2 Samueli 16:21 - Tshwa Bible

²¹ Ahitofeli i te ngalo ka Absalome; Yana u ya enghena ka mindlukulu ya raru wa wena, leyi a yi siyileko ku hlayisa yindlu, kasi vontlhe va ka Israeli va ta zi tiva lezaku u mahile xikanya ka raru wa wena, zonake a mandla ya vontlhe lava va nga na wena ma ta tiyiswa.

2 Samueli 16:21 Mawu Ofanana

Genesisi 34:30

Jakobe i te ngalo ka Simoni na Levi: Mu nzi gisile mihumbo, mu nzi mahile xinyenyeko ka vanhu va tiko legi, ni ka maKanani, ni ka maPerezi, na ha hi vatsongwani; va ta so tsombana va nzi hlasela, nzi lova ni yindlu ya mina.

Genesisi 35:22

Zonake laha Israeli na akile ka lego tiko, Rubeni i lo etlela na Bilha, a mundlukulu wa raru wakwe; Israeli i lozwa mhaka leyo. Makunu a vana va Jakobe va wa hi khume ni vambiri.

Genesisi 38:16

Zonake i lo hambuka aya ka yena, aku: Nzi vumele nzita ka wena. Hakuva i wa nga zi tivi lezaku i katamwane Wakwe, hakuva i wa fenengetile a nghohe yakwe. Zonake aku: U ta nzi nyika yini loku u enghena ka mina?

Genesisi 6:4

Ni zihotlovila zi wa hi kona misaveni hi lexo xikhati, ni nzhako ka lezo kambe, laha varisanyana va Nungungulu va nga enghena ka vanhwana va vanhu, va lo beleka navo vanana, va nga vanhu va tinhenha ti nga dumile kale. Mitse. 13:33

2 Samueli 10:6

Kanilezi a vanana va ka Amoni va lo wona lezaku va vangile livengo ka Davida; zonake va lo rumisa a kuva ku rambiwa 20,000 wa maSiria ya le Bete-Rehoba, ni maSiria ya le Zoba; a hosi ya le Maaka leyi yi nga wa hi ni 1,000 wa vavanuna, ni vanana va Toba va wa hi 12,000 wa vavanuna.

2 Samueli 12:11

Jehova i ngalo: Languta nzi ta vuxa a makhombo lomu ndlwini ya wena. Nzi ta ku tekela vasati va wena nzi va nyikela ka munwani, a etlela navo ni hlikanhi. Deut. 28:30; 2 Sam. 16:21, 22

2 Samueli 13:5

Jonadaba aku kakwe: Etlela laha mubhedini wa wena uku khwatsi wo babya; zonake loku a raru wa wena a ta ku wona, u taku kakwe: Nza kombela lezaku makweru Tamara a ta nzi phamela zakuga; i ta zi bhika kwalaha kuwoneni ka mina, nzi ta zi amukela lomu mandleni yakwe.

2 Samueli 15:16

A hosi yi lo famba, yi lanzelwa hi nghamu ya yona yontlhe; kanilezi yi lo siya a 10 wa mindlukulu yi hlayisa a yindlu.

2 Samueli 16:20

Zonake Absalome i te ngalo ka Ahitofeli: Hi nga wulani ga nwina wusungukati xungetano hi lezi hi ta nga maha!

2 Samueli 17:7

Huxai i te ngalo ka Absalome: Inyamutlha a xikungo xa Ahitofeli a xi sasekangi.

2 Samueli 2:7

Makunu lezi, ngha canja ga nwina gi hi ni ntamu, muva tinhenha; hakuva Saule a hosi ya nwina i file, ni yindlu ya ka Juda yi nzi wumbele a kuva hosi hehla ka yona.

2 Samueli 20:3

Davida i loya le ndlwini yakwe le Jerusalema. Zonake a hosi yi lo teka a khume ga mindlukulu leyi a nga yi siyile yi hlayisa a yindlu, yi lo va valela lomu ndlwini lomu va nga hlayiswa kona, yi va phamela zakuga, kanilezi a yi enghenangi ka vona. Va wa valelwe kala a siku ga kufa kabye, va lo hanya ku fana ni lava va felweko.

1 Tihosi 11:25

Yena i lo maha nala wa va ka Israeli wontihe masiku ya wutomi ga Solomoni, a engetela kubiha ka Hadade. Yena i lo nyenya va ka Israeli; i lo fumela a tiko ga maSiria.

1 Tihosi 2:17

Yena aku: Hi nga ya byela hosi Solomoni, a nga ku kaneti, lezaku a nzi nyika Abixagi a muXuname, a maha sati wa mina.

1 Tihosi 2:22

Hosi Solomoni i lo hlamula mamani wakwe, aku: Hikuyini u kombelela Adonija a kuva a nyikiwa Abixagi a muXuname ke? Mu kombelele kambe ni wuhosi, hakuva yena i nhonzo ya mina; hakunene u ta kombelela kambe na mupristi Abiatari, na Joabe nʼwana Zeruia!

Levi 18:8

U nga fununguli wumbyiri ga sati wa raru wa wena; hakuva wumbyiri ga raru wa wena.

Levi 20:11

Loku wanuna a etlela ni sati wa raru wakwe, a funungula wumbyiri ga raru wakwe, va ta dawa hi wumbiri gabye; a nkhata wabye wu tava hehla kabye.

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

1 Va le Korinte 5:1

Ku zwele kontlhe lezaku gi kona wubhayi xikari ka nwina, a wubhayi legi gi nga tibyiwiko ni xikari ka vamatiko, lezaku munwe wa nwina i tekile a sati wa raru wakwe. Deut. 27:20; 2 Kor. 7:12; Efe. 5:3

1 Samueli 13:4

Zonake a va ka Israeli vontlhe va lozwa lezaku Saule i hlasele a butho ga vaFilistia, ni lezaku vaIsraeli zinyenyeko ka vaFilistia. Zonake vontlhe vanhu va lo tsombana le Gilgali va lanzela Saule.

1 Samueli 27:12

Kanilezi Akixi i wa mu tsumba Davida, aku: Yena i maha a nzhukano leyo ka va ka Israeli vabye hi lezi va mu swirako, kanilezi ka mina i ta simamisa a maha nanza ga mina xontlhe xikhati.