2 Timote 2:26 - Tshwa Bible

²⁶ lezaku va ti tlharihela va pona tlhanwini wa Satani, loyi va phasilweko hi yena, lezaku va maha kuranza kakwe.

2 Timote 2:26 Mawu Ofanana

Joba 1:12

Jehova aku ka Satani: Languta, zontlhe a nga nazo zi le ntanweni wa wena; ntsena lezaku u nga yisi a canja ga wena mirini wakwe. Zonake Satani i lo suka kuwoneni ka Jehova.

Joba 2:6

Jehova aku ka Satani: Languta, i le mandleni ya wena, ntsena lezaku u nga lovisi wutomi gakwe.

Tisimu 124:7

A muhefemulo wa hina wu ponile, Khwatsi hi xinyanyani xi ponileko ntlhanwini wa mudembeli; A ntlhamu wu tshovekile, hina hi ponile.

Isaya 28:13

Hikwalaho a gezu ga Jehova gi tata kabye, giku: A zilayelo za mina a zi gumesi, A zilayelo zita xinwe hehla ka xinwani; Inyamutlha nzi wula lezi, manziko nzi wula leziya! Kasi loku va famba va fela kuwa ha xinzhakwani, Va tshoveka, va phasiwa, va khomiwa.

Isaya 53:12

Hikwalaho nzi ta mu nyika xiavelo xakwe ni vahombe, I ta avana muphango ni laʼva ntamu, Hakuva i nyikele kuhanya kakwe kufeni, A hlayiwa zinwe ni vahambunyeti, Hambu lezo a nga rwala a zionho za vanyingi, A kombelela vahambunyeti. Lu. 22:37; 23:33; Joh. 17:2, 6

Isaya 8:15

Vanyingi vabye va ta khunguvanyeka ka gona, vawa, va tshoveka: va ta phasiwa, va khomiwa.

Luka 11:21

Loku a nhenha yi: hlomile yi lavelela a yindlu ya yona, a zilo zakwe zi tshameka khwatsi; Mat. 12:29; Mar. 3:27

Luka 15:17

Kanilezi laha a nga ti alakanya, aku ngalo: Nweno a zitiri leʼzinyingi za dadani zi na ni kuga ku eneleko ni ku hunza, kasi mina nzofa laha hi ndlala!

Luka 5:10

Zi wa hi nghaho ha Jakobe na Johani, a vana va Zabedi, lava va nga hlengele na Simoni ntirweni. Jesu aku ka Simoni: U nga chavi; hakuva ku sukela lezi u ta kukuta vanhu. Mat. 4:19; Mar. 1:17

Johani 13:2

Kwalaho xilalelweni, Satani i wa sina a vekile mbilwini ya Judasi Iskarioti nʼwana Simoni, aku a mu tokometa. Lu. 22:3

Johani 13:27

Laha na a amukele xikhemu, Satani i lo enghena kakwe. Jesu aku kakwe: Lezi u zi mahako, hatlisa u zi maha. Lu. 22:3; Xip. 6:70

Mitiro 26:18

a kuva u vulula mahlo yabye, kasi va huma munyameni vata kuwonekeleni, va suka ntanweni wa Satani vata ka Nungungulu, lezaku va tsetselelwa zionho, va va ni tshomba xikari ka lava va basisilweko hi ku kholwa ka mina. Lu. 1:77, 79; Joh. 8:12; 2 Kor. 4:4; Efe. 1:11; Kol. 1:12-13

Mitiro 5:3

Kanilezi Pedro aku ngalo: Ananiasi, hikuyini Satani a tatisileko a mbilu ya wena, lezaku u hemba wunwa ka Moya wa ku Basa, ni ku khweketa a xipanze xa mali ya simu ke? Mitse. 30:2; Deut. 23:21; Lu. 22:3; Joh. 8:44

1 Va le Korinte 15:34

Vukani, mu maha kululama, mu nga onhi; hakuva vanwani a va mu tivi Nungungulu, nzi wula lezi ku mu chela tingana. Efe. 5:14; 1 Tes. 4:5

2 Va le Korinte 2:11

kasi Satani a nga hi hluli; hakuva a hi kohlwi hi mano yakwe. 1 Ped. 5:8

Va le Efesusi 5:14

Hikwalaho i ngalo: Khindlimuka wena loyi u etleleko, u vu ka hi ka vafileko, Kristu i ta ku woninga. Isa. 60:1; Joh. 5:25; Rom. 6:4, 5

Va le Kolosi 1:13

Yena i lo hi hlanguta ntanwini wa munyama, a hi enghenisa mufunweni wa Nʼwana wakwe a ranzekileko, Maheb. 2:14; 2 Ped. 1:11

1 Timote 1:20

A xikari ka vona ku na na Himeneusi na Alexandro, lava nzi va nyikeleko ka Satani, kasi va gonziswa a kuva va nga rukateli. Mat. 18:17; 1 Kor. 5:5; 2 Tim. 2:17; 4:14

1 Timote 3:7

Kambe i fanele hi kuva ni wudumo gi nene xikari ka valahandle; a nga dzuka a soleka, a wela ntlhanwini wa Satani.

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1