2 Samueli 14:7 - Tshwa Bible

⁷ Makunu wontihe maxaka ya mina ma vukela a nanza ga wena, maku: Hi nyike loyi a nga daya nakulobye hi mu daya, hi photela wutomi ga nakulobye loyi a mu deleko, hi hetisawu a xiga-tshomba lexo. Makunu va lava a ku tima a khala ga mina legi gi seleko, va fuvisa a vito ga nuna wa mina laha misaveni! Deut. 19:11

2 Samueli 14:7 Mawu Ofanana

Genesisi 27:45

ku kala ku bohla a kuzangara ka nakuloni, ni ku kala a rivakelwa hi lezi u mahileko ka yena; zonake nzi ta rumela ku ta ku teka leyo; xana hikuyini nzi ta nga siyiwa hi nwina vambiri hi siku ginwe ke?

Genesisi 4:14

Languta, u nzi hlongole nyamutlha a nghoheni ya misava; nzi ta fihlala a nghoheni ya wena; nzi tava mupepetseki ni mufambafambi misaveni; ku taku kani himani a nzi kumako a nzi daya.

2 Samueli 12:17

A masingalakati ya yindlu yakwe ma lo suka maya kakwe, ma ya mu khongotela lezaku a vuka, kanilezi i lo ala, a nga vumeli ni kuga navo zakuga.

2 Samueli 14:6

A nanza ga wena ga xisati gi wa hi ni vafana vambiri. Makunu va lo holova le handle na ku nga hi na munhu wa ku va lamula; hikwalaho a munwe i lo lamata munwani a mu daya.

2 Samueli 14:8

A hosi yi te ngalo ka wasati: Famba kaya ka wena, nzi ta leletela hi mhaka ya wena.

Mitsengo 35:19

A muphoteli i ta daya mudayi loku a kumana naye.

Mateu 21:38

Kanilezi a varimi, laha na va wonile a nʼwana wakwe, vaku xikari kabye: Hi yena mugi wa tshomba, ngonani, hi mu daya, higa tshomba yakwe. Tis. 2:2, 8; Joh. 11:53

Deuteronome 25:6

Zonake a matewula lawa a ta nga beleka, i ta vuxa a vito ga nakulobye loyi a fileko; kasi a vito gakwe gi nga hlangulwi lomu ka Israeli.