2 Timote 1:12 - Tshwa Bible

¹² Hi kota ya lezo nza xaniseka hi lezi zilo; kanilezi a nzi na tingana, hakuva nza mu tiva loyi nzi kholwako kakwe; nza tsumba lezaku i na ni ntamu wa ku hlayisa lezi nzi zi vekileko ka yena, a zi hlayisela lego siku. 1 Ped. 4:19

2 Timote 1:12 Mawu Ofanana

Tisimu 25:2

Nungungulu wa mina, nzi ku tsumbile; Ngha nzi nga wiswi tingana. Ngha valala va mina va nga mahi migiyo ha mina.

Tisimu 31:5

Nza nyikela a moya wa mina canjeni ga wena; U nzi tirulile, wena Jehova, Nungungulu wa lisine. Lu. 23:46; Miti. 7:59

Tisimu 56:9

Zonake a valala va mina va ta tlhelela nzhako hi siku legi nzi rilako; Lezo nza zi tiva, hakuva Nungungulu i na mina.

Tisimu 9:10

A va ku tsumbe lava va tivako a vito ga wena; Hakuva wena Jehova a ku tsiki lava va ku lavako.

Isaya 12:2

Langutani, Nungungulu hi kuhanyisa ka mina, Nzi ta tsumba, nzi nga chavi nchumu; Hakuva Jehova Jehova hi ntamo wa mina ni lisimu la mina; Hi yena a nzi hanyisileko.

Isaya 50:7

Hakuva Hosi Jehova i ta nzi vunetela, Hikwalaho nzi wa nga wiswangi tingana; Nzi lo maha nghohe ya mina yi fanana ni ribye, Nza zi tiva lezaku nzi nga tawa tingana.

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Mateu 12:21

A vamatiko va ta tsumba vito gakwe.

Mateu 24:36

Kanilezi lego siku ni lexo xikhati a ku na munhu a zi tivako,, hambu tingelosi ta tilo, hambu ni Nʼwana, sine Dadani yece. Miti. 1:7; 2 Ped. 3:10

Mateu 7:22

A vanyingi va taku ka mina hi lego siku: Hosi, Hosi, a hi profetangi hi vito ga wena ke; hi vito ga wena a hi hlongolangi madimoni ke; a hi mahangi zirewukiso zo tala hi vito ga wenake? Joh. 11:51; 1 Kor. 13:2

Luka 10:12

Nziku ka nwina: Hi lego siku ku ta hehuka ka Sodoma, ku hunza ka lowo muti.

Luka 23:46

Zonake Jesu i lo vitana hi gezu ga hombe, aku: Dada, nza nyikela moya wa mina mandleni ya wena. Na a wulile lezo i lofa. Tis. 31:5; 1 Ped. 2:23

Johani 17:15

A nzi kombeli lezaku u va susa tikweni, kanilezi lezaku u va hlayisa ka loyi wo biha. Gal. 1:4; 2 Tes. 3:3; 1 Joh. 5:18

Johani 6:44

A ku na munhu a zi kotako kuta ka mina, loku a nga kokiwi hi Dadani loyi a nzi rumileko; zonake nzi ta mu vuxa hi siku go gumesa.

Mitiro 13:46

Zonake Paule na Barnabasi va lo wulawula hi kutiya, vaku: Zi wa lavekile lezaku a mhaka ya Nungungulu yi kanelwa ka nwina kuranga. Kanilezi kota lezi nwina mu yi alako, mu ti lamula lezaku a mu fanelwi hi wutomi ga pinzukelwa, mangabye, hi hunzulukela ka vamatiko. Isa. 55:5; Mat. 10:6; 21:43; Rom. 1:16

Mitiro 13:50

Kanilezi a vaJuda va lo kucetela a vavasati va dumileko va chavako Nungungulu, ni vahombe va muti, va vuxela Paule na Barnabasi a kuxaniswa, va va panzanya tikweni gabye.

Mitiro 21:13

Kanilezi Paule i lo hlamula aku: Hikuyini mu rilako mu panza a mbilu ya mina ke? Kasi mina a nzi longelangi ku bohiwa ntsena, kanilezi ni ku fela a vito ga Hosi Jesu le Jerusalema. Xip. 20:24

Mitiro 7:59

Va lo gandla Stefani hi maribye, na a kari a vitana Hosi, aku: Hosi Jesu, amukela a moya wa mina.

Mitiro 9:16

hakuva nzi ta mu komba zontlhe lezi a ta nga xaniseka ha zona hi kota ya vito ga mina. Xip. 20:23; 21:11

Va le Roma 1:16

Hakuva a nzi na tingana hi ivangeli, hakuva i ntamu wa ku hanyisa ni wihi loyi a kholwako; a ka muJuda kusangula, ni ka muGreki kambe. 2 Tim. 1:8; 1 Kor. 1:18; 2 Kor. 10:4

Va le Roma 9:33

khwatsi hi lezi ku tsalilweko, ku ngalo: Langutani, nza veka a ribye ga xikhunguvanyiso le Zioni, A ribye legi gi ta nga va wisa; Loyi a kholwako ka gona a nga tawa tingana. Tis. 118:22; Isa. 8:14; Mat. 21:42

1 Va le Korinte 1:8

loyi a ta nga mu tiyisa kala magumeso, lezaku mu kumeka na mu nga hi na kusoleka a sikwini ga Hosi ya hina Jesu Kristu. 1 Tes. 5:23; 2 Tes. 3:3

1 Va le Korinte 3:13

a ntiro wa munwe ni munwani wu ta wonekeliswa kubaseni, hakuva a Siku lego gi ta wu kombisa, wu ta wonekeliswa hi nzilo; a nzilo wu ta hlola a ntiro wa munwe ni munwani lezaku ngwa lixaka muni. 1 Ped. 1:7

Va le Filipi 1:20

hi kulangutela ni kutsumba ka mina lezaku nzi nga ta chelwa tingana ha nchumu, kanilezi Kristu i ta dumisiwa mirini wa mina hi kutiya kontlhe, makunu khwatsi hi zikhati za kale, kutani hi kuhanya, kutani hi kufa. Rom. 5:5

Va le Filipi 3:10

Hakuva nzi ranza ku tiva yena, ni ntamu wa kuvuka kakwe, ni ku hlengela kuxaniseka kakwe, nzi mu ringanyeta kufeni kakwe; 1 Ped. 4:13

Va le Filipi 3:21

Loyi a ta nga hunzula luswa a xiyimo xa miri wa hina wa kukoramiswa, kasi wu fanana ni miri wakwe wa kungangamela, hi ntamu lowu ha wona a zi kotako ku ti vekela zilo zontlhe lahasi kakwe. Isa. 63:1; Mat. 17:2; 1 Kor. 15:43; Efe. 1:19; Maheb. 7:25

Va le Filipi 3:8

Ina, nza alakanya zilo zontlhe kulahlekelwa hi kota ya kusaseka ka ku tiva Kristu Jesu a Hosi ya mina; hakuva nzi lahlekelwe hi zilo zontlhe hi kota ya yena, nzi zi alakanya lezaku i chaka, kasi nzi fela ku bhinzula Kristu, Joh. 17:3; 1 Kor. 2:2

1 Va le Tesalonika 2:16

va hi tsimbetela a ku kanela ka vamatiko, lezaku va fela ku hanyiswa; lezo va tatisa xontlhe xikhati a lipimo la zionho zabye. Kanilezi a khulo ga Nungungulu gi va putsuketele magumo. Gen. 15:16; Mat. 24:6; Miti. 13:50; 14:19; 17:5; 22:21; Lu. 11:52

1 Va le Tesalonika 5:4

Kanilezi nwina, vamakabye, a mu le munyameni, ko kala lego siku gi mu juma khwatsi i khamba. 1 Joh. 2:8

1 Timote 6:20

O Timote, gonga lezi zi vekilweko ka wena, u ala a kubyabyatsa ka hava ni kukanetana loku ku vitanwako aku wutlhari na gi nga hi gona;

2 Timote 1:14

A xilo xi nene lexi xi vekilweko ka wena, xi hlayise hi Moya wa ku Basa lowu wu tshamako ka hina.

2 Timote 1:16

Ngha na Hosi yiva ni wuxinji ka yindlu ya Oniseferusi; hakuva i nzi tangalisile zikhati zinyingi, i wa nga hi na tingana hi kota ya makhotso ya mina. Mat. 5:7; File. 7

2 Timote 1:18

Ngha Hosi yi mu vumela lezaku a kuma wuxinji mahlweni ka Hosi a ka siku lego. Lezi a nga nzi vuna ha zona le Efesusi, wena wa zi tiva khwatsi Mat. 25:34; 2 Tes. 1:10; Maheb. 6:10

2 Timote 1:8

Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, Mar. 8:38; Rom. 1:16

2 Timote 2:9

Leyi nzi zwako zikarato ha yona kala nziva makhotsweni khwatsi hi xigohi; kanilezi a mhaka ya Nungungulu a yi na ku bohiwa.

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

Titusi 3:8

Gi tsumbekile a gezu legi; nza ranza lezaku u tiyisa hi ntamu a timhaka leti, lezaku lava va kholwako va pinyamela a mitiro yo saseka. Lezi zilo zi nene, za vuna ka vanhu.

Maheberu 12:2

na hi kari hi cuwuka ka Jesu a muvangi ni mumbhelelisi wa kukholwa ka hina, loyi hi kota ya kutsaka loku a nga vekelwe kona a nga timisela a xihambano, a nga khatali hi tingana ta xona; kanilezi makunu i tshamile hi tlhelo ga xinene ga xitshamu xa wuhosi xa Nungungulu. Tis. 110:1; Lu. 24:26

Maheberu 2:18

Hakuva lezi yena wutsumbu a nga xaniseka a ringwa, wa zi kota ku vunetela lava va ringiwako.

Maheberu 7:25

Hi kota ya lezo i na ni ntamu wa ku hanyisa hi kumbheleleko vona lava va tshinelako ka Nungungulu ha yena, hakuva wa hanya xontlhe xikhati kasi ku va kombelela.

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

1 Pedro 4:16

Kanilezi loku munhu a xaniseka hilezi a nga muKristu, ngha a nga telwi hi tingana; kanilezi a dumise Nungungulu vitweni legi; Miti. 5:41

1 Pedro 4:19

Hikwalaho lava va xanisekako hi kuranza ka Nungungulu, a va nyikele a mihefemulo yabye ka Muvangi a tsumbekileko, na va kari va maha lezi zi sasekileko. Tis. 31:5; Lu. 23:46

Juda 1:24

Makunu loyi a nga ni ntamu wo mu hlayisa kasi mu nga khunguvanyeki, a mu yimisa na mu nga hi na nanzu mahlweni ka kungangamela kakwe na mu kari mu tsaka, Efe. 3:20; Kol. 1:22