2 Pedro 2:10 - Tshwa Bible

¹⁰ kanilezi i maha lezo nguvunguvu hi vona lava va fambako hi ka nyama kumbilukeleni ko nyenyeza, va kanyisa a wuhosi ga le hehla. Kota lezi va nga ni wurena va ti kukumukisa, a va chavi a ku rukatela a zivangwa zi ngangamelako. Juda 4, 7, 8

2 Pedro 2:10 Mawu Ofanana

Genesisi 49:6

A mbilu ya mina ngha yi nga engheni makungweni yabye! Moya wa mina ngha wu nga tlhangani ni makungo yabye, Hakuva a zangeni yabye va dele vanhu; Ku ti xalaliseni kabye va tsemile misiha ta tikuzi.

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

1 Tihosi 12:16

Laha vontlhe va ka Israeli vanga wa wonile lezaku a hosi a yi va ingisangi, a vanhu va lo hlamula hosi, vaku: Hi na ni xiavelo muni na Davida ke? Hina a hi na tshomba ni nʼwana Jese! Va ka Israeli, fambani matendeni ya nwina! Wena Davida, cuwuka a yindlu ya wena nwinyi! Zinghaho a va ka Israeli va lo tlhelela matendeni yabye.

Tisimu 12:4

Lava va nge: Hi tirimi ta hina hi na ni ntamu; A milomu nja hina, himani a hi fumako? Ekso. 5:2

Eksodusi 22:28

U nga dzuki u xanza Nungungulu wa wena, ni kambe u nga rukateli a hosi ya nwina.

Mutshawuteli 10:20

U nga rukateli hosi, hambu ni le maalakanyweni ya wena; u nga rukateli munhu a fumileko hambu lomu tsawini ga wena; hakuva a tinyanyani ta ndengelenge ti nga dzuka ti rwala a mhaka ya kona, leti ti purumako ti ya hlawutela timhaka ta wena. Ekso. 22:28; Miti. 23:5; Rom. 13:2

Jeremia 2:31

Nwina va xizukulwana lexi, ingisani a mhaka ya Jehova! Xana nzi wa hi tiko ga xiwula a ka Israeli ke? Kutani kuva tiko ga munyama? Hikuyini a vanhu va mina vaku: Hi tlhatlhekile, Hi nga ta engeta hita ka wena.

Mitsengo 15:30

Kanilezi loku munhu a onha ha womu, kutani xisumbulwa kutani muluveli, a onha hi ku kanyisa Jehova; loye munhu i ta tsemiwa xikari ka va ka kabye.

Luka 11:25

Laha na wu wuyile, wu yi kuma na yi swiyelwe na yi longisilwe.

Luka 19:14

Kanilezi a vanhu va tiko gakwe va wa mu venga, va ruma a mitsumi hi lenzhako kakwe, vaku: A hi ranzi ku fumiwa hi munhu loyi. Joh. 1:11

Mitiro 23:5

Paule aku ngalo: Vamakabye, nzi wa nga zi tivi lezaku mupristi wa hombe, hakuva ku tsalilwe ku ngalo: U nga rukateli a hosi ya tiko ga nwina. Ekso. 22:28; 2 Ped. 2:10; Juda 8

Va le Roma 8:1

Hikwalaho a ku na kukoniwa ka lava va nga ka Kristu Jesu. Gal. 5:16

1 Va le Korinte 6:9

Xana a mu zi tivi lezaku a vangalulamangiko va nga taga a tshomba ya mufumo wa Nungungulu ke? Mu nga kohliswi: hakuva a zirembi, ni vakhozeli va zifananiso, ni zibhayi, ni lava va ti mahako vavasati, ni lava va ti bihisako ni vanwani vavanuna, Isa. 3:11

2 Va le Korinte 10:3

Hakuva hambu hi famba na hi ka nyama a hilwi hi ka nyama.

Va le Efesusi 4:19

Laha na va nga ha zi koti kuzwa va lo ti nyikela wurembini, va tira kungahlazeki kontlhe ku hunza mpimo. Rom. 1:24; 1 Tim. 4:2

Va le Efesusi 5:5

Hakuva ma zi tiva khwatsi lezaku a zirembi, ni vanhu va nga hlazekangiko, ni vanhu va likaka lava va khozelako zifananiso, va nga tava ni tshomba mufunweni wa Kristu ni Nungungulu. Kuv. 22:15

Va le Kolosi 3:5

Hikwalaho dayani a ziro za nwina za laha misaveni: a wubhayi, ni kungahlazeki, ni wurembi, ni kumbilukela ka kubiha, ni likaka, li nga kukhozela zifananiso;

1 Va le Tesalonika 4:7

Hakuva Nungungulu a nga hi vitanelangi zivini, kanilezi i hi vitanele kubasisweni. Levi 11:44

2 Timote 3:2

Hakuva vanhu va ta ti ranza wutsumbu, a varanzi va mali, a vamatshanza, a va manyanga, a va tihlamba, a va nga ingisiko vapswali vabye, a va nga bongiko, a va nga basangiko, Rom. 1:30

Titusi 1:7

Hakuva a murisi ngha a nga soleki, kota lezi a nga nekwa ya Nungungulu; na a nga hi na xikanikani, na a nga hi na xizangazangani, a nga ti nyikeliko kunweni ka byala, na a nga hi mubi, na a nga naveli bhinzu go biha; Levi 10:9; Mat. 24:45

Maheberu 13:4

Ngha na kutekana ku dzunzeka ka vanhu vontlhe, ngha sango gi nga nyenyeziswi; hakuva a zirembi ni zibhayi Nungungulu i ta zi lamula.

2 Pedro 3:3

A kuranga tivani lezaku a masikwini ya kugumesa ku tata a vatseketseli va wulawula kutseketsela, na va famba kumbilukeleni kabye, 1 Tim. 4:1

Juda 1:10

Kanilezi a vanhu lavo va rukatela zontlhe lezi va nga zi tiviko; ni lezi va zi pimako hi mahanyela, khwatsi hi zihari zi nga hiko na kupima, va ti lovisa ha zona. 2 Ped. 2:12

Juda 1:16

Lava hi vona va kalalako ni ku monya, lava va fambako kumbilukeleni kabye, a milomu yabye yi wulawula wukhuxu, va hlawula vanhu hi kota ya bhinzu. 2 Ped. 2:18

Juda 1:18

laha va nga ku ngalo ka nwina: Hi xikhati xa kugumesa ku tava kona a vatseketseli, lava va fambako hi kumbilukela kabye ka kubiha. 1 Tim. 4:1

Juda 1:4

Hakuva ku enghenile vanhu vo kari hi xihundla, lava ku tsalilweko kale ha vona lezaku va ta koneka kulamulweni, mbanhu va nga chaviko Nungungulu, va hunzula tipswalo ta Nungungulu wa hina va ti yisa wubhayini va kaneta loyi a nga yena Nwinyi wa hina ni Hosi, Jesu Kristu. Rom. 9:21; 2 Ped. 2:10; 1 Joh. 2:22

1 Samueli 10:27

Kanilezi a vanwani lava vo biha, va te ngalo: Xana loyi munhu i ta hi ponisisa kuyini? Va lo mu kanyisa, va nga nehi nzuvo kakwe. Kanilezi Saule a nga wulangi nchumu ha zona.