2 Timote 2:21 - Tshwa Bible

²¹ Hikwalaho loku munhu a tsawukana ni mitiro ya kunghaho, i tava xibya xi dzunziwako, lexi xi basisilweko, xi faneleko ku tiriswa hi nwinyi wa xona, na xi longiselelwe a mitiro yontlhe yo saseka.

2 Timote 2:21 Mawu Ofanana

Tisimu 119:9

A jaha gi nga basisisa kuyini a ndlela ya gona ke? Hi ku gonga a mhaka ya wena.

Isaya 1:25

Nzi ta tlhateka canja ga mina hehla ka wena, nzi hluta a manyelo ya wena, nzi humesa hi ka wena a xiketse xi nga basiswangiko.

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Jeremia 15:19

Hikwalaho Jehova i ngalo; Loku u tlhelela ka mina Nzi ta ku wuyisa lezaku u maha nanza ga mina. Ni loku u neha leʼza lisima, u tsika leʼzo biha, Wena u tava kota nomu wa mina. Vona va ta tlhelela ka wena, Kanilezi u nga ta tlhelela kabye.

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Mitiro 9:15

Kanilezi a Hosi yiku ngalo ka yena: Famba, hakuva loyi hi xibya xi hlawulilweko xa mina, a ku yisa a vito ga mina ka vamatiko ni ka tihosi, ni ka vanana va ka Israeli; Xip. 13:2; Rom. 1:1; 2 Tim. 1:11

1 Va le Korinte 5:7

Susani a comelo ga kale, lezaku kasi ma fela kuva mbila yiswa, lezi mu nga cheliwangiko comelo. Hakuva a pasika ya hina yi tlhabyilwe, leyi yi nga Kristu. Isa. 53:7; Joh. 1:29; 19:14; 1 Ped. 1:19; Kuv. 5:6

2 Va le Korinte 7:1

Hikwalaho na hi hi ni zitsumhiso lezi, varanzekako, a hi ti hlazeni kunyenyezeni kontlhe ka miri ni moya, hi mbhelelisa a kubasiswa ka hina a kuchaveni ka Nungungulu. 1 Joh. 3:3

2 Va le Korinte 9:8

Nungungulu wa zi kota ku enzelekisa ka nwina a tipswalo tontlhe; lezaku nwina, na mu enelisilwe xikhati xontlhe zilweni zontlhe, mu fela kuva nazo zo tira mitiro yontlhe yo saseka: Mav. 11:25; Fil. 4:19

Va le Efesusi 2:10

Hakuva hina hi ntiro wakwe, a ka Kristu Jesu hi vangelwe mitiro yo saseka, leyi Nungungulu a yi longiseleko kale lezaku hi ta famba ha yona. Xip. 1:4

1 Timote 6:11

Kanilezi wena munhu wa Nungungulu, potsoloka lezi zilo, u hlota kululama, a kukhozela Nungungulu, a kukholwa, a liranzo, a kutimisela, ni kurula. Deut. 33:1

2 Timote 2:16

Kanilezi nyenya a mafenya lawa ya hava, hakuva lava va wulako wona va taya mahlweni hi kungakholwi. Tit. 1:14

2 Timote 2:20

Lomu ndlwini ya hombe a ku na zibya za nzalama ni siliva zoce, kanilezi zi kona kambe zo vatliwa ni za wumba; zinwani zi na ni mitiro yi dzunziwako, ni zinwani zi na ni mitiro yi nga dzunziwiko.

2 Timote 3:17

kasi a munhu wa Nungungulu a fela ku mbhelela, na a longiselelwe a mitiro yontlhe yo saseka. 1 Tim. 6:11; Tit. 1:9

2 Timote 4:11

Hi Luka yece a nga na mina. Tana na Marku, hakuva wa nzi vuna nguvu ntirweni. Miti. 12:25; 15:37; Kol. 4:10

Titusi 3:1

Va alakanyise lezaku va ti koramisa ka tihosi, hi ka vafumeli, va ingisa ni ku longa ku maha mitiro yontlhe yo saseka, Maheb. 13:21

Titusi 3:14

A vanhu va hina ngha va gonza ku tira mitiro yo saseka, kasi va fela ku vuna laha ku vumalekako, lezaku va ngavi lava va nga hava mihanzu. Fil. 1:11; Kol. 1:10; 2 Ped. 1:8

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

1 Pedro 1:22

Kota lezi mu basisileko mihefemulo ya nwina hi ku ingisa zinene, mu kala mu ranza a vamakabye hi liranzo li nga xengeteliko, ranzanani hi timbilu ti basileko.

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

1 Johani 3:3

Ni wihi loyi a nga ni kutsumba loku ha yena, wa ti basisa, kota lezi yena a basileko.