2 Samueli 5:10 - Tshwa Bible

¹⁰ Davida i lo enzeleka a kula, na Jehova Nungungulu wa tiyimpi a hi zinwe naye.

2 Samueli 5:10 Mawu Ofanana

Genesisi 21:22

Zonake hi lexo xikhati Abimeleki na Fikole a nduna ya yimpi yakwe, va lo wulawula ka Abrahama, vaku: Nungungulu i na wena ka zontlhe lezo u zi mahako.

2 Samueli 3:1

Makunu ku wa hi kona a yimpi a xikhati xo leha xikari ka yindlu ya Saule ni yindlu ya Davida, kanilezi Davida i lo simama a anza hi ntamu, kasike a yindlu ya Saule yi lo simama yi tlhelela nzhako.

2 Samueli 7:9

Na mina nzi wa hi na wena kontlhe lomu u nga wa famba kona; nzi hetile vontlhe valala va wena mahlweni ka wena, nzi ku maha uva ni vito ga hombe, khwatsi hi mavito ya vahombe va nga laha misaveni.

2 Samueli 8:14

Zonake i lo veka mabutho ya tiyimpi ka wontihe matiko ya ka Edomi, ni vontlhe vaEdomi va lo maha malanza ya Davida. Zinghaho Jehova i lo vunetela Davida a ku hlula ni kwihi laha a yako kona. Mitse. 24:18; 2 Tih. 8:20

2 Samueli 8:6

Zonake Davida i lo veka mabutho ya tiyimpi takwe a ku hlayisa le Siria wa le Damasku; zonake a maSiria ma lo maha malanza ya Davida, va luva kakwe. Zinghaho Jehova i lo vunetela Davida ni kwihi laha a yako kona.

Joba 17:9

Kasike loyi a lulamileko i ta khomelela ndleleni yakwe; Ni loyi a mandla ya yena ma basileko i ta enzeleka a tiya mbilu.

Tisimu 24:10

Himani a Hosi leyi ya kungangamela ke? Hi Jehova wa tiyimpi; Hi yena a Hosi ya kungangamela. (Sela.)

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Tisimu 46:7

Jehova wa tiyimpi i na hina, Nungungulu wa Jakobe wuchavelo ga hina. (Sela.) Rom. 8:31

Mavingu 4:18

Kanilezi a ndlela ya valulamileko yi kotisa kuwonekela ka mixo, oku ku enzelekako kala a hlikanhi wu mbhelela.

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Hagai 2:4

Hambulezo tiyisa, Zerubabeli, ku wula Jehova; tiyisa na wena Joxua nʼwana Jehozadaki, mupristi wa hombe; tiyisani nwina nwentlhe vanhu va tiko, ku wula Jehova, mu tira, hakuva nzi na nwina, ku wula Jehova wa tiyimpi,

Luka 2:52

Jesu i lo enzelekelana hi kutlhariha ni kukula, ni tipswalweni mahlweni ka Nungungulu ni vanhu.

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

1 Samueli 18:12

Zonake Saule i lo chava Davida, hakuva Jehova i wa hi zinwe naye, na tizwa yena wutsumbu a hi kule na Jehova.

1 Samueli 18:14

Davida i lo vuvuma mitirweni yakwe yontlhe, na Jehova i wa hi zinwe naye.

1 Samueli 18:5

Davida i wa humahuma aya kontlhe lomu a nga wa rumiwa hi Saule, na a hi munhu wo ti lonzowota. Saule i lo mu yimisa a kuva nduna ya vanhu va yimpi. I lo xalalisa vontlhe vanhu, hambu ni malanza ya Saule.