2 Samueli 3:35 - Tshwa Bible

³⁵ A vanhu vontlhe va lo ta khongotela Davida lezaku aga zakuga na ka hi hlikanhi; kanilezi Davida i lo hlambanya, aku: Nungungulu a mahe hi ntatau, ni ku engeta ka mina, loku mina nziga zibaba, hambu ni xihi xilo, na gi nga se ku pela gambo!

2 Samueli 3:35 Mawu Ofanana

2 Samueli 1:12

Ya lo rila va hlomula, va yila kala laha gambyeni hi kota ya Saule ni nʼwana wakwe Jonatani, ni vanhu va Jehova, ni yindlu ya ka Israeli, lava va wileko hi supado.

2 Samueli 12:17

A masingalakati ya yindlu yakwe ma lo suka maya kakwe, ma ya mu khongotela lezaku a vuka, kanilezi i lo ala, a nga vumeli ni kuga navo zakuga.

2 Samueli 3:34

A mawoko ya wena ma wa nga bohiwangi, Ni milenge ya wena yi wa nga bohiwangi hi makhotso. Wa so fisa ku khwatsi hi munhu a wako mahlweni ka vanana va vaonhi. A vanhu vontlhe va lo mu hlaluka.

2 Samueli 3:36

A vanhu vontlhe va lo xiyisisa a mhaka leyo, zonake xi lova xilo xo saseka mahlweni ka vona, ni ka zontlhe lezi zi nga wa mahiwa hi hosi, zi wa xalalisa mahlweni ka vanhu vontlhe.

2 Samueli 3:9

Nungungulu a tsayise Abneri loku nzi nga maheli Davida kota lezi Jehova a hlambanyileko kakwe.

1 Kronekele 10:12

tontlhe tinhenha ti lo suka ti ya teka a xirumbi xa Saule ni zirumbi za vana vakwe va zi neha le Jebexe, va ketela marambu yabye lahasi ka nkanyi le Jebexe, va yila ntlhanu wa masiku ni mambiri.

Jeremia 16:7

Kambe a nga kona a to phameliwa wuswa ga xirilo, kasi ku mu miyeta hi kota ya ku felwa; kambe a nga ta hiwa a gombe go mu chavelela hi kota ya raru wakwe kutani nyine wakwe.

Ezekieli 24:17

Hefemuteka na u miyele, u nga mahi xirilo xa loyi a fileko; boha xihuku xa wena, u ambala zilato mikonzweni, u nga fenerigeti xilevu xa wena, u ngagi xibaba xa xirilo. Levi 10:6; 13:45; 2 Sam. 15:30; Mika 3:7

Ezekieli 24:22

Mu ta maha khwatsi hilezi mina nzi zi mahileko: mu nga ta fenengeta a malevu ya nwina, ge hambu a kuga xibaba xa zirilo.

Valamuli 20:23

Va lo kanziha va ya rila mahlweni ka Jehova kala laha gambyeni, na va wutisa, vaku: Hi engeta hi yalwa ni nakulori Benjamini ke? Jehova aku: Kanzihani mu yalwa naye!

Valamuli 20:26

Zonake vontlhe va ka Israeli ni vanhu vontlhe va tiko, va lo kanziha vaya Beteli va ya rila, va tshama mahlweni ka Jehova, va yila siku lego kala gambyeni, va nyikela ka Jehova a miphahlo ya kuhiswa ni ya kurula.

Rute 1:17

Laha u ta nga fela kona, minawu nzi ta fela laho, nzi lahliwa kwalaho. Ngha Jehova a nzi tsayisa nguvu loku nzi vumela a xilo xo kari ku nzi hambanyisa na wena, ahandle ka kufa.

1 Samueli 3:17

Eli aku: Xini a nga ku byela? U nga fihli nchumu ka mina. Nungungulu a mahe lezo ka wena ni ku engeta, loku u nzi fihlela a yinwe ya timhaka leti a ku byelileko!