2 Tihosi 11:18 - Tshwa Bible

¹⁸ A vanhu vontlhe va tiko va loya ndlwini ya Baali va ya yi khungumulela, va fayetela maalati yakwe, ni zifananiso zakwe, va daya Matani a mupristi wa Baali mahlweni ka maalati. Zonake a mupristi i lo yimisa a vahlayisi va yindlu ya Jehova.

2 Tihosi 11:18 Mawu Ofanana

1 Tihosi 18:40

Zonake Elija i te ngalo kabye: Khomani vaprofeti va Baali, ku nga poni ni munwe! Va lo va khoma. Zonake Elija i lo relela navo le xicongwaneni xa Kixoni, a ya va daya leyo. Deut. 11:5; 18:20

2 Tihosi 10:21

Jehu i lo rumela a hungu lomu tikweni gontlhe ga ka Israeli, ga ku vitanisa vakhozeli va Baali; va lota, ku nga sali hambu ni munwe, va ta enghena lomu ndlwini ya Baali, yi tala nguvu.

2 Tihosi 10:25

Laha na va mbhetile ku nyikela muphahlelo wa kuhiswa, Jehu i te ngalo ka tinhenha ni ka tinduna: Enghenani mu va daya vontlhe! Ku nga poni ni munwe! A tinduna ni tinhenha ti lo va daya ti va hoxa lahandle, va suka vaya mutini wa yindlu ya Baali.

2 Tihosi 10:26

Va lo humesela zifananiso lomu ndlwini ya Baali va zi hisa.

2 Tihosi 10:27

Va lo khungumula a xifananiso xa Baali, va khungumula a yindlu ya Baali va maha a tala ha yona kala nyamutlha.

2 Tihosi 18:4

I lo susa a matshamu ma tlakukileko, a fayetela a zifananiso, a khungumulela a zifananiso za Axtarte, a fayetela ni nyoka ya suku leyi yi nga wa mahilwe hi Mosi; hakuva kala masikwini lawo a vanana va ka Israeli va wa hisa tibani mahlweni ka yona; yena i lo yi chula vito ga Nehuxtani. Ekso. 34:13; Mitse. 21:9; Deut. 7:5

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

2 Tihosi 23:14

I lo fayetela a zifananiso, a tsemelela ni zifananiso za Axtarte, a tata wutshamu ga zona hi marambu ya vanhu. Ekso. 34:13; Deut. 7:5

2 Tihosi 23:20

I lo daya vontlhe vapristi lomu maalatini, lava va nga wa hi kona, a hisa marambu yabye hehla ka maalati; zonake i lo tlhelela Jerusalema.

2 Kronekele 21:17

Va lo kanziha vata tikweni ga ka Juda va ta enghena va phanga gontlhe wukosi legi gi nga wa hi ndlwini ya hosi; va teka ni vanana vakwe ni vasati vakwe, ku nga sali ni mufana munwe ahandle ka Jehoahaza a nzisana va vana vakwe.

2 Kronekele 34:4

Va lo khungumula maalati ya Baali mahlweni yakwe, va fayetela ni mifananiso ya gambo leyi yi nga wa hi hehla ka wona, a fayetela ni zifananiso za Axtarte, ni zifananiso zi vatlilweko ni lezi zi wumbilweko, a zi maha tsutsungwani a wu xwanyela lomu zilahleni za lava va nga wa zi khozela.

2 Kronekele 34:7

a fayetela zifananiso za Axtarte, ni zifananiso zi vatlilweko a zi maha tsutsungwani, a tsema zifananiso za gambo lomu tikweni gontlhe ga ka Israeli; zonake i lo tlhelela Jerusalema.

Eksodusi 32:20

Zonake i lo teka a role legi va gi mahileko, a gi hisa hi nzilo, a gi sila gi maha mapa, a chela matini a nwisa a vanana va ka Israeli.

Isaya 2:18

A zifananiso zi ta fuviswa bhi!

Deuteronome 12:2

Mu taya lovisa maku bhi wontihe matshamu lawo a vanhu lava mu yako ku ya va khozisa, va nga wa khozela vanungungulu vabye kona, lomu ka zitsunga zi tlakukileko, ni lomu ka zitsungana, ni lomu hasi ka tontlhe tisinya to nyuka;

Deuteronome 12:3

mu ta hahlula maganzelo yabye, mu khungumulela timhinga tabye, mu hisa zifananiso zabye za Axtarte, mu tsemelela zifananiso za lezi zi vatlilweko za vanungungulu vabye, mu fuvisa mavito ya zona matshanwini ya zona.

Deuteronome 13:10

U ta mu gandla hi maribye kala afa; hakuva yena i wa lava ku ku kokela kule na Jehova Nungungulu wa wena, loyi a ku humesileko tikweni ga le Gipite, ni le ndlwini ya wukhumbi.

Deuteronome 13:5

A muprofeti loye, kutani mulori loye, i ta dawa; hakuva i kucetele vanhu ku hluwuka ka Jehova Nungungulu wa nwina, loyi a mu humesileko tikweni ga le Gipite, a mu tlhatlhisa ndlwini ya wukhumbi; a lava ku mu hambukisa ndleleni ya Jehova Nungungulu wa nwina, leyi a mu leleteleko ku famba ha yona. Hikwalaho mu ta susa lezi zo biha xikari ka nwina.

Deuteronome 13:6

Loku makabye wa wena, loyi a nga nʼwana wa mamani wa wena, kutani i nʼwana wa wena wa mufana, kutani i nhanyana wa wena, kutani i sati wa mbilu ya wena, kutani i nakuloni loyi u mu ranzako hi mbilu yontlhe ya wena, a ku kucetela hi le xihundleni, aku: A hi fambe hi ya khozela vanwani vanungungulu lava wena ni vararu va wena mu nga va tivangiko,

Deuteronome 13:9

Kanilezi u ta mu daya futsi; ni canja ga wena gi ta sangula ku mu gandla, zonake mawoko ya vontlhe vanhu va ta lanzela.