2 Samueli 7:16 - Tshwa Bible

¹⁶ Kanilezi a yindlu ya wena, ni mufumo wa wena zi ta tshama kala kupinzuka mahlweni ka mina. A xitshamu xa wena xa wukosi xi ta su tsonzoma kala kupinzuka.

2 Samueli 7:16 Mawu Ofanana

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

2 Samueli 22:51

Yena i ponisile a hosi yakwe hi kuhanyisa ka hombe, A kombisa wuxinji ka a totilweko wakwe, Ka Davida ni ka pswalo wakwe kala kupinzuka.

2 Samueli 7:13

Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

2 Samueli 7:17

Natani i lo ya hlawutela Davida tontlhe timhaka leto ni muwoniso wontihe lowo.

1 Tihosi 2:4

kasi Jehova a fela ku tatisa a gezu gakwe legi a gi wulileko ka mina, aku: Loku a vanana va wena va ti hlayisa tindleleni tabye, va famba hi zinene mahlweni ka mina hi timbilu tabye tontlhe, ni mihefemulo yabye yontlhe, cima ku nga ta vumaleka a munhu wa yindlu ya wena lomu xitshanweni xa wukosi xa ka Israeli kala kupinzuka.

1 Tihosi 9:5

zinghaho nzi ta tiyisa a xitshamu xa wuhosi xa wena hehla ka va ka Israeli kala kupinzuka, khwatsi hi lezi nzi tsumbisileko a raru wa wena Davida, nziku: Cima ku nga ta vumaleka a munhu wa pswalo wa wena laha ka xitshamu xa wuhosi xa ka Israeli.

2 Tihosi 19:34

Nzi ta wu vikela, nzi wu hlayisela vito ga mina, hi kota ya nanza ga mina Davida.

2 Tihosi 8:19

Hambu lezo, Jehova a nga lavangi ku lovisa Juda, hi kota ya nanza gakwe Davida, khwatsi hi lezi a nga wa mu tsumbisile lezaku i ta mu nyika a kandiya xikari ka vanana vakwe kala kupinzuka. 2 Sam. 7:13, 16; Mav. 13:9

2 Kronekele 6:16

Jehova Nungungulu wa ka Israeli makunu maha ka dadani wa mina, a nanza ga wena Davida, lezi u mu tsumbisileko zona, uku: Cima ku nga ta vumaleka ni siku ginwe mahlweni ka mina a munhu loyi a ta nga tshama xitshanwini xa wuhosi xa ka Israeli, loku a vana va wena hakunene va hlayisa tindlela tabye, va famba hi milayo ya mina khwatsi hi lezi u fambisileko zona wena mahlweni ka mina.

Joba 36:7

A nga fulareli laʼva lulamileko: Kanilezi i va veka zinwe ni tihosi xitshanwini xa wuhosi; Ina, wa va tshamisa kala kupinzuka, a va kulisa.

Tisimu 45:6

Nungungulu, a xitshamu xa wena xa wuhosi xa kala kupinzuka; A nhonga ya wena ya wuhosi i nhonga ya nongameto. 2 Sam. 7:13, 16; Maheb. 1:8

Tisimu 72:5

Va ta ku chava loku gambo ni hweti za ha hi kona, A ka zizukulwana zontlhe. 2 Sam. 7:13

Tisimu 89:4

Nziku: Nzi ta tiyisa a pswalo wa wena kala kupinzuka, Nzi ta yimisa a xitshamu xa wena xa wuhosi ka zontlhe zizukulwana. (Sela.) 2 Sam. 7:12; Isa. 55:3; Lu. 1:32

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 17:25

zonake ku ta engheniwa hi tinyangwa ta muti lowu, a tihosi ni tihosana ti tshamileko xitshanwini xa wuhosi xa Davida, na ti khilele tikareta ni mahaxi, ti lanzelwa hi tihosana tabye, ni vanhu va ka Juda, ni vaaki va Jerusalema; ni muti lowu wu tava ni vanhu kala kupinzuka.

Jeremia 33:17

Hakuva Jehova i ngalo: Davida cima a nga ta vumala munhu a tshamako xitshanwini xa wuhosi xa yindlu ya Israeli; 2 Sam. 7:16; 1 Tih. 2:4; 8:25

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Danieli 2:44

A masikwini ya tihosi leto, Nungungulu wa le tilweni i ta vuxa a mufumo wu to kala wu nga lobyiswi, ni wuhosi ga wona cima gi nga ta nyikelwa ka ginwani tiko. Wu ta panza wu lovisa yontlhe mifumo leyi, wona wu ku tsonzoma kala kupinzuka. Mika 4:7; Lu. 1:33; 1 Kor. 15:24

Danieli 7:14

I lo nyikwa kufuma, ni wukosi, ni mufumo, kasi a va matiko wontihe ni tixaka ni tirimi va fela ku mu tirela. A kufuma kakwe ka simasima, ku nga ta hunza, ni mufumo wakwe cima wu nga ta mbhetiswa. Lu. 1:33; Maheb. 1:8

Mateu 16:18

Na mina nziku ka wena: Wena u Pedro, a hehla ka ribye legi nzi ta aka handla ga mina; a tinyangwa ta Hayidesi ti nga ta gi hluta. Joh. 1:42; Efe. 2:20; Kuv. 21:14

Johani 12:34

A xidlemo xi lo mu hlamula, xiku: Hi zwile nayweni lezaku Kristu i ta tshama kala kupinzuka; hi yini u wulako uku: A Nʼwana wa munhu i yimelwe hi ku tlakuswa ke? Hi mani yena Nʼwana loye wa munhu ke? Isa. 53:8; Ezek. 37:25; Dan. 2:44

Maheberu 1:8

Kanilezi hi Nʼwana i ngalo: Nungungulu, a xitshamu xa wena xa wuhosi xa kala kupinzuka, A nhonga ya wena ya wuhosi i nhonga ya nongameto. Tis. 45:6, 7

Kuvululelwa 11:15

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka. Isa. 27:13; Dan. 2:44

1 Samueli 25:28

Tsetselela a nanza ga wena ka nanzu lowu, hakuva Jehova i ta tiyisa futsi a yindlu ya hosi ya mina, hakuva a hosi ya mina yilwa a yimpi ya ka Jehova, cima ni kubiha ku nga ta kumiwa ka wena ka wontihe masiku ya wena.