2 Samueli 12:25 - Tshwa Bible

²⁵ a rumela a mhaka hi nomu wa muprofeti Natani, a ya mu chula a vito ga Jedidia, hi kota ya Jehova. Davida a teka a muti wa Raba.

2 Samueli 12:25 Mawu Ofanana

2 Samueli 12:24

Davida i lo chavelela sati wakwe Batexeba; i loya kakwe a ya etlela naye, a beleka a nwanana loyi Davida a nga mu chula vito ga Solomoni. Jehova i lo mu ranza, 1 Kro. 22:9; Mat. 1:6

2 Samueli 12:26

Makunu Joabe i lolwa na Raba wa vana va ka Amoni, a teka a zinza.

2 Samueli 7:4

Kanilezi gwalego wusiku ku lota gezu ga Jehova ka Natani, gi taku:

1 Tihosi 1:11

Zonake Natani i lo wulawula na Batexeba, a mamani wa Solomoni, aku: A ku zi zwangi lezaku Adonija wa Haggite wa fuma, na hosi Davida a nga zi tivi?

1 Tihosi 1:23

Zonake va lo ya byela hosi, vaku: Muprofeti Natani i kona laha! I lo enghena aya mahlweni ka hosi a ya korama a kombisa xichavo.

1 Tihosi 1:8

Kanilezi mupristi Zadoke, na Benaia wa Jehoiada, na muprofeti Natani, na Ximei, na Rei, ni tinhenha ta Davida, vontlhe lavo a va lanzelangi Adonija.

1 Tihosi 4:5

Azaria nʼwana Natani i wa hi wahombe wa tinduna; Zabuda nʼwana Natani i wa hi mupristi tlhelo munghana wa hosi;

1 Kronekele 22:9

Languta u ta pswalelwa nʼwana loyi a ta ngava munhu wo rula; nzi ta mu nyika kuhumula xikari ka vontlhe valala vakwe va wontihe matlhelo, hakuva a vito gakwe i tava Solomoni; a masikwini yakwe nzi ta nyika va ka Israeli a kuhumula.

1 Kronekele 3:5

Lava hi lava a nga pswalelwa le Jerusalema: Ximea, na Xobaba, na Natani, na Solomoni; mune wabye vo belekiwa hi Bate-xua nʼwana Ammieli,

Nehemia 13:26

A hi zalezi zi nga onhisa Solomoni hosi ya ka Israeli ke? Kasi ku wa nga hi na hosi yo kota yena xikari ka matiko wontihe; i wa ranziwa hi Nungungulu, a mu wumbela kuva hosi ya gontlhe Israeli. Ahembaloko, a vavasati va matiko va lo mu onhisa. 2 Sam. 12:24; 1 Tih. 3:13; 2 Kro. 1:12

Mateu 17:5

Na a ha wulawula, a refu go ngangamela gi lo va khubhunyeta; a gezu gi huma refini giku: Loyi hi Nwananga a ranzekako, nzi xaleleko ha yena; mu ingiseni. Deut. 18:15; 2 Ped. 1:17

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Deuteronome 33:12

Ha Benjamini i te ngalo: Xiranzwa xa Jehova, I ta tshama kuruleni zinwe na yena; Jehova i ta mu fenengeta kala kupinzuka, Yena i ta tshama makatleni ya yena.