legi gi wundlilweko timhakeni ta kukholwa, ni ka gonzo yi nene leyi u yi lanzeleko. 2 Tim. 3:14

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

2 Timote 2:22

Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.

2 Timote 4:2

Kanela a mhaka; pinyama hi xikhati xi faneleko ni xikhati xi nga faneliko, u kawuka, u luleka, ni ku khongotela hi kutimisela kontlhe, ni kugonzisa. 1 Tim. 4:13; Tit. 1:13

2 Timote 4:3

Hakuva xa hata xikhati laha va ta nga ala a gonzo yi hanyisako; kanilezi kota lezi va nga ni tindleve ti nyakanyelelako a kuzwa, va ta ti lavela vagonzisi vo tsakisa kumbilukela kabye; 1 Tim. 1:10

2 Timote 4:7

Nzi lwile a kulwa ko saseka, nzi mbhetile a kutsutsuma ka mina, nzi gongole a kukholwa.

Titusi 2:7

Uva xiwonelo xa mitiro yontlhe yo saseka; a kugonziseni ka wena u kombisa a kubasa ni kudzunzeka, Efe. 6:24; 1 Ped. 3:1, 5; 5:3

Maheberu 13:9

Mu nga pengiswi hi tixaka ti tsalangeneko ta tigonzo leti ti nga tibyiwiko; hakuva zi sasekile loku a mbilu yi tiyiswa hi tipswalo, na ku nga hi zakuga, lezi zi nga vuniko nchumu lava va zi tsumbako. Rom. 14:17; Efe. 4:14

2 Pedro 3:11

Kota lezi zontlhe lezi zi ta nga nyamalaliswa, nwina mu fanele a kuva vanhu ba kuyini mahanyeleni wontihe yo basa ni wukhongeli!