2 Samueli 15:21 - Tshwa Bible

²¹ Itai i lo hlamula, aku ka hosi: Nzi hlambanya ha Jehova a hanyako ni hosi ya mina, kani hi kwihi laha a hosi yi ta ngava kona, a kufeni ni kuhanyeni, a nanza ga wena gi tava naye.

2 Samueli 15:21 Mawu Ofanana

2 Samueli 15:22

Davida i te ngalo ka Itai: Suka hi famba! Zonake Itai a muGiti i lo suka a tlhatuka zinwe ni vontlhe vanhu vakwe, ni vanana vakwe vontlhe lava a nga hi navo.

2 Tihosi 2:2

Elija i te ngalo ka Elixa: Tshama laha, hakuva Jehova i nzi rumile a kuya le Beteli. Elixa i te ngalo kakwe: Nzi hlambanya ha Jehova a hanyako ni muhefemulo wa wena wu hanyako, mina cima nzi nga ta ku tsika. Va lo relela zinwe vaya Beteli.

2 Tihosi 2:4

Elija i te ngalo kakwe: Elixa, tshama laha, hakuva Jehova i nzi rumile a kuya le Jeriko. Yena i lo hlamula, aku: Nzi hlambanya ha Jehova a hanyako ni muhefemulo wa wena wu hanyako, cima nzi nga ta ku tsika. Va lo ya chikela le Jeriko.

2 Tihosi 2:6

Elija i te ngalo kakwe: Tshama laha, hakuva Jehova i nzi rumile kuya le Jordani. Yena i lo hlamula, aku: Nzi hlambanya ha Jehova a hanyako ni muhefemulo wa wena wu hanyako, cima nzi nga ta ku tsika. Va lo famba zinwe.

2 Tihosi 4:30

Kanilezi a nyine wa nwanana i te ngalo: Nzi hlambanya hi Jehova a hanyako ni muhefemulo wa wena wu hanyako, lezaku cima nzi nga ta ku siya. Zonake Elixa i lo suka a famba zinwe naye.

Mavingu 17:17

A liranzo la munghana la su tsoma xontlhe xikhati, i nakulobye i pswalelwe ku vunetela kuxanisekeni.

Mavingu 18:24

Loyi a hlotako a vanghana vo tala i ti lavela khombo; Kanilezi ku na ni munghana loyi a tsumbekileko ku hunza makabye.

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 21:13

Kanilezi Paule i lo hlamula aku: Hikuyini mu rilako mu panza a mbilu ya mina ke? Kasi mina a nzi longelangi ku bohiwa ntsena, kanilezi ni ku fela a vito ga Hosi Jesu le Jerusalema. Xip. 20:24

2 Va le Korinte 7:3

A nzi wuli lezi hi ku lava ku mu kona; hakuva nzi sina nzi mu byelile lezaku mu lomu timbilwini ta hina, a kuva hi tshama zinwe a kufeni ni kuhanyeni.

1 Samueli 20:3

Zonake Davida i lo hlambanya aku: A raru wa wena wa zi tiva lezaku mina nzi kumile thomo mahlweni ka wena, zonake i taku: Jonatani ngha a nga tivi a mhaka leyi, yi nga mu tsanwisa! Kanilezi nzi hlambanya ha Jehova a hanyako, ni muhefemulo wa wena wu hanyako; ko sala xipimo xa zambo ginwe basi a kuva nzi chikela kufeni.

1 Samueli 25:26

Hikwalaho, hosi yanga, nzi hlambanya ha Jehova ni muhefemulo wa wena, Jehova i ku valele a ku halata nkhata ni ku ti photela hi canja ga wena. Makunu a valala va wena ni lava va hlotako ku maha kubiha hi hosi ya mina, a va kote Nabali!