2 Timote 2:7 - Tshwa Bible

⁷ Ehleketa lezi nzi zi wulako, a Hosi yi ta ku nyika kutlhariha timhakeni tontlhe.

2 Timote 2:7 Mawu Ofanana

1 Kronekele 22:12

Ntsena Jehova a ku nyike a wutlhari ni malanga, a ku nyikela ku fumela hehla ka va ka Israeli, a ku nyika a ku hlayisa a milayo ya Jehova Nungungulu wa wena.

1 Kronekele 29:19

U nyika ka nʼwana wa mina Solomoni a mbilu yi mbheleleko a ku hlayisa milayo ya wena, ni timhaka ta wena, ni zileletelo za wena, ni ku maha a zilo lezi zontlhe, ni ku aka a yindlu leyi nzi yi longiseleko!

Tisimu 119:125

Nzi nanza ga wena, nzihe kupimisisa, Kasi nza fela ku tiva zikhumbuxeto za wena.

Tisimu 119:144

A zikhumbuxeto za wena zi lulamile kala kupinzuka, Nzihe kupimisisa kasi nza hanya.

Tisimu 119:73

A mandla ya wena ma lo nzi maha, ma nzi wumba; Nzihe kupima kasi nza gonza zileletelo za wena.

Tisimu 64:9

A vanhu vontlhe va ta chava, Va ta tlhatlhambutela mitiro ya Nungungulu, Va alakanya lezi a zi tirileko.

Mavingu 24:32

Zonake nzi lo zi wona, nzi ehleketa, zi lo zi cuwukisisa, nzi kuma gonzo ka zona.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 28:26

Hakuva a Nungungulu wakwe i mu gonzisile, I mu tivisile a ndlela ya kona.

Isaya 5:12

A xitende ni xiridingoma, ni njhomani, ni khombela, ni vinya zi kumeka mibuzweni yabye; Kanilezi a va khatali hi ntiro wa Jehova, A va woni mitiro ya mandla yakwe.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Luka 21:15

hakuva mina nzi ta mu nyika magezu ni wutlhari, legi vontlhe valala va nwina va ta nga hluleka ku gi kaneta ni ku hlamula nchumu. Miti. 6:10

Luka 24:45

Zonake i lo vulula a kupima kabye, lezaku kasi va fela ku pima mitsalo; Miti. 16:14

Luka 9:44

Ngha timhaka leti ti tikirela tindleveni ta nwina lezaku, Nʼwana wa munhu i ta nyikelwa mandleni ya vanhu. Mat. 17:22

Johani 14:26

Kanilezi a Muyimeli, a nga Moya wa ku Basa, loyi Dadani a ta nga mu rumela hi vito ga mina, yena i ta mu gonzisa zontlhe, a mu alakanyisa zontlhe lezi nzi wulawulileko ka nwina. Lu. 24:49; Xip. 2:22; 16:13

Johani 16:13

Kanilezi loku a chikele, loye a nga Moya wa zinene, i ta mu rangela zineneni zontlhe; hakuva a nga ta wulawula a za wutsumbu gakwe; kanilezi ni zihi lezi a ta nga zizwa i ta wulawula ha zona; ni zilo lezi zi ta ngata i ta mu tivisa zona. Xip. 14:17; 1 Joh. 2:27

Mitiro 7:10

a mu tlhatlhisa makhombyeni yakwe wontihe, a mu nyika thomo ni kutlhariha mahlweni ka Faro, a hosi ya le Gipite; a hosi yi lo mu yimisa a kuva mufumeli wa le Gipite, ni wa yindlu yakwe yontlhe. Gen. 42:6

1 Va le Korinte 12:8

Hakuva munwani i nyikiwa ha wona Moya a timhaka ta kutlhariha, ni munwani i nyikiwa a timhaka ta kutiva hi wona Moya lowo; Xip. 2:6; 2 Kor. 8:7

Deuteronome 32:29

Loku va wa tlharihile ngha va zi pimile, Va alakanya kugumelwa ka vona.

Deuteronome 4:39

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani,

Va le Filipi 4:8

Vamakabye, hi kugumesa nzi ngalo: Ni zihi lezi zi nga zi nene, ni zihi lezi zi dzunzekako, ni zihi lezi zi lulamileko, ni zihi lezi zi basileko, ni zihi lezi zi ranzekako, ni zihi lezi zi khesiwako; loku gi hi kona wunene, ni zilo lezi zi faneleko ku bongiwa, alakanyani zontlhe lezo.

Va le Kolosi 1:9

Hi kota ya lezo na hinawu, kusukela a siku legi hi nga zizwa, a hi tsikangi a ku mu khongelela ni ku mu kombelela, lezaku mu fela ku tatiswa hi ku tiva a kuranza kakwe nzeni ka wutlhari gontlhe ni kupima kontlhe ka moya, Rom. 12:2; Efe. 1:15

1 Timote 4:15

Pangama mitirweni leyi, u ti nyikela gontlhe wutsumbu ga wena ka yona; kasi a kuya mahlweni ka wena ka woneka ka vanhu vontlhe.

2 Timote 2:6

A murimi loyi a tirileko a ntiro wa kona, hi yena a faneleko ku amukela a xiavelo xo ranga xa mihanzu.

2 Timote 2:8

Alakanya Jesu Kristu loyi a vukileko hi ka vafileko, wa pswalo wa Davida, khwatsi hi kuwula ka ivangeli leyi nzi yi kanelako, Miti. 2:30; 13:23; Rom. 2:16; 1 Kor. 15:1

Maheberu 12:3

Ina, alakanyani yena loyi a nga timisela a kukanetwa ka kunghaho hi vaonhi, lezaku mu nga rereki, mu mbhela ntamu mihefemulweni ya nwina. Mat. 10:24

Maheberu 13:7

Alakanyani varangeli va nwina, lava va mu byelileko mhaka ya Nungungulu; pimani a kugumesa ka kuhanya kabye, mu ecanyisa a kukholwa kabye.

Maheberu 3:1

Hikwalaho, vamakabye vo basa, mu nga vahlengeli va kuvitanwa ka le tilweni, ehleketani ha Jesu, a Mupostoli tlhelo Mupristi wa hombe wa kuvumela ka hina; Fil. 3:14; 2 Ped. 1:10

Maheberu 7:4

Makunu pimani lezaku i kulisile kuyini a munhu loyi Abrahama, a nyapanze wa hina, a nga mu pambulela a xipanze xa wukhume xa muphango. Gen. 14:20

Jakobe 1:5

Kanilezi loku munwani wa nwina a vumala wutlhari, a kombele ka Nungungulu, loyi a nyikako vontlhe hi matsenya na a nga soli, zonake i ta nyikiwa. 1 Tih. 3:9, 11, 12; Joh. 16:23

Jakobe 3:15

A wutlhari ga kunghaho a giti hi le hehla, kanilezi ga misava, ga mahanyela, ga madimoni. Fil. 3:19; Juda 19

Jakobe 3:17

Kanilezi a wutlhari legi gi tako hi le hehla, a kusangula gi basile, kambe gi na ni kurula, gi nene, ga ingisa, gi tele hi wuxinji ni mihanzu yo saseka, a gi na kukanakana ni kuxengetela. 1 Kor. 2:6; 1 Ped. 1:22

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3