2 Samueli 3:3 - Tshwa Bible

³ A wa wumbiri hi Kileabe wo pswalwa hi Abigaili a sati wa Nabali a muKarmeli; a wa wunharu hi Absalome a nisanyana wa Maaka nʼwana Talmai, a hosi ya le Gexura.

2 Samueli 3:3 Mawu Ofanana

2 Samueli 13:1

Anzhako ka lezo Absalome nʼwana Davida i wa hi ni makabye wa mbhuri, a vito gakwe a nga hi Tamara. Amnoni nʼwana Davida i lo mu ranza.

2 Samueli 14:23

Zinghaho Joabe i lo suka aya le Gexura a ya teka Absalome a wuya Jerusalema.

2 Samueli 14:24

A hosi yiku: A tshame ndlwini yakwe, a nga woni nghohe ya mina. Zinghaho Absalome i lo tshama ndlwini yakwe, a ngayi ka hosi.

2 Samueli 14:32

Absalome aku ka Joabe: Mina nzi rumele gezu go ku vitanisa, nziku: Ngone nzi ta ku ruma ka hosi, u yaku: Nzi wuyele yini hi le Gexura? Ku wa nga hi chukwana loku nzi wa simamisile nzi tshama leyo ke? Hikwalaho mina nzi lava ku wona a nghohe ya hosi; loku nzi hi ni nanzu, a nzi daye.

2 Samueli 15:7

Makunu laha na ku hunzile mune wa malembe, Absalome i te ngalo ka hosi: Nzi kombela kuya le Hebroni nzi ya tatisa a xifungo xa mina lexi nzi xi mahileko mahlweni ka Jehova.

2 Samueli 15:8

Hakuva a nanza ga wena, a xikhati lexi nzi nga wa tshamile le Gexura, tikweni ga Siria, nzi wa ti bohile hi kuhlambanya, nziku: Loku Jehova a nzi tlhelisa kambe nziya Jerusalema, mina nzi ta mu khozela. Gen. 28:20

2 Samueli 18:33

Zonake a hosi yi lo xaniseka nguvu lomu mbilwini, yi kanziha yiya le ndlwini ya le hehla ka nyangwa, na yi kari yi rila; na a kari a famba, i wa wulawula, aku: Nwananga Absalome! Nwananga Absalome! Ku wa hi chukwana na ku file mina wutshanwini ga wena! Absalome nwananga, nwananga!

2 Samueli 2:2

Hilezo Davida i lo kanziha aya leyo ni vasati vakwe va vambiri, Ahinoame a muJezreeli, na Abigaili a sati wa Nabali a muKarmeli.

1 Tihosi 1:6

A raru wakwe a nga na nga mu kawuka, aku: Hi yini u maha lezo ke? Kanilezi yenawu kambe i wa sasekile nguvu mirini wakwe, na hi nzisana ka Absalome.

1 Tihosi 2:15

Yena aku: Wena wa zi tiva lezaku a mufumo wu wa lumba mina; vontlhe va ka Israeli va wa cuwukele mina lezaku nzi tava hosi; kanilezi a mufumo wu hunzulusilwe wuya ka nakulori, hakuva yena i nyikilwe hi Jehova.

1 Kronekele 3:1

Lava hi vana va Davida lava a nga pswalelwa le Hebroni: A matewula hi Amnoni wo belekwa hi Ahinoame a mu Jezreeli; ku gamela Danieli wo belekwa hi Abigaili a muKarmeli.

1 Kronekele 3:2

A wa wunharu hi Absalome wo belekwa hi Maaka nʼwana Talmai a hosi ya le Gexura; a wa wilmune hi Adonija wo belekwa hi Haggite;

Deuteronome 3:14

Jaira a nʼwana Manasa i lo teka gontlhe a tiko ga Argoba, kala mbhinganwini wa Gexuri ni va ka Maakati, a gi chula a vito gakwe; a miti ya Baxani ni nyamutlha lezi ya ha vitanwa aku i miti ya Jaira.

Joxua 13:13

Kanilezi a vanana va ka Israeli a va khozisangi va ka Gexure ni va ka Makati. Hikwalaho Gexure na Makati va akile xikari ka vaIsraeli kala inyamutlha.

1 Samueli 25:3

A vito ga munhu loye i wa hi Nabali, ni vito ga sati wakwe i wa hi Abigaili. A wasati loye i wa hi ni kupima, na a sasekile; kanilezi a nuna wakwe i wa munhu wa matloti ni tihanyi, na hi wa yindlu ya ka Kalebi.

1 Samueli 25:42

Zonake Abigaili i lo hatlisa ku suka a khilela mbongola, a lanzelwa hi ntlhanu wa vanhanyana. I lo lanzela mitsumi ya Davida, a ya maha sati wakwe.

1 Samueli 27:8

Davida zinwe ni vanhu vakwe va lo kanziha va ya maha xijumani le Gexura, ni le Girze, ni le ka maAmaleki, hakuva a matiko lawo ma wa hi ni vanhu lava va nga wa akile kale hi tlhelo ga le Xura, kala le tikweni ga le Gipite.