2 Samueli 5:2 - Tshwa Bible

² Hambu xikhatini xa kale, na Saule a ha fuma, hi wena u nga wa humesa ni ku wuyisa lomu ka Israeli. Jehova i te ngalo ka wena: Hi wena u ta nga risa a vanhu va mina va ka Israeli, uva hosi lomu ka va ka Israeli.

2 Samueli 5:2 Mawu Ofanana

Genesisi 49:24

Kanilezi a wura gakwe gi tshamile gi tiyile; Mawoko ni mandla yakwe zi tiyisilwe Hi mandla ya Nyamintamu wa Jakobe, Loyi a nga Murisi tlhelo Ribye ga Israeli.

2 Samueli 6:21

Davida i te ngalo ka Mikali; Mina nzi wa kina mahlweni ka Jehova loyi a nzi hlawulileko wutshanwini ga raru wa wena ni yontlhe yindlu yakwe, a nzi yimisa a ku rangela a vanhu va Jehova, va nga va ka Israeli.

2 Samueli 7:7

Kontlhe lomu nzi nga fambafamba ni va ka Israeli, kasi nzi na nga wula ni gezu ginwe ka linwe la tixaka ta ka Israeli leti nzi ti rumileko a ku risa vanhu va mina, va nga va ka Israeli; nziku: Hi yini mu nga nzi akeliko a yindlu ya sedare ke?

2 Samueli 7:8

Hikwalaho u ta mu byela lezo Davida, a nanza ga mina, uku; Jehova wa tiyimpi i ngalo: Mina nzi ku tekile lomu wuriselweni, ni xikari ka tiyivu kasi wena u fela ku maha murangeli wa vanhu va mina, va nga vona va ka Israeli.

2 Tihosi 20:5

Tlhela uya ka Hezekia, a murangeli wa vanhu va mina, u yaku kakwe: Jehova Nungungulu wa dadani wa wena Davida, i ngalo: Nzi zwile mukhongelo wa wena, nzi wonile mihloti ya wena; nzi ta ku hanyisa. Hi siku ga wunharu u ta kanziha uta ndlwini ya Jehova.

1 Kronekele 11:2

A zikhatini zi hunzileko, na ka ha fuma Saule, ku wa hi wena u nga rangela Israeli. Na Jehova Nungungulu wa wena i ku byelile, aku: Hi wena u ta nga risa a vanhu va mina uva murangeli vabye, va ka Israeli. 1 Sam. 13:14; 18:5

2 Kronekele 1:10

Makunu nzi nyike a wutlhari ni kupima, kasi nza fela ku tiva ku maha murangeli wa lava vanhu; hakuva hi mani a nga zi kotako ku lamula a vanhu va wena va ku tatisa lezi ke?

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Isaya 55:4

Langutani, nzi mu yimisile a kuva mboni ka vamatiko, A hosana ni murangeli wa matiko.

Ezekieli 34:23

Nzi ta yimisa murisi munwe hehla ka tona, i ta ti risa, yena a nanza ga mina Davida; i ta ti risa, ava murisi wa tona. Joh. 10:11; Maheb. 13:20; 1 Ped. 2:25

Mika 5:4

I ta yima a gisa a tlhambi hi ntamu wa Jehova, ni wukulu ga vito ga Jehova a Nungungulu wakwe. Va ta aka hi kurula, hakuva lezo i tava wa hombe kala magemetamusi ya misava.

Mitsengo 27:17

loyi a ta nga va rangela mahlweni kuhumeni kabye, ni ku va rangela kuengheneni kabye, loyi a ta nga va humesa ni ku va enghenisa; kasi a tlhangano wa Jehova wu nga mahi kota tlhambi lowu wu nga hiko na murisi.

Mateu 2:6

Na wena Betlehema, tiko ga Juda, A ku tsongwanyani xikari ka ti hosana ta ka Juda; Hakuva hi ka wena ku ta huma mufumeli, Loyi a ta nga maha murisi wa vanhu va mina va Israeli. Mika 5:2; Joh. 7:42; Kuv. 2:27

Johani 10:11

Mina nzi murisi nene. A murisi loyi nene i nyikela kuhanya kakwe hi kota ya tiyivu. Isa. 40:11; Ezek. 34:12, 23

Maheberu 2:10

Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36

1 Samueli 13:14

Kanilezi makunu a mufumo wa wena cima wu nga ta simamisa, Jehova i ti lavele munwani munhu loyi yena a mu ranzako. I ta mu yimisa a kuva hosi hehla ka vanhu vakwe, hakuva wena a ku hlayisangi lezi Jehova a ku leleteleko zona. Tis. 89:20; Miti. 13:22

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

1 Samueli 18:13

Zinghaho Saule i lo mu susa, a nga ha tshami kusuhani kakwe, a mu maha a nduna ya hombe yimpini yakwe; hilezo Davida i lo maha murangeli wa vanhu.

1 Samueli 18:16

Kanilezi vontlhe va ka Israeli ni vontlhe vaJuda va wa ranza Davida hilezi a nga hi murangeli wabye.

1 Samueli 18:5

Davida i wa humahuma aya kontlhe lomu a nga wa rumiwa hi Saule, na a hi munhu wo ti lonzowota. Saule i lo mu yimisa a kuva nduna ya vanhu va yimpi. I lo xalalisa vontlhe vanhu, hambu ni malanza ya Saule.

1 Samueli 25:28

Tsetselela a nanza ga wena ka nanzu lowu, hakuva Jehova i ta tiyisa futsi a yindlu ya hosi ya mina, hakuva a hosi ya mina yilwa a yimpi ya ka Jehova, cima ni kubiha ku nga ta kumiwa ka wena ka wontihe masiku ya wena.

1 Samueli 25:30

Loku Jehova a mahele hosi ya mina lezi zo saseka a zi wulileko xungetano na wena, ni loku a ku yimisile a kuva hosi ya ka Israeli,

1 Samueli 9:16

Manziko hi xwalexi xikhati nzi ta ku rumela a munhu wa le tikweni ga ka Benjamini u ta mu tota kasi a fela ku maha murangeli wa vanhu va mina va ka Israeli; i ta tlhatlhisa a vanhu va mina mandleni ya vaFilistia. Hakuva nzi zwile kurila ka vanhu va mina. Ekso. 3:9