2 Samueli 5:3 - Tshwa Bible

³ Zinghaho wontihe masingalakati ya va ka Israeli ma loya hosini le Hebroni, zonake hosi Davida i lo maha navo xivumelwano le Hebroni mahlweni ka Jehova; va lo wumbela Davida a kuva hosi hehla ka va ka Israeli.

2 Samueli 5:3 Mawu Ofanana

2 Samueli 2:4

A vavanuna va ka Juda va lota laho va ta tota Davida a kuva hosi hehla ka yindlu ya ka Juda. Zonake va lo byela Davida, vaku: A vanhu va le Jebexe-Gileade hi vona va nga lahla Saule.

2 Samueli 2:7

Makunu lezi, ngha canja ga nwina gi hi ni ntamu, muva tinhenha; hakuva Saule a hosi ya nwina i file, ni yindlu ya ka Juda yi nzi wumbele a kuva hosi hehla ka yona.

2 Samueli 3:21

Zonake Abneri i te ngalo ka Davida: Nzi ta famba nzi ya tsombanyisa vontlhe va ka Israeli ka hosi ya mina, kasi va fela ku maha xivumelwano na wena, kasi wena wa fela ku fumela kontlhe lomu u ku xuvako. Davida i lo salisana na Abneri, a mu fambisa hi kurula.

1 Tihosi 1:34

Mupristi Zadoke, na muprofeti Natani ngha va mu wumbela a kuva hosi hehla ka Israeli. Zonake muba mpunzu, muku: Hosi Solomoni, hanya kala kupinzuka!

2 Tihosi 11:17

Jehoiada i lo maha xivumelwano xikari ka Jehova ni hosi ni vanhu, lezaku vona va tava vanhu va Jehova, a maha kambe xikari ka hosi ni vanhu.

1 Kronekele 11:1

Zonake vontlhe va ka Israeli va lo tsombana khatiginwe ka Davida le Hebroni, vaku kakwe: Languta, hina hi marambu ya wena ni nyama ya wena.

1 Kronekele 11:3

Zinghaho wontihe masingalakati ya ka Israeli ma lota ka hosi le Hebroni, Davida a maha xivumelwano navo mahlweni ka Jehova, zonake vona va tota Davida a kuva hosi ya va ka Israeli le Hebroni, khwatsi hi lezi Jehova a wulileko hi nomu wa Samueli.

1 Kronekele 28:4

Hambu lezo, Jehova Nungungulu wa ka Israeli i nzi hlawule ndlwini yontlhe ya dadani wa mina, a kuva nzi hi hosi ya ka Israeli kala kupinzuka; hakuva yena i hlawule Juda a kuva hosi. Lomu nyangweni ya ka Juda i hlawule a yindlu ya dadani wa mina. Lomu xikari ka vana va dadani hi mina nzi nga mu tsakisa, a nzi yimisa kuva hosi ya vontlhe va ka Israeli. Gen. 49:8; 1 Sam. 16:1

2 Kronekele 23:16

Jehoiada i lo maha xivumelwano xikari kakwe ni vanhu ni hosi, lezaku vona va tava vanhu va Jehova.

Nehemia 9:38

Hikwalaho ka zontlhe lezo, ha maha xivumelwano xi tiyileko, hi ku xi tsala; a tihosana ta hina, ni vaLevi va hina, ni vapristi va hina va xi tiyisa.

Eksodusi 3:16

Famba u ya tsombanyisa a masingalakati ya ka Israeli, uku ka wona: Jehova, Nungungulu wa vararu va nwina, Nungungulu wa Abrahama, ni Nungungulu wa Isaka, ni Nungungulu wa Jakobe, i wonekile ka mina, aku: Hakunene nzi mu enzele, nzi wonile lezi a vaGipite va zi mahako ka nwina.

Joxua 10:36

Zonake Joxua ni vontlhe va ka Israeli va lo suka le Egloni vaya le Hebroni va yalwa nawo.

Valamuli 11:11

Zonake Jefta i lo famba zinwe ni masingalakati ya le Gileade; a vanhu va lo mu yimisa ku maha hosi ni murangeli wabye. Jefta i lo wulawula tontlhe timhaka takwe mahlweni ka Jehova le Mizpa.

1 Samueli 11:15

Zonake a vanhu vontlhe va loya le Gilgali; va lo ya yimisa Saule a ku maha hosi mahlweni ka Jehova le Gilgali. Va lo nyikela miphahlelo ya kurula mahlweni ka Jehova. Zonake Saule ni vontlhe va ka Israeli va lo tsaka nguvu.

1 Samueli 16:13

Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.

1 Samueli 23:18

Zonake va lo maha xivumelwano hi wumbiri gabye mahlweni ka Jehova. Davida i lo tshama lomu makhwatini, Jonatani yena a famba kaya kakwe.