2 Samueli 18:17 - Tshwa Bible

¹⁷ Zonake va lo teka Absalome va mu hoxa lomu rinzini ga hombe, lomu khwatini, va vingeretela a nhulu ya hombe ya maribye hehla kakwe. Zonake vontlhe va ka Israeli va lo tsutsuma, loyi ni loyi a ti yela kaya kakwe. Jox. 7:26; 8:29

2 Samueli 18:17 Mawu Ofanana

2 Samueli 19:5

Zonake Joabe i lo ya enghena lomu ndlwini ya hosi, aku: Inyamutlha wena u wisile tingana wontihe malanza ya wena lawa ma ponisileko wutomi ga wena legi siku, ni wutomi ga vafana va wena ni ga vanhanyana va wena, ni wutomi ga vavasati va wena, ni wutomi ga mindlukulu ya wena.

2 Samueli 19:8

Zonake a hosi yi lo suka yi ya tshama laha nyangweni; zonake va lo byela vontlhe vanhu, vaku: Langutani, a hosi yi tshamile laha nyangweni. Zonake vontlhe va lota mahlweni ka hosi. Kanilezi va ka Israeli va wa panzanyekile, loyi ni loyi a ti yela kaya kakwe.

2 Samueli 19:9

A tixaka tontlhe ta ka Israeli ti wo kanetisana, tiku: A hosi yi hi hlangutile mandleni ya valala va hina; i hi ponisile mandleni ya vaFilistia. Makunu i tsutsumile lomu tikweni hi ku chava Absalome;

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

2 Samueli 20:22

Zinghaho a wasati i loya ka vontlhe vanhu hi wutlhari gakwe; zonake va lo tsema a hloko ya Xeba nʼwana Bikiri va yi hoxa ka Joabe. Zonake Joabe i loba mpunzu; va lo hangalaka mahlweni ka muti, loyi ni loyi a ti yela tendeni gakwe. Yenawu Joabe i lo tlhelela ka hosi le Jerusalema.

2 Tihosi 14:12

Juda i lo hluliwa mahlweni ka va ka Israeli, munwe ni munwani wabye a tsutsumela tendeni gakwe.

2 Tihosi 8:21

Zonake Joramu i lo hunza le Zaira ni tikareta takwe tontlhe. I lo vuka ni wusiku a hlasela a vaEdomi lava va nga wa mu ranzele, ni tinduna ta tikareta, kanilezi a vanhu vakwe va panzanyeka vaya matendeni yabye.

Mavingu 10:7

Kualakanyiwa ka loyi a lulamileko ku katekile; anilezi a vito ga wa kubiha gi ta bola.

Deuteronome 21:20

va ta ku ngalo ka masingalakati ya muti wabye: A nʼwana loyi wa hina; i na ni kanu, a nga ingisi a gezu ga hina, xifelembu, ni xidakwa.

Deuteronome 21:21

Ni vontlhe vavanuna va muti va ta mu gandla hi maribye afa; hi ku maha lezo u ta susa kubiha xikari ka wena, zonake vontlhe va ka Israeli va ta zizwa va chava.

Joxua 10:27

Makunu loku gambo gi pelile, Joxua i lo leletela lezaku a va susiwe lomu tisinyeni, va hoxiwa ka mhako leyo va nga wa fihlele ka yona, zonake va lo viringetela maribye ya hombe laha nyangweni ya mhako, laya ma nga kona kala inyamutlha.

Joxua 7:26

Va lo tlhatekela hehla ka yena a nhulu ya hombe ya maribye, leyi yi nga kona kala legi siku. Zonake Jehova i lo bohla ka zanga yakwe yi chavekako; hilezo lego wutshamu gi lo vitanwa ku ngalo mbutshamu ga nzhelelo wa Akora kala legi siku.

Joxua 8:29

Kanilezi a hosi ya le Ai, va lo yi hayeka laha sinyeni kala laha gambyeni; zonake laha na gi pelile, Joxua i lo leletela lezaku va susa xirumbi xakwe va ya xi hoxa laha nyangweni ya muti, va lo biringetela a nhulu ya hombe ya maribye leyi yi nga kona kala inyamutlha. Deut. 21:22

1 Samueli 4:10

A vaFilistia va lolwa ni va ka Israeli; a va ka Israeli va lo hluliwa, va panzanyeka, loyi ni loyi a tsutsumela tendeni gakwe. Ku wa hi kuhlaselwa ka ntamu, hakuva ku lo dawa 30,000 wa vavanuna va hlomileko va ka Israeli.