2 Samueli 13:1 - Tshwa Bible

¹ Anzhako ka lezo Absalome nʼwana Davida i wa hi ni makabye wa mbhuri, a vito gakwe a nga hi Tamara. Amnoni nʼwana Davida i lo mu ranza.

2 Samueli 13:1 Mawu Ofanana

Genesisi 29:18

Jakobe i lo ranza Rakeli; aku ngalo: Nzi ta mu tirela ka wena a nhanyana wa wena loyi wa nzisana, Rakeli, ntlhanu wa malembe ni mambiri.

Genesisi 29:20

Jakobe i lo tirela Rakeli ntlhanu wa malembe ni mambiri; ma wo khwatsi masiku ma tsongwani ka yena hi kota ya ku mu ranza kakwe.

Genesisi 34:3

A mbilu yakwe yi lo namarela ka Dina, a nhanyana wa Jakobe, i lo mu ranza loyi wa nhanyana, a xalalisa a mbilu yakwe.

Genesisi 6:2

a varisanyana va Nungungulu va lo wona a vanhwana va vanhu lezaku va sasekile; va lo va teka a kuva vasati vabye ka vontlhe lava va nga va hlawula.

2 Samueli 11:2

Kute hi ginwani siku, laha gambyeni, Davida a vuka hi laha mubhedini wakwe, a fambafamba le hehla ka langwa la yindlu ya hosi, zonake na hi le langweni i lo wona a wasati na kari a hlamba; a wasati loye i wa sasekile nguvu.

2 Samueli 13:15

Zonake Amnoni i lo mu venga hi livengo la hombe nguvu, hakuva a livengo leli a nga wa mu venga ha lona li wa hunza liranzo leli a nga wa mu ranza ha lona. Amnoni i te ngalo kakwe: Susa u famba!

2 Samueli 13:2

Amnoni i lo hlokiswa hi ku mu navela, a kala a babya hi kota ya makabye wakwe Tamara, hakuva i wa nga se nga tiva wanuna; hikwalaho zi wa tsanza ka Amnoni a kuva a maha nchumu kakwe.

2 Samueli 14:27

Absalome i wa pswele vafana vanharu ni nhanyana munwe a vitwako Tamara, a mbhuri ya wasati.

1 Tihosi 11:1

Makunu hosi Solomoni i lo ranza vavasati vo tala va manwani matiko zinwe na nwaFaro; a vavasati va maMoabi, ni va maAmoni, ni va maEdomi, ni va maSidoni, ni va maHiti;

1 Kronekele 3:2

A wa wunharu hi Absalome wo belekwa hi Maaka nʼwana Talmai a hosi ya le Gexura; a wa wilmune hi Adonija wo belekwa hi Haggite;

1 Kronekele 3:9

Vontlhe lava va wa hi vana va Davida, ahandle ka lava vo belekiwa hi mindlukulu yakwe; Tamara i wa hi makabye wabye.

Mavingu 31:30

A kusaseka ka khohlisa, ni wumbhuri ga hava; anilezi a wasati loyi a chavako Jehova hi yena a ta nga dzunziwa.

Mavingu 6:25

A mbilu ya wena ngha yi nga naveli wumbhuri gakwe, e hambu ku kokiwa hi tisiyi takwe.