2 Samueli 7:12 - Tshwa Bible

¹² Loku masiku ya wena ma mbhelile, na u etlele ka vararu va wena, mina nzi ta yimisa a nʼwana wa wena a nzhako ka wena, loyi a ta nga huma xiwunwini xa wena, nzi tiyisa mufumo wakwe.

2 Samueli 7:12 Mawu Ofanana

Genesisi 15:4

Zonake a gezu ga Jehova gi lota, giku: Loye a nga ta kuva mugi wa tshomba ya wena; kanilezi loyi a ta nga belekwa hi wena, hi yena a ta ngava mugi wa tshomba ya wena.

2 Samueli 22:51

Yena i ponisile a hosi yakwe hi kuhanyisa ka hombe, A kombisa wuxinji ka a totilweko wakwe, Ka Davida ni ka pswalo wakwe kala kupinzuka.

1 Tihosi 1:21

Xinwani xikhati laha wena hosi yanga u ta nga etlela zinwe ni vadadani va wena mina ni nʼwana wa mina Solomoni hi ta hlayiwa lezaku hi vaonhi.

1 Tihosi 1:48

Ni kambe a hosi yi te ngalo: A ku dzunziwe Jehova Nungungulu wa ka Israeli, loyi inyamutlha a nyikileko a munhu loyi ku tshama xitshanweni xa mina xa wuhosi, na nzi mu wona hi mahlo ya mina!

1 Tihosi 2:1

Makunu laha masiku ya kufa ka Davida ma nga wa tshinele, i lo leletela nʼwana wakwe Solomoni, aku:

1 Tihosi 2:10

Davida i lo etlela zinwe ni vararu vakwe, a lahliwa le mutini wa Davida. 2 Sam. 5:7; Miti. 2:29; 13:36

1 Tihosi 2:4

kasi Jehova a fela ku tatisa a gezu gakwe legi a gi wulileko ka mina, aku: Loku a vanana va wena va ti hlayisa tindleleni tabye, va famba hi zinene mahlweni ka mina hi timbilu tabye tontlhe, ni mihefemulo yabye yontlhe, cima ku nga ta vumaleka a munhu wa yindlu ya wena lomu xitshanweni xa wukosi xa ka Israeli kala kupinzuka.

1 Tihosi 5:5

Makunu languta, mina nzi lava ku akela a vito ga Jehova Nungungulu wa mina a yindlu, khwatsi hi lezi Jehova a wulileko ka dadani wa mina Davida, aku: A nʼwana wa wena loyi nzi ta nga mu yimisa xitshanwini xa wena xa wukosi, hi yena a ta nga akela a vito ga mina a yindlu.

1 Tihosi 8:15

Yena i te ngalo: A ku dumiswe Jehova Nungungulu wa ka Israeli, loyi a tatisileko hi canja gakwe, lezi a nga zi wulawula hi nomu wakwe ka dadani Davida, aku:

1 Tihosi 8:19

Hambu zi hi tano a hi wena u ta nga aka yindlu leyo; kanilezi ku tava nʼwana wa wena a humako xiwunwini xa wena, hi yena a ta nga nzi akela yindlu.

1 Tihosi 8:20

Kunene, Jehova i tatisile a gezu gakwe; mina nzi tshamile xitshanwini xa wuhosi xa ka Israeli xikhundleni xa dadani, khwatsi hi lezi Jehova a wulileko, ni kambe nzi akile a yindlu leyi yi lumbako a vito ga Jehova Nungungulu wa ka Israeli.

1 Tihosi 9:5

zinghaho nzi ta tiyisa a xitshamu xa wuhosi xa wena hehla ka va ka Israeli kala kupinzuka, khwatsi hi lezi nzi tsumbisileko a raru wa wena Davida, nziku: Cima ku nga ta vumaleka a munhu wa pswalo wa wena laha ka xitshamu xa wuhosi xa ka Israeli.

2 Tihosi 8:19

Hambu lezo, Jehova a nga lavangi ku lovisa Juda, hi kota ya nanza gakwe Davida, khwatsi hi lezi a nga wa mu tsumbisile lezaku i ta mu nyika a kandiya xikari ka vanana vakwe kala kupinzuka. 2 Sam. 7:13, 16; Mav. 13:9

1 Kronekele 17:11

A xikhati lexi a masiku ya wena ma ta nga tatiseka, na u famba ka vararu va wena, zonake nzi ta yimisa a mbewu ya wena, a munwe wa vana va wena, nzi tiyisa a mufumo wa yena.

2 Kronekele 1:9

Makunu, Jehova Nungungulu, a xitsumbiso xa wena ka dadani wa mina Davida a xi tatiseke, hakuva u nzi yimisile a kuva hosi ya vanhu va teleko ku kotisa a tshuri wa misava. Gen. 13:16

2 Kronekele 13:5

Kasi nwina a mu zi tivi lezaku Jehova Nungungulu wa ka Israeli i nyikele a mufumo wa ka Israeli ka Davida ni vana vakwe hi xivumelwano xi tiyileko kala kupinzuka ke? Mitse. 18:19

2 Kronekele 21:7

Hambu lezo Jehova a nga ranzangi ku lovisa a yindlu ya Davida, hi kota ya xivumelwano lexi a xi mahileko naye, ni mhaka leyi a nga yi wula aku i ta mu nyika, yena ni vanana vakwe, a kandiya kala kupinzuka.

2 Kronekele 23:3

Wontihe tlhangano wu lo maha xivumelwano ni hosi lomu ndlwini ya Nungungulu. Jehoiada i te ngalo kabye: Hi loyi nʼwana wa hosi, loyi a faneleko ku fuma, khwatsi hi lezi Jehova a wulileko xungetano hi vana va Davida.

2 Kronekele 6:15

hakuva lezi u zi tsumbisileko ka dadani wa mina, a nanza ga wena Davida, u zi mahile; u wulawulile hi nomu wa wena, zonake u zi tatisa hi canja ga wena nyamutlha.

2 Kronekele 6:9

Kanilezi a hi wena u ta nga aka a yindlu leyo, hi nʼwana wa wena loyi a humileko hi lomu xiwunwini xa wena, a ta nga aka a yindlu yi lumbako a vito ga mina.

Tisimu 89:29

Nzi ta maha lixaka lakwe li simamisa kala kupinzuka, Ni xitshamu xakwe xa wuhosi khwatsi hi masiku ya tilo.

Isaya 11:10

Masikwini lawo ku tava kona a ximilwa mutswini wa ka Jese, lexi a matiko ma ta nga yimiselwa khwatsi i nghapa; a vamatiko va ta mu lava, ni wuhumulelo gakwe gi ta ngangamela. Rom. 15:12; Kuv. 5:5

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 33:17

Hakuva Jehova i ngalo: Davida cima a nga ta vumala munhu a tshamako xitshanwini xa wuhosi xa yindlu ya Israeli; 2 Sam. 7:16; 1 Tih. 2:4; 8:25

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Mateu 1:1

A bhuku ga lixaka la Jesu Kristu, a nʼwana Davida, wa Abrahama. Tis. 132:1; Isa. 11:1; Lu. 3:23

Luka 1:32

I tava wa hombe, i ta vitanwa aku Nʼwana wa loyi a nga Hehla-Hehla; Hosi Nungungulu i ta mu nyika a xitshamu xa wuhosi xa Davida raru wakwe. 2 Sam. 7:11; Tis. 132:11; Isa. 9:6, 7; Jer. 23:5

Luka 24:27

Zonake i lo sangula hi ka Mosi, ni vaprofeti vontlhe, a va tlhamusela hi ka mitsalo yontlhe a timhaka leti ti kuengetilweko yena. Vesi 45; Gen. 3:16; Isa. 7:14

Mitiro 13:36

Hakuva anzhako ka kuva Davida a tirile a khungo ga Nungungulu xizukulwaneni xakwe, i lo etlela, a lahliwa zinwe ni vakoko vakwe, a wona kubola;

Mitiro 2:30

Makunu lezi a nga hi muprofeti, na a zi tiva lezaku Nungungulu i wa hlambanyile ka yena hi xifungo, lezaku i ta veka munwe wa lixaka lakwe laha xitshanwini xakwe xa wuhosi; 2 Sam. 7:13; Tis. 132:11; Lu. 1:32; Rom. 1:3

1 Va le Korinte 15:51

Langutani, nza mu byela fihlakalo waku ngalo: Hi nga ta etlela hontlhe, kanilezi hina hontlhe hi ta hunzuluswa xiyimo Fil. 3:21; 1 Tes. 4:15

Deuteronome 31:16

Jehova i te ngalo ka Mosi: Wena U ta etlela zinwe ni vararu va wena; kanilezi lava vanhu va ta ya hlakana hi wuoswi ni vanwani vanungungulu va tiko lego va yako ka gona; va ta nzi tsika va hambunyeta xivumelwano lexi nzi mahileko zinwe na vona.

1 Va le Tesalonika 4:14

Hakuva loku hi kholwa lezaku Jesu i lofa a tlhela a vuka, hizalezo ni lava va etleleko, Nungungulu i ta va vuxa ha Jesu, a va wuyisa zinwe naye. 1 Kor. 15:13