2 Samueli 7:11 - Tshwa Bible

¹¹ Kusukela siku lego nzi nga yimisa valamuli hehla ka vanhu va mina, va ka Israeli. Nzi ku nyikile kuhumula ka vontlhe valala va wena. Tlhatakumbiri Jehova i ku tivisa lezaku yena i ta ku mahela yindlu.

2 Samueli 7:11 Mawu Ofanana

2 Samueli 7:1

Laha a hosi yi nga wa tshamile lomu ndlwini ya yona, Jehova na mu nyikile xikhati xo humula xikari ka valala vakwe lava va nga wa mu ranzele,

2 Samueli 7:19

Na kona xi wa hi xilo xitsongwani mahlweni ka wena Hosi Jehova. Kanilezi wena u wulawulile hi yindlu ya nanza ga wena ni ka xikhati xa ha tako. O Hosi Jehova, xana lexo xileletelo xa vanhu ke?

2 Samueli 7:27

Hakuva wena Jehova wa tiyimpi, Nungungulu wa ka Israeli, u tivisile a nanza ga wena, uku: Nzi ta ku akela a yindlu. Hikwalaho a nanza ga wena gi tiyile mbilu gi khongela a mukombelo lowu.

1 Tihosi 11:38

Loku u ingisa zontlhe lezi nzi ta nga ku leletela zona, u famba hi tindlela ta mina, u maha kululama mahlweni ka mina, ni ku hlayisa milayo ya mina ni zileletelo za mina, khwatsi hi lezi a nanza ga mina Davida a nga wa maha, mina nzi tava zinwe na wena; nzi ta ku akela a yindlu yi tiyileko khwatsi hi lezi nzi akeleko Davida, ni kuva nzi ku nyika Israeli.

1 Tihosi 2:24

Makunu khwatsi hi lezi Jehova a hanyako, loyi a nga nzi yimisa ni ku nzi veka xitshanwini xa wukosi xa dadani wa mina Davida, a nzi mahela a yindlu khwatsi hi lezi a wulileko! Hakunene Adonija i ta dawa inyamutlha.

1 Kronekele 17:10

a xikhatini lexo nzi nga wa yimisile a valamuli hehla ka vanhu va mina, a va ka Israeli, Nzi khozisile vontlhe valala va wena; makunu nzi ku tivisa lezaku Jehova i ta ku akela a yindlu,

1 Kronekele 22:10

Hi yena a ta nga aka a yindlu yi lumbako a vito ga mina; i tava nʼwana wa mina, na mina nzi tava raru wakwe. Nzi ta yimisa a xitshamu xakwe xa wuhosi hehla ka va ka Israeli kala kupinzuka. 1 Tih. 5:5; Tis. 89:27; Maheb. 1:5

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Tisimu 106:42

A valala vabye va lo va tsimbeketa, Va tsongahatiwa canjeni gabye.

Tisimu 127:1

Loku Jehova a nga aki yindlu, Va tirela mahala lava va yi akako; Loku Jehova a nga hlayisi muti, A varinzeli va lavelela mahala. 1 Kor. 3:7

Tisimu 46:9

Yena i maha a tiyimpi ti khawula kala magumelweni ya misava, Wa tshova wura, ni ku tsema tlhari gi pulakanyeka; A hisa tikareta nzilweni.

Eksodusi 1:21

Hikwalaho, hi kota ya lezi a masungukati ma nga chava Nungungulu, Nungungulu i lo katekisa a tiyindlu tabye.

Mavingu 14:1

A wasati loyi a tlharihileko wa ti akela yindlu yakwe; anilezi a xipumbu xi yi hahlula hi mandla ya xona.

Maheberu 11:33

lava va nga hlula matiko hi kukholwa, va lamula hi kululama, va kuma lezi va tsumbisilweko zona, va vala milomu ya tinghala, Dan. 6:22

1 Samueli 2:35

Mina nzi ta ti yimisela a mupristi a tsumbekileko, loyi a ta nga maha zontlhe za kuranza ka mbilu ya mina ni muhefemulo wa mina; nzi ta mu akela a yindlu yi tiyileko, zonake i ta famba mahlweni ka a totilweko wa mina kala kupinzuka.

1 Samueli 25:28

Tsetselela a nanza ga wena ka nanzu lowu, hakuva Jehova i ta tiyisa futsi a yindlu ya hosi ya mina, hakuva a hosi ya mina yilwa a yimpi ya ka Jehova, cima ni kubiha ku nga ta kumiwa ka wena ka wontihe masiku ya wena.